Paytm हे नाव तुम्ही ऐकले असेलच. आपल्यापैकी बरेच जण ते रोज वापरतात. One 97 Communications Limited ही या Paytmची मालकी (मूळ) कंपनी आहे. तर बातमी अशी आहे की बॉम्बे स्टॉक एक्सचेंज म्हणजेच BSEने Paytmची मूळ कंपनी वन 97 कम्युनिकेशन्स लिमिटेडकडून स्पष्टीकरण मागितले आहे.(Storm fall in Paytm shares)
खरं तर, मंगळवारी 22 मार्च रोजी जेव्हा शेअर बाजार बंद झाला तेव्हा वन 97 कम्युनिकेशन्सच्या शेअरची किंमत 565.35 रुपयांपर्यंत घसरली. दिवसभराच्या व्यवहारात एकवेळ तो 541 रुपयांच्या पातळीवर घसरला होता. याचे वर्णन Paytm स्टॉकचा सर्वकालीन कमी दर म्हणून करण्यात आले आहे. बातमीनुसार, BSEने या संदर्भात Paytmकडून स्पष्टीकरण मागितले आहे.
त्यांनी जारी केलेल्या दैनिक बुलेटिनमध्ये म्हटले आहे की, Exchange ने 22 मार्च 2022 रोजी One97 Communications Limited कडून महत्त्वपूर्ण किंमतीतील चढउतारांबाबत स्पष्टीकरण मागितले आहे. गुंतवणूकदारांना कंपनीबद्दल नवीनतम संबंधित माहिती आहे याची खात्री करण्यासाठी आणि गुंतवणूकदारांच्या हिताचे रक्षण करण्यासाठी बाजाराशी संवाद साधला गेला आहे आणि त्यांना उत्तराच्या प्रतीक्षा आहे.
One 97 Communications Limited चे शेअर्स लिस्ट झाल्यापासून ते सतत घसरत आहेत. त्याचा आयपीओ गेल्या वर्षी आला होता. IPO म्हणजे प्रारंभिक सार्वजनिक ऑफर. जेव्हा एखादी कंपनी तिच्या आर्थिक गरजांसाठी प्रथमच तिचे शेअर्स जारी करण्याची ऑफर आणते तेव्हा त्याला IPO आणल्याचे म्हटले जाते. हा प्राथमिक बाजार आहे, म्हणजेच प्रारंभिक टप्पा.
बाजारात आल्यानंतर स्टॉक एक्स्चेंजवर सूचीबद्ध झालेल्या कंपन्यांच्या शेअर्सची खरेदी आणि विक्री ही याच्या पुढची पायरी आहे. याला दुय्यम बाजार म्हणतात. तुम्ही एका कंपनीचे शेअर्स खरेदी केले. याचा अर्थ, तुम्ही त्या कंपनीचा भाग आहात. त्याच्या तोट्यात आणि नफ्यात तुमचा वाटा आहे. तुम्हाला किती शेअर्स मिळतील, हे तुम्ही किती हिस्सेदारी खरेदी केले आहे त्यावरून ठरवले जाते.
तर 18 नोव्हेंबर 2021 रोजी One 97 Communications चा IPO आला. लोकांनी त्याचे शेअर्स 2150 रुपयांच्या इश्यू प्राइसने खरेदी केले. अशा लोकांचे मोठे नुकसान झाले आहे. सध्या शेअरची किंमत एक चतुर्थांश कमी झाली आहे. यापूर्वी रिझर्व्ह बँकेने Paytm वर मोठी कारवाई केली होती. Paytm पेमेंट्स बँकेचे नवीन ग्राहक बनवण्यावर त्यांनी बंदी घातली होती. Paytm बँकेतील काही चिंताजनक अनियमिततेच्या आशंकामुळे हे पाऊल उचलण्यात आल्याचे आरबीआयने सांगितले होते.
यासोबतच आरबीआयने Paytm पेमेंट्स बँकेचे आयटी ऑडिट करण्याचे आदेश दिले आहेत. Paytm पेमेंट्स बँकेला तिच्या आयटी प्रणालीची सर्वसमावेशक तपासणी करण्यासाठी आयटी ऑडिट फर्म नियुक्त करण्याचे निर्देश देण्यात आले आहेत. केंद्रीय बँकेने स्पष्टपणे सांगितले की, आयटी ऑडिट अहवाल पाहिल्यानंतर आणि पुनरावलोकन केल्यानंतरच बँकेला नवीन ग्राहक जोडण्याची परवानगी दिली जाईल.
महत्वाच्या बातम्या-
जगातील सगळ्यात घातक विष साईनाईडची टेस्ट कोणालाच नाही माहिती पण आम्ही तुम्हाला सांगतो, वाचा सविस्तर..
रनवे ३४ ट्रेलर: जेव्हा पायलटने सिगरेट ओढल्यामुळे झाला होता ५१ लोकांचा मृत्यु, वाचा खरी कहाणी
Attack Trailer 2: जॉन अब्राहम बनला सुपर सोल्जर; अडीच मिनिटात केला नुसता धुराळा
अमिताभसारखा मोठा सेलिब्रिटी आंबेडकरांच्या पाया लागतो हे भाजपच्या लोकांना खटकलंय का?
