भारतीय क्रिकेट संघाने मंगळवारी लंडनमधील केनिंग्टन ओव्हल मैदानावर खेळल्या गेलेल्या मालिकेतील पहिल्या एकदिवसीय सामन्यात (ENG vs IND 1st ODI) इंग्लंडचा १० गडी राखून पराभव केला. या सामन्यात कर्णधार रोहित शर्माने ७६ धावांची नाबाद खेळी खेळली. मात्र, ६ वर्षांची मुलगी तिच्या पुल शॉटमुळे जखमी झाली. यामुळे काही काळ खेळ थांबला होता. इंग्लंड क्रिकेट संघाच्या फिजिओने नंतर मीरा नावाच्या मुलीवर उपचार केले.
भारताच्या डावाच्या पाचव्या ओवरमध्ये ही घटना घडली, जेव्हा रोहित शर्माने डावखुरा वेगवान गोलंदाज डेव्हिड विलीच्या चेंडूवर एक शानदार पुल शॉट मारला. चेंडू फाईन लेगच्या दिशेने गेला आणि स्टँडवर बसलेल्या मीरा या ६ वर्षांच्या मुलीला लागला. थोडा वेळ खेळ थांबवावा लागला. यादरम्यान स्टँडवर बसलेला एक व्यक्तीही मुलीला सावरताना दिसला.
मीराला तत्काळ वैद्यकीय मदत मिळाली आणि लवकरच खेळ पुन्हा सुरू झाला. यावरून हे स्पष्ट झाले की सर्व काही ठीक आहे आणि काहीही अनुचित घडले नाही. खेळ पुन्हा सुरू झाल्यानंतरही रोहितने इंग्लिश गोलंदाजांवर आक्रमण सुरूच ठेवले आणि संघाने १११ धावांचे सोपे लक्ष्य १८.४ षटकांत पूर्ण केले.
दरम्यान, भारतीय कर्णधार रोहित शर्माही नंतर मीराला भेटायला गेल्याचे कळते. बार्मी आर्मीने ट्विटरवर याबाबत माहिती दिली. त्याने पोस्टमध्ये लिहिले की, ‘काल इंग्लंड संघाच्या फिजिओसाठी टाळ्या वाजवा. ६ वर्षांच्या मीराला गर्दीत रोहित शर्माचा शॉट लागला आणि ते त्याला पाहण्यासाठी धावत आले. ती बरी होती आणि नंतर शर्मा स्वतः तिला भेटायला गेले.
या सामन्याबद्दल बोलायचे झाले तर भारतीय गोलंदाजांनी इंग्लंडचा डाव अवघ्या ११० धावांत आटोपला. वेगवान गोलंदाज जसप्रीत बुमराहने कारकिर्दीतील सर्वोत्तम कामगिरी करताना १९ धावांत ६ बळी घेतले. यानंतर रोहित आणि शिखरच्या नाबाद शतकी भागीदारीमुळे भारताने १८.४ षटकांत एकही विकेट न पडता लक्ष्य गाठले. मालिकेतील दुसरा एकदिवसीय सामना १४ जुलै रोजी लंडनमधील ऐतिहासिक लॉर्ड्स मैदानावर खेळवला जाईल.
महत्वाच्या बातम्या-
रोहित शर्मा ठरला सिक्सर किंग, एकदिवसीय क्रिकेटमध्ये एवढे षटकार ठोकणारा पहिला भारतीय
रोहित शर्माच्या सिक्सरने चिमुकली झाली जखमी, नंतर हिटमॅनने दिले तिला हे खास गिफ्ट
रोहित शर्माने घातला धुमाकूळ, विराटचाही विक्रम मोडत या खास यादीत मिळवले स्थान
हार्दिक पांड्याने उडवला इंग्लंडचा धुव्वा, फॉर्ममध्ये नसतानाही रोहितने केला अनोखा विक्रम
