मुकेश अंबानींना हलक्यात घेणे ऍमेझॉनला पडले महागात, रिलायंसने रातोरात घेतला फ्युचर्स स्टोअर्सवर ताबा

गेल्या आठवड्यात, भारतातील सर्वात मोठ्या रिलायन्सचे ग्रॉसरी क्रेट्स मुंबईतील काही फ्युचर ग्रुप स्टोअरमध्ये (Future Group Stores) उतरताना दिसले. सुरक्षिततेच्या दृष्टीने ग्राहकांना या सगळ्यापासून थोडे दूर ठेवण्यात आले. तसेच बिग बझारची बोर्डेड स्टोअर्स बंद होण्याच्या मार्गावर आहेत आणि लवकरच रिलायन्स आउटलेट म्हणून पुनर्ब्रँड केले जातील हे जाणून ग्राहकांना दुःख झाले.(Reliance takes control of futures stores overnight)

असेच दृश्य देशभरात दिसले, ज्यावेळी मुकेश अंबानींच्या रिलायन्स इंडस्ट्रीजने फ्युचर ग्रुपच्या रिटेल स्टोअर्सचा ताबा घेतला. सध्या रिलायन्स आणि अॅमेझॉन यांच्यातील कायदेशीर लढाई सर्वोच्च न्यायालयात सुरू आहे. रिलायन्सने हे सर्व 25 फेब्रुवारीच्या रात्री सुमारे 8 वाजता सुरू केले, जेव्हा कंपनीचे कर्मचारी फ्यूचर स्टोअरमध्ये येऊ लागले. रिलायन्सच्या या योजनेची फ्युचर ग्रुपच्या व्यवस्थापनालाही कल्पना नव्हती. स्टोअरचे कर्मचारीही इकडे तिकडे फोन लावू लागले.

एका वृत्तसंस्थेनुसार, दिल्लीतील बिग बाजार स्टोअरच्या एका कर्मचाऱ्याने रात्री 8 वाजण्याच्या सुमारास हा प्रकार घडलेला सांगितला. त्यांनी सांगितले की परिस्थिती खूपच चिंताजनक आहे, सर्वजण अस्वस्थ आहेत. ते लोक कोण आहेत हे कोणालाच माहीत नव्हते. त्यांना संपूर्ण स्टोअरमध्ये प्रवेश हवा होता, तर वरिष्ठांना काय चालले आहे याची कल्पना नव्हती.

त्याचप्रमाणे, हरियाणातील सोनपत येथील फ्युचर स्टोअरमध्ये रिलायन्सने संपूर्ण स्टोअरचा ताबा घेत कर्मचाऱ्यांना बाहेर जाण्यास सांगण्यात आले. एका सूत्रानुसार, पश्चिम गुजरातमधील वडोदरा येथे सकाळी फ्युचर ग्रुपचे कर्मचारी स्टोअरमध्ये आले तेव्हा त्यांना घरी परत जाण्यास सांगण्यात आले आणि त्यासाठी कोणतेही कारण देण्यात आले नाही.

रिलायन्सने फ्युचरने न भरलेल्या भरपाईचे कारण देत सुमारे 200 बिग बझार स्टोअर्सचा ताबा घेतला आहे आणि सुमारे 250 फ्युचर रिटेल आउटलेटवरही नियंत्रण ठेवण्याची योजना आहे. रिलायन्सकडून फ्यूचरच्या स्टोअर्सचा ताबा अचानक घेण्याच्या योजनेला अॅमेझॉनचा शेवटचा वार असल्याचा अनेक तज्ञ विचार करत आहेत. म्हणजेच आता अॅमेझॉनच्या हातात काहीच उरले नाही, असे ते गृहीत धरत आहे आणि रिलायन्सने स्टोअर्सचा ताबा घेतला आहे.

ई-कॉमर्स कंपनी अॅमेझॉनने अनेक कायदेशीर लढाया जिंकल्यानंतर आणि रिलायन्स-फ्यूचर डील ब्लॉक केल्यानंतरही हे सर्व घडले आहे. अॅमेझॉनच्या जवळच्या सूत्राने सांगितले की, आता अॅमेझॉन कोणासाठी लढणार दुकाने तर गायब झाली आहेत. फ्युचर रिटेलने 26 फेब्रुवारी रोजी सांगितले की तोटा कमी करण्यासाठी ते त्यांचे ऑपरेशन कमी करत आहे. मात्र, कंपनीने रिलायन्सबाबत काहीही सांगितले नाही.

सध्या फ्युचर ग्रुपवर 4 अब्ज डॉलरपेक्षा जास्त कर्ज आहे. दुसरीकडे, रिलायन्सने फ्युचर ग्रुपच्या कर्मचाऱ्यांना मोठा दिलासा देत त्यांना स्टोअरमध्ये कामावर ठेवण्याची ऑफर दिली आहे. म्हणजेच रिलायन्सने फ्युचर ग्रुपची दुकाने अचानक ताब्यात घेतली असली तरी याचा परिणाम कर्मचाऱ्यांच्या नोकऱ्यांवर होणार नाही. रिलायन्स-फ्युचर डील झाल्यापासून अॅमेझॉनची भूमिका अतिशय कडक आहे, परंतु गुरुवारी, रिलायन्सच्या या निर्णयानंतर सुमारे 6 दिवसांनी, अॅमेझॉनने सर्वोच्च न्यायालयात सुनावणीदरम्यान चर्चेद्वारे वाद सोडवण्याचा प्रस्ताव दिला.

फ्युचर ग्रुपनेही कंपनीची ऑफर स्वीकारली आहे. अॅमेझॉनचे वकील गोपाल सुब्रमण्यम म्हणाले की, ‘लोकांनी दुकाने ताब्यात घेतली आहेत… निदान चर्चा तरी करूया.’ कंपन्यांमध्ये लवकरच वाटाघाटी सुरू होऊ शकतात. संभाषणाचा निकाल काहीही निघाला, पण अॅमेझॉनने रिलायन्सला हलकेच घेतले होते त्यामुळे असे काही घडू शकते याची कल्पनाही नव्हती, असे तज्ज्ञांचे मत आहे.

रिलायन्स रिटेलने फ्युचर रिटेल खरेदी केल्यावर अॅमेझॉन, फ्युचर रिटेल आणि रिलायन्स यांच्यात वाद निर्माण झाला. अशा स्थितीत फ्युचर रिटेल आणि रिलायन्स रिटेल यांच्यातील डीलमध्ये अॅमेझॉन कुठून आली आणि या तिघांमध्ये काय भांडण आहे, हे प्रकरण कोर्टात कसे पोहोचले, हे अनेकांना समजत नाही. परिस्थिती अशी आहे की हे प्रकरण सर्वोच्च न्यायालयात गेले आहे आणि जगभरातील वाद न्यायालयातही ते चालवले जात आहे.

फ्युचर ग्रुपने आपला रिटेल, वेअरहाउसिंग आणि लॉजिस्टिक व्यवसाय रिलायन्स इंडस्ट्रीजला सुमारे 24,000 कोटी रुपयांना विकण्याचा करार केला. या करारावर आक्षेप घेत, अॅमेझॉनने गेल्या वर्षी ऑगस्टमध्ये फ्यूचर रिटेलच्या प्रवर्तक फर्म, FCPL मधील 49 टक्के भागभांडवल विकत घेतल्याचे सांगितले होते.

या डीलमध्ये अॅमेझॉनला फ्युचर ग्रुपमध्ये गुंतवणूक करण्याबाबत विचारण्याचा अधिकार मिळाला आहे. यासह, तीन ते 10 वर्षांच्या कालावधीनंतर, समूहाची प्रमुख कंपनी फ्यूचर रिटेलमध्ये भागभांडवल खरेदी करण्याचा अधिकारही मिळाला आहे. आम्ही तुम्हाला सांगू इच्छितो की, फ्युचर रिटेलमध्ये FCPL ची 7.3 टक्के हिस्सेदारी आहे.

महत्वाच्या बातम्या-
कोण म्हणतं मी म्हातारा झालो.. मी अजून थकलेलो नाही, तुमची साथ असेपर्यंत हा गाडा सुरूच राहील
शॉर्ट कपडे घातल्यामुळे तरुणींना सहा लोकांनी केली चप्पलने मारहाण, पुण्यातील धक्कादायक घटना
वयाच्या ४५ व्या वर्षीही अमिषा पटेलचा बोल्डनेस कायम, फक्त टी शर्टवर असताना शेअर केला व्हिडीओ
रशियाने १५ वर्षांत सर्वोत्तम सैन्य कसं उभारलं? ज्याला घाबरून अमेरिकासुद्धा थरथर कापतीय; जाणून घ्या..