हैदराबादमध्ये बुधवारी खेळल्या गेलेल्या पहिल्या एकदिवसीय सामन्यात टीम इंडियाने न्यूझीलंडचा 12 धावांनी पराभव केला असेल, पण टीम इंडियाच्या अशा विजयाने कर्णधार रोहित शर्मा सामन्यानंतर संतापला. टीम इंडियाच्या विजयानंतरही कर्णधार रोहित शर्मा संतापला.
न्यूझीलंडविरुद्धच्या पहिल्या एकदिवसीय सामन्यात कर्णधार रोहित शर्माने गोलंदाजी करताना परिस्थिती अत्यंत कठीण झाली होती असे सांगितले. सामन्यानंतर कर्णधार रोहित शर्माने मोठे विधान केले की, ‘खर सांगायचे तर मायकल ब्रेसवेल ज्या पद्धतीने फलंदाजी करत होता आणि ज्या पद्धतीने चेंडू बॅटवर येत होता, ती मायकल ब्रेसवेलची क्लीन बॉल स्ट्रायकींग होती.
आम्हाला माहित होते की, आम्ही चांगली गोलंदाजी तोपर्यंतच करू शकतो जोपर्यंत चेंडू घसरत नाहीये. नंतर चेंडू घसरत होता. दुर्दैवाने असेच झाले. मी नाणेफेकमध्ये म्हणालो की, मला स्वतःला आव्हान द्यायचे आहे. सुरूवातीला अपेक्षित परिस्थिती होती पण नंतर जे घडलं ते अनपेक्षित होतं.
रोहित शर्मा म्हणाला, शुबमन गिल खूप चांगली कामगिरी करत आहे. तो ज्या फॉर्ममध्ये होता त्याचा फायदा आम्हाला घ्यायचा होता आणि म्हणूनच आम्ही श्रीलंका मालिकेत त्याला पाठिंबा दिला. फ्री-फ्लोइंग बॅटींग करताना त्याला पाहणे खुप रोमांचक आहे.
सिराज केवळ या खेळातच नाही तर रेड-बॉल, टी-20 फॉरमॅट आणि आता वनडेमध्येही चमकदार कामगिरी करत आहे. त्याला खेळताना पाहताना आनंद होतो. त्याला जे करायचे आहे ते तो करत आहे आणि त्याच्या योजनांबद्दल तो अगदी स्पष्ट आहे.
सामनावीर शुभमन गिल म्हणाला, मी मैदानात उतरण्याची आणि मला जे करायचे आहे ते करण्याची मी आतुरतेने वाट पाहत होतो. ‘विकेट पडल्यामुळे, मला बराच वेळ मोकळेपणाने खेळायचे होते आणि शेवटी मी ते करू शकलो याचा मला आनंद आहे. काहीवेळा जेव्हा गोलंदाज फॉर्ममध्ये असतो, तेव्हा तुम्हाला त्याचे दडपण जाणवायला हवे.
मला डॉट बॉल टाळणे आणि माझ्या हेतूने फलंदाजी करणे महत्वाचे होते. मी 200 धावांचा विचार करत नव्हतो, पण एकदा मी 47 व्या षटकात षटकार मारला तेव्हा मला जाणवले की मी हे करू शकतो. त्याआधी मी चेंडूला बघून खेळत होतो. ईशान किशन हा माझा चांगला मित्र आहे.
जेव्हा तुम्हाला एखादी गोष्ट करायची असते तेव्हा छान वाटते आणि ती गोष्ट नियमितपणे होत असते. शुभमन गिलने एकदिवसीय क्रिकेटमध्ये 1000 धावा पूर्ण करण्यासाठी 19 डाव घेतले. 18 डावात सर्वात जलद 1000 धावा पूर्ण करून पाकिस्तानचा फलंदाज फखर जमान अव्वल स्थानावर आहे.
महत्वाच्या बातम्या
अमृता फडणवीसांनी रियाझ अलीला वर्षावर बोलावले अन् त्याच्यासोबत नाच नाच नाचल्या; व्हिडीओ व्हायरल