राज्यसभेच्या सहाव्या जागेसाठी राज्यातील वातावरण चांगलच तापलंय. राज्याचे मुख्यमंत्री उद्धव ठाकरेंनी दिलेला शब्द मोडला असा आरोप संभाजीराजेंनी शिवसेनेवर केला. त्यानंतर विरोधकांनी देखील आरोप करण्याची संधी सोडली नाही. ‘हा छत्रपती घराण्याचा अपमान असल्याचा आरोप विरोधकांनी केला.
‘मुख्यमंत्री उद्धव ठाकरे यांनी संभाजीराजे यांना व्यक्तीगतरित्या उमेदवारी नाकारली आहे. याचा छत्रपती घराण्याशी काहीही संबंध नाही. हा त्यांचा व्यक्तीगत निर्णय असून छत्रपती घराण्याचा सर्व राजकीय पक्षीयांनी सन्मान केला असून कुणीही अवमान केलेलं नाही,’ असं संभाजीराजेंचे वडील शाहू छत्रपती म्हणाले.
यावर आता माजी खासदार संभाजीराजे छत्रपती यांची प्रतिक्रिया आली आहे. फेसबुक पोस्ट करत संभाजीराजे यांनी यावर भाष्य केलं आहे. ‘छत्रपती शिवाजी महाराजांना स्मरूण पत्रकार परिषदेत मी सत्य तेच बोललो आहे,’ असं त्यांनी म्हंटलं आहे. सध्या संभाजीराजेंची फेसबुक पोस्ट चर्चेत आली आहे.
https://www.facebook.com/100044614891340/posts/pfbid0TkB3cTQcBDgtRakQrXj1zU8tTxWyTPr3Cr9VVNfaTKSj2VydDVnxnLqajQU1DXJfl/?d=n
फेसबुक पोस्टमध्ये संभाजीराजे म्हणतात, ‘छत्रपती शिवाजी महाराजांना स्मरूण पत्रकार परिषदेत मी सत्य तेच बोललो आहे. माझ्या वडिलांचा मी आदरच करतो. ते जे बोलले त्यावर मी काही बोलू इच्छित नाही,’ असं संभाजीराजेंनी स्पष्टच सांगितलं आहे. तर आता संभाजीराजेंच्या पुढील राजकीय भूमिकेकडे राजकीय वर्तुळाचे लक्ष लागले आहे.
वाचा काय म्हणाले संभाजीराजेंचे वडील शाहू छत्रपती..? संभाजीराजेंना शिवसेनेने उमेदवारी दिली नाही त्यामुळे छत्रपती घराण्याचा अपमान झाल्याचा आरोप विरोधकांकडून होऊ लागला. या सर्व राजकारणामागे भाजपाचीच खेळी असल्याचा दावा छत्रपती संभाजीराजे यांचे वडील शाहू छत्रपती महाराजांनी केला.
‘हा छत्रपती घराण्याचा अपमान असं म्हणता येणार नाही. ही सगळी संभाजीराजेंची राजकीय भूमिका होती. माजी मुख्यमंत्री देवेंद्र फडणवीस आणि भाजपाची खेळी होती. संभाजीराजेंनी अपक्ष लढावं यासाठी भाजपाने त्यांना भाग पाडलं, असा गौप्यस्फोट संभाजीराजेंचे वडील शाहू छत्रपती यांनी केला.
महत्वाच्या बातम्या-
कालिन भैया की बाबा निराला, कोण आहे ओटीटीचा बादशाह? कोण घेतं सगळ्यात जास्त मानधन?
प्राजक्ता गायकवाडला सेटवरच भेटली चिमुकली फॅन, दिले घरी येण्याचे आमंत्रण, प्राजक्ता म्हणाली…
काकीकडून उधार पैसै घेऊन मुंबईत आला होता ‘हा’ अभिनेता, नंतर बनला बॉलिवूडचा ‘पितामह’
