आदित्य राज कपूर (Aditya Raj Kapoor) एक भारतीय चित्रपट दिग्दर्शक, अभिनेता आणि लेखक, दिवंगत अभिनेते शम्मी कपूर (Shammi Kapoor) आणि अभिनेत्री गीता बाली यांचा मुलगा आहे. आदित्य 9 वर्षांचा असताना त्याची आई गीता बाली यांचे निधन झाले. यानंतर त्याचे वडील शम्मीने नीला देवीशी दुसरे लग्न केले आणि त्यांनी शम्मीची दोन मुले आदित्य आणि कांचन यांना वाढवले.(Shammi Kapoor’s son made a big revelation)
नीला देवींनी शम्मी कपूरशी लग्न करून केवळ तिची मुले दत्तक घेतली नाहीत, तर ती कधीही मुलांना जन्म देणार नाही असे ठरवले आणि तिने तसे केले. शम्मी आणि नीला यांच्या जोडीने अनेकांना प्रेरणा दिली, परंतु तुम्हाला माहित आहे का की गीता आणि नीला व्यतिरिक्त शम्मी कपूरचे अनेक अभिनेत्रींसोबत अफेअर होते. दिग्दर्शक, लेखक आणि अभिनेता आदित्य राज कपूरने वडिलांविषयी अनेक गुपिते उघड केली आहेत. गीता बालीसोबतच्या प्रेमापासून ते नीला देवीशी लग्नापर्यंतचा प्रवास त्यांनी जगासमोर ठेवला आहे.
दिवंगत अभिनेते शम्मी कपूर यांचा मुलगा आदित्य राज कपूर याने अलीकडेच वडिलांच्या वैयक्तिक आयुष्याविषयी खुलासा केला. 1956 मध्ये जन्मलेला आदित्य, शम्मी आणि गीता बाली यांचा मुलगा आहे. आदित्य नऊ वर्षांचा होता तेव्हा त्याच्या आईचे निधन झाले होते. गीताच्या प्रेमात पडल्यानंतर शम्मीने लग्न केले. मात्र, 1965 मध्ये त्यांचे निधन झाले. नुकत्याच झालेल्या एका मुलाखतीत आदित्यने गीता बाली यांच्या निधनानंतर शम्मी आपल्या मुलांच्या आयुष्यात आईसारखी व्यक्ती कशी शोधत होते हे सांगितले.
आदित्यने सांगितले की, ज्येष्ठ अभिनेत्याने अभिनेत्री मुमताजशीही लग्न करण्याचा विचार केला होता. तो म्हणतो, डॅड हे अगदी स्पष्टपणे सांगत होते की त्यांना कोणीतरी त्यांच्या मुलांची काळजी घ्यावी. ते पाहत होते की आम्हाला आईची गरज आहे. मुमताजजींशी लग्न करण्याचा विचार करून डॅड काही चुकीचे करत आहेत असे मला वाटत नाही. लग्न न करून आपल्या करिअरवर लक्ष केंद्रित करण्याचा मुमताजचा निर्णयही चुकीचा होता असेही मला वाटत नाही.
शम्मी कपूर आणि नूतनचे अफेअर
आदित्य राज कपूरला जेव्हा त्याचे वडील शम्मी आणि अभिनेत्री नूतन यांच्या अफेअरबद्दल विचारण्यात आले तेव्हा दिग्दर्शक म्हणाला, मला हे माहित आहे, पण हे माझ्या आई-वडिलांच्या लग्नापूर्वी घडले आहे. त्या वेळी दोघेही तरुण होते, मात्र त्यांची पद्धत त्या वेळेनुसार योग्य नव्हती.
नादिरा यांची श्रीलंकेत भेट
यानंतर आदित्य राज कपूरला आपल्या वडिलांच्या दुसऱ्या अफेअरबद्दल विचारले, तेव्हा अभिनेत्री नादिरा हिचे नाव शम्मीच्या आयुष्यातील दुसरी महिला म्हणून घेण्यात आले, ज्यांना दिवंगत अभिनेते श्रीलंकेत भेटले होते. याबाबत आदित्य म्हणाला, मला वाटतं, दोघेही एकमेकांविषयी गंभीर नव्हते. तेव्हा माझे वडील खूप लहान होते आणि त्यांना कोणताही निर्णय घेता आला नाही.
शम्मी कपूर आणि बिना रमानी यांचे अफेअर
गीता बालीच्या मृत्यूनंतर शम्मीच्या आयुष्यात मुमताज आली. यानंतर आणखी एक महिला त्याच्या आयुष्यात सामील झाली. ती होती बीना रमाणी, या प्रसिद्ध लेखिका होत्या. आदित्य राज कपूर यांनी सांगितले की शम्मी कपूर आणि बीना जी यांचे नाते थोडक्यात आणि औपचारिक होते. त्यावेळी दोन मुलांसह विधुर होणे ही चांगली गोष्ट नव्हती. मात्र, आजच्या काळात तशी स्थिती नाही. यानंतर शम्मी कपूर नीला देवींना भेटले. तिने शेवटच्या क्षणापर्यंत पतीला साथ दिली.
महत्वाच्या बातम्या-
त्यामुळे माझ्या वडिलांनी नाईलाजाने दुसरं लग्न केलं होतं; शम्मी कपूर यांच्या मुलाचा मोठा खुलासा
जेव्हा मुमताज फक्त १८ वर्षांच्या होत्या तेव्हा शम्मी कपूरने केले होते त्यांना प्रपोज, समोर ठेवली होती ही अट
आलिया-रणबीरच्या लगीनघाईत समोर आली ऋषी-नीतू कपूरची ४२ वर्षांपुर्वीची पत्रिका, पहा फोटो
या कारणामुळे नूतनने संजीव कुमार यांना भर शुटींगमध्ये दिली होती कानशिलात, वाचा किस्सा
