आपल्या दमदार अभिनयाने लोकांना मंत्रमुग्ध करणारी प्रसिद्ध अभिनेत्री आलिया भट्ट (Alia Bhatt) आणि तिचा प्रियकर रणबीर कपूर (Ranbir Kapoor) यांच्या लग्नाची चर्चा अनेक दिवसांपासून सुरू आहे. गेल्या अनेक दिवसांपासून चर्चा होत आहे की, आलिया आणि रणबीर कपूर लवकरच लग्नबंधनात अडकणार आहेत, त्यामुळे त्यांच्या लग्नाबद्दल चाहत्यांमध्ये चांगलीच उत्सुकता आहे.(Rishi-Neetu Kapoor’s magazine from 42 years ago came to the fore)
सध्या आलिया आणि रणबीरच्या लग्नाशी संबंधित अनेक बातम्या येत असतात. अशातच आता दिवंगत अभिनेते ऋषी कपूर (Rishi Kapoor) आणि नीतू कपूर (Neetu Kapoor) यांचे 42 वर्षीय रिसेप्शन निमंत्रण कार्ड (Reception Invitation Cards) व्हायरल होत आहे. त्यावर एक खास लोगोही छापण्यात आला आहे, ज्यामध्ये आरके असे लिहिले आहे.
नीतू कपूर आणि ऋषी कपूर यांचे आरके हाऊसमध्ये लग्न झाले होते. या कार्डमध्ये 23 जानेवारीला दोघांचे लग्नाचे रिसेप्शन असल्याचे दिसून येते. त्याचवेळी 42 वर्षांनंतर हे कार्ड सोशल मीडियावर प्रचंड व्हायरल होत आहे. या कार्डवर ऋषी कपूर आणि नीतू यांच्या लग्नाच्या तपशीलासह ठिकाण आणि वेळ लिहिलेली आहे.
या लग्नाच्या रिसेप्शन कार्डवर लिहिले आहे, ‘मिस्टर आणि मिसेस राज कपूर यांचा मुलगा ऋषी आणि नीतू यांच्या लग्नाच्या शुभ मुहूर्तासाठी तुम्हाला आमंत्रित करत आहेत.’ यानंतर लग्नाची तारीख, वेळ आणि ठिकाण याची माहिती देण्यात आली आहे. ऋषी आणि नीतूचे लग्न 23 जानेवारी 1980 रोजी आरके स्टुडिओमध्ये झाले होते. या कार्डावर रणधीर कपूर, शम्मी कपूर आणि शशी कपूर यांचे नावही लिहिले आहे. दरम्यान, रणबीर कपूरनेही त्याची प्रेमिका आलिया भट्टसोबत त्याच ठिकाणी सात फेरे घेण्याचा निर्णय घेतल्याचे सूत्रांचे म्हणणे आहे.
सध्या प्रत्येकजण रणबीर आलियाच्या लग्नाची वाट पाहत आहे. सध्या आम्ही तुम्हाला सांगू इच्छितो की, पर्सनल लाईफ व्यतिरिक्त दोघेही त्यांच्या प्रोफेशनल लाईफमुळे देखील चर्चेत आहेत. आलिया आणि रणबीर दोघेही ‘ब्रह्मास्त्र’ चित्रपटात एकत्र दिसणार आहेत, आता चाहतेही या चित्रपटाची आतुरतेने वाट पाहत आहेत.
महत्वाच्या बातम्या-
..जेव्हा ऋषी कपूरने डिंपलला दिलेले खास गिफ्ट राजेश खन्नाने समुद्रात फेकले होते, वाचा किस्सा
अखेर ठरलं! आलिया-रणबीर 17 तारखेला करणार लग्न, आरके हाऊस नाही तर याठिकाणी घेणा र सात फेरे
शर्माजी नमकीनच्या पोस्टरमध्ये दोन हिरो का दिसतात? किस्सा वाचाल तर व्हाल भावूक
भाजपने अख्खा मित्रपक्षच गिळला; सर्वच आमदार फोडून पक्षाचं संपवलं अस्तित्व
