बॉलिवूड अभिनेत्री आणि अनिल कपूरची मुलगी सोनम कपूर (Sonam Kapoor) लवकरच पहिल्यांदा आई होणार आहे. सोनमने सोशल मीडियावर फोटो शेअर करून पती आनंद आहुजासोबत (Anand Ahuja) प्रेग्नन्सीची घोषणा केली आहे. सोनमच्या या गुड न्यूजच्या घोषणेनंतर बॉलिवूड सेलेब्सही आनंद व्यक्त करत आहेत आणि या जोडप्याचे अभिनंदन करत आहेत.(Sonam Kapoor will be the mother)
सोनमने पतीसोबत प्रेग्नेंसी फोटोशूट केले आहे. या फोटोशूटचे काही फोटो दोघांनी सोशल मीडियावर शेअर केले आहेत. फोटोंमध्ये सोनम काळ्या रंगाच्या ड्रेसमध्ये आनंदच्या मांडीवर पडलेली दिसत आहे. फोटोंमध्ये सोनमचा बेबी बंपही दिसत आहे. ही पोस्ट शेअर करत सोनमने लिहिले, ‘तुमचे उत्तम संगोपन करण्यासाठी आमचे चार हात. 2 हृदये जी प्रत्येक पायरीवर आणि मार्गावर तुमच्या सोबत असतील. एक कुटुंब जे तुम्हाला प्रेम आणि पाठिंबा देईल. आम्ही तुमचे स्वागत करण्यासाठी थांबू शकत नाही.
सोनम आणि आनंदचे लग्न 2018 मध्ये झाले होते. तेव्हापासून सोनमच्या चाहत्यांना या गुड न्यूजची अपेक्षा होती. सोनम सध्या पतीसोबत लंडनमध्ये राहते. सोनम कपूरने इंस्टाग्रामवर तीन फोटो शेअर केले आहेत. पहिल्या छायाचित्रात सोनम कपूर खाली पडून कॅमेराकडे बघताना दिसत आहे आणि तिने पोटावर हात धरला आहे. दुस-या आणि तिसर्‍या चित्रात ती पती आनंद आहुजाच्या मांडीवर पडली आहे आणि हे जोडपे खूप आनंदी दिसत आहे.
सोनमने ही पोस्ट शेअर केल्यानंतर लगेचच तिची चुलत बहिणी खुशी आणि अंशुला कपूर यांनी तिचे अभिनंदन केले. या दोघींशिवाय करीना कपूर खान, वाणी कपूर, दिया मिर्झा, रवीना टंडन, शनाया कपूर, भूमी पेडणेकर, अनन्या पांडे, जान्हवी कपूर, ताहिरा कश्यप अशा अनेक सेलिब्रिटींनी सोनमचे अभिनंदन केले आहे.
वर्क फ्रंटबद्दल बोलायचे झाले तर, सोनम कपूर 2020 मध्ये तिच्या वडिलांच्या वेब सीरिज ‘AK vs AK’ मध्ये शेवटची दिसली होती. आता ती ‘ब्लाइंड’ चित्रपटात काम करताना दिसणार आहे. सोनम कपूरने 2007 मध्ये ‘सावरिया’ चित्रपटाद्वारे बॉलिवूडमध्ये पदार्पण केले. यानंतर त्यांनी ‘दिल्ली 6’, ‘खूबसूरत’, ‘नीरजा’, ‘प्रेम रतन धन पायो’, ‘वीरे दी वेडिंग’ आणि ‘रांझना’सह अनेक चित्रपटांमध्ये काम केले.
