मंत्री झाल्यावर मतदारसंघात परतलेल्या भुमरेंच्या कार्यक्रमाकडे शिवसैनिकांनी पाठ फिरवली; वाचा नेमकं काय घडलं?

शिंदे यांच्या बंडात सहभाग घेतला. प्रत्येक आमदाराची अपेक्षा होती की, नव्या सरकारमध्ये मंत्रीपद मिळावं. मात्र तसं घडलं नाही. अनेकांच्या पदरी निराशा आली. तर दुसरीकडे ज्यांना शिंदे सरकारमध्ये मंत्रीपद मिळाले ते नेते आता राज्यात पुन्हा जोमाने कामाला लागले आहेत.

शिंदे गटातील आमदार तथा राज्याचे रोहयो मंत्री संदिपान भुमरे हे देखील मंत्री झाल्यानंतर पहिल्यांदाच आपल्या पैठण मतदारसंघात परतले. मात्र आपल्याच मतदारसंघात त्यांना एक विचित्र अनुभव आल्याच पाहायला मिळालं. भुमरेंच्या कार्यक्रमाकडे शिवसैनिकांनी पाठ फिरवली असल्याच पाहायला मिळालं.

मिळालेल्या माहितीनुसार, नुकताच औरंगाबाद जिल्ह्यातल्या पैठणमध्ये एक कार्यक्रम झाला. या कार्यक्रमात पैठणचे आमदार, मंत्री संदिपान भुमरे (Sandipan Bhumare) यांनी देखील आपली उपस्थिती होती. आता नवं-नवं मंत्रिपद मिळालेल्या आमदारांच्या कार्यक्रमाला तुफ्फान गर्दी होणं अपेक्षित होतं.

मात्र चित्र काहीस नकारात्मक पाहायला मिळालं. विशेष बाब म्हणजे, नवीनच मंत्रीपद मिळालेल्या भुमरे यांचा स्थानिक नागरिक आणि शिवसैनिकांच्यावतीने सत्कार सुद्धा ठेवण्यात आला होता. मात्र यावेळी चक्क शिवसैनिकांनी या कार्यक्रमाकडे पाठ फिरवली. कार्यक्रमाच्या ठिकाणी भुमरे यांचे मोजकेच समर्थक पाहायला मिळाले.