बॉलिवूड इंडस्ट्रीत साऊथच्या सिनेमांचे रिमेक बनवण्याचा ट्रेंड आहे. नुकताच प्रदर्शित झालेला शाहिद कपूरचा(Shahid Kapoor) चित्रपट ‘जर्सी’ हा देखील तेलुगू स्पोर्ट्स ड्रामाचा रिमेक आहे, जो बॉक्स ऑफिसवर फ्लॉप झाला आहे. आता चित्रपट निर्माते राम गोपाल वर्मा यांनी दाक्षिणात्य चित्रपटांच्या बॉलिवूड रिमेकवर ट्विट करून आपली प्रतिक्रिया दिली आहे आणि या साऊथ चित्रपटांचे रिमेक करण्यापेक्षा हिंदीत डबिंग करणे अधिक फायदेशीर असल्याचे सांगितले आहे.(shahids-jersey-flops-ram-gopal-varma-says-stop-hindi-remakes)
राम गोपाल वर्मा(Ram Gopal Varma) यांनी या मुद्द्यावर अनेक ट्विट केले असून त्यांनी लिहिले आहे की, ‘हिंदीतील जर्सी चित्रपटाचा दु:खद शेवट हा साऊथच्या रिमेकच्या समाप्तीचे संकेत देतो. याचे साधे कारण म्हणजे पुष्पा, RRR, KGF2 सारख्या दक्षिणेकडील चित्रपटांनी हिंदी डब केलेल्या ओरिजिनलपेक्षा चांगली कामगिरी केली आहे, जर आशय चांगला असेल तर. यासह, त्याने #DeathOfRemakes हा जबरदस्त हॅशटॅग शेअर केला आहे, ज्यामध्ये त्याने रिमेकच्या समाप्तीबद्दल सांगितले आहे.
त्यांनी पुढे लिहिले की, ‘तेलुगूमध्ये बनलेला नानीचा मूळ चित्रपट जर्सी(Jersey) हिंदीत डब केला असता, तर निर्मात्यांनी केवळ 10 लाख रुपये खर्च केले असते, परंतु हिंदी रिमेकसाठी 100 कोटी रुपये खर्च करूनही काही उपयोग झाला नाही. त्यात वेळ, पैसा, मेहनत आणि चेहरा वाया गेला.
ते इथे गप्प बसले नाही. त्यांनी पुढे लिहिले, ‘पुष्पा, RRR आणि KGF 2 सारख्या डब केलेल्या चित्रपटांच्या जबरदस्त यशानंतर, आता चांगला आशय असलेला कोणताही दक्षिण चित्रपट रिमेकसाठी विकला जाणार नाही कारण हिंदी प्रेक्षकांना आशय आणि प्रादेशिक कलाकार दोन्ही आवडतात.’
त्यांनी पुढे म्हटले आहे की, ‘त्यांना ना सुपरहिट कसे बनवायचे हे माहित आहे आणि ना त्यांना साऊथच्या चित्रपटांच्या रिमेकवर टिकून राहण्याची आशा आहे, कारण त्यांना कोणीही रिमेकचे(Remake) हक्क विकणार नाही.’
राम गोपाल वर्मा यांनी त्यांच्या पुढील ट्विटमध्ये लिहिले, ‘कथेची नैतिकता ही आहे की चित्रपटांचा रिमेक करण्यापेक्षा डब करणे आणि रिलीज करणे चांगले आहे, कारण हे स्पष्ट आहे की प्रेक्षक कोणताही चेहरा किंवा कोणताही विषय घेऊन कुठेही जाऊ शकतात. जोपर्यंत त्यांना इंटरेस्ट आहे.
राम गोपाल वर्मा यांनी लिहिले आहे की, ‘तेलुगू आणि कन्नड चित्रपटांमुळे हिंदी चित्रपटांना कोविड व्हायरसची(Covid virus) लागण झाली आहे. आशा आहे की लवकरच बॉलीवूड एक लस घेऊन येईल. शाहीद कपूरच्या ‘जर्सी’ने पहिल्या दिवसापासूनच बॉक्स ऑफिसवर मार खाल्ला आहे. गौथम तिन्ननुरी दिग्दर्शित हा स्पोर्ट्स ड्रामा चित्रपट कुठेही टिकला नाही. या चित्रपटाने चार दिवसांत केवळ 15.50 कोटींची कमाई केली आहे.
