मेगास्टार अमिताभ बच्चन (Amitabh Bachchan) यांचे भारतातच नाही तर परदेशातही खूप चाहते आहेत. पण रशिया देशाबद्दल बोलायचे झाले तर इथे अमिताभ बच्चनचा जलवा फिका पडतो कारण तिथे दुसऱ्या एका हिंदुस्थानी मेगास्टारच्या मागे रशियन लोक जास्त वेडे झालेले दिसतात. हा मेगास्टार अनेक वर्षांपासून इंडस्ट्रीत आहे, तरीही त्याची लोकप्रियता कमी झालेली नाही. या मेगास्टारचे नाव आहे मिथुन चक्रवर्ती.(Russia is crazy about this superstar)
मिथुन चक्रवर्तीच्या चाहत्यांच्या वेडेपणाचा अंदाज तुम्ही यावरून लावू शकता की, एकाच दिवसात त्याच्या चित्रपटाची 12 कोटी तिकिटे विकली गेली होती. 1983 सालची गोष्ट आहे, जेव्हा मिथुन चक्रवर्तीचा चित्रपट ‘डिस्को डान्सर’ मॉस्को फिल्म फेस्टिव्हलमध्ये निवडला गेला होता. या चित्रपटाचे दिग्दर्शन बब्बर सुभाष यांनी केले होते.
https://www.instagram.com/p/CZh8PyKMOXO/?utm_source=ig_web_copy_link
चित्रपटातील संगीत एका नव्या युगाचे होते. हा चित्रपट पाहून ऑडिटोरियममध्ये बसलेल्या तीन हजारांहून अधिक लोकांनी टाळ्यांचा कडकडाट केला. एवढेच नाही तर त्या सर्वांनी टायटल ट्रॅकवर डान्सही केला. हे पाहून सुभाषला आश्चर्य वाटले. या चित्रपटाची कथा भारत आणि रशिया यांच्यातील संबंध दृढ होण्यावर आधारित होती. त्यामुळे बॉलीवूड चित्रपटांचे प्रेक्षक तर वाढलेच पण संपूर्ण देशाला भारतीय चित्रपटांनी वेड लावले.
डिस्को डान्सरसाठी सोव्हिएत युनियनमध्ये 120 दशलक्ष तिकिटे विकली गेली. याबाबत व्हॉट्सअॅपचे मूळ युक्रेनचे सह-संस्थापक जान कौम यांनी सांगितले की, लहानपणी त्यांनी कीवमध्ये राहून किमान 20 वेळा हा चित्रपट पाहिला होता. वास्तविक, शीतयुद्धाच्या काळात सोव्हिएत युनियनमध्ये हॉलीवूड चित्रपटांवर बंदी घालण्यात आली होती.
मॉस्कोस्थित पत्रकार एलेना डोरोशेन्को यांनी जुने हिट तसेच ‘कल हो ना हो’ आणि ‘पहेली’ सारखे नवीन चित्रपट पाहिले आहेत. भारतीय चित्रपट रशियातील लोकांशी भावनिकरित्या जोडतात, असे ती म्हणते. ती म्हणाली की, ‘आपली भाषा जरी वेगळी असली, तरी चित्रपट एकाच भावनिक भाषेत संवाद साधतात आणि अशा परिस्थितीत आपल्याला भावना चांगल्या प्रकारे कळतात.’
सोव्हिएत सरकारने 1950 पासून भारतीय चित्रपटांना प्रोत्साहन देण्यास सुरुवात केली. रशियन लोकांमध्ये भारतीय चित्रपट आणि कलाकारांची क्रेझ इतकी वाढली की यूट्यूबवर रशियन चाहत्यांनी मिथुन चक्रवर्तीच्या नावाने चॅनेल तयार करण्यास सुरुवात केली. मिथुनचे ‘जिमी-जिमी’ गाणे आजही खूप पसंत केले जाते.
महत्वाच्या बातम्या-
सावळे लोक अभिनय करू शकत नाही का? बॉलिवूडमधील वर्णभेदावर नवाजुद्दीनने साधला निशाणा
नशीबाचा खेळ! मुलीने सरकारी नोकरीसाठी केली ६.७० लाखांची पुजा, पण मिळालीच नाही नोकरी
मिलिंद गवळी यांना अभिनयात यश मिळावं, यासाठी त्यांच्या सासूबाई करायच्या हे काम; अभिनेत्याने सांगितला किस्सा
काय सांगता! या पेनी स्टॉकमुळे ८ लाखांचे झाले ३ कोटी; ३ वर्षात दिला तब्बल ३५ टक्क्यांपेक्षा जास्त परतावा
