राजेंद्र पवारांचा कृषीरत्न पुरस्कार स्विकारण्यास नकार; राज्यपालांवर केले ‘हे’ गंभीर आरोप

ज्येष्ठ नेते खासदार शरद पवार यांचे पुतणे व डॉ . आप्पासाहेब पवार यांचे पुत्र, आणि   कर्जत-जामखेडचे आमदार रोहित पवार यांचे वडिल राजेंद्र पवार यांना डॉ.पंजाबराव देशमुख कृषिरत्न पुरस्कार २०१९ जाहीर झाला आहे.

डॉ. पंजाबराव देशमुख कृषिरत्न पुरस्कार हा ”कृषि क्षेत्रात उल्लेखनीय कार्य” केल्याबद्दल राज्याच्या कृषी विभागाच्या वतीने देण्यात येणारा पुरस्कार आहे. २०१९ चा हा पुरस्कार बारामती अॅग्रीकल्चरल डेव्हलपमेंट ट्रस्टचे चेअरमन राजेंद्र पवार यांना जाहीर झाला आहे. हा पुरस्कार त्यांना राज्यपाल भगतसिंह कोश्यारी यांच्या हस्ते देण्यात येणार आहे. हा पुरस्कार सोहळा आज २मे रोजी नाशिक येथे  पडणार आहे. मात्र हा पुरस्कार स्वीकारण्यास त्यांनी  नकार दिल्याने ते या पुरस्कार वितरण सोहळ्यास अनुपस्थित राहणार आहेत .

पुरस्कार जाहीर झाल्यानंतर पवार यांनी आनंद व्यक्त केला होता . परंतु हा पुरस्कार राज्यपालांच्या हस्ते वितरित होत आहे हे समजताच त्यांनी या सोहळ्यास जाणे  टाळले आहे.

पवार यांचा कृषिरत्न पुरस्कार स्वीकारण्यास नकार, म्हणाले….
या सोहळ्याला न जाण्यामागे अनेक कारणे आहेत . हा महाराष्ट्र शिवरायांचा आहे . शेतकऱ्यांच्या भाजीच्या देठालाही हात लागणार नाही , याची काळजी या महान राजाने घेतली . त्यांचा आदर्श आपल्यापुढे आहे . ज्यांच्या नावाने हा पुरस्कार दिला जातोय त्या पंजाबराव देशमुख यांनी कृषी धोरणात बदलासाठी मोठे योगदान दिले . शेतीच्या बाबतीत राज्य समृद्ध केले . मी आजवर शेती आणि शिक्षण क्षेत्रात काम केले . शिक्षण क्षेत्रात आपण महात्मा ज्योतिराव फुले , सावित्रीबाई फुले यांचे योगदान जाणतो .

परंतु दुर्दैवाने गेल्या काही दिवसात महाराष्ट्राच्या अस्मितेवर घाव घालण्याचे प्रयत्न सुरू आहेत. फुले दांपत्याविषयी खालच्या पातळीवर जावून मते मांडली जात आहेत . महाराष्ट्राचा इतिहास माहित नसणारे लोक अराजकता निर्माण करत आहेत . त्याला खतपाणी घालणाऱ्यांच्या हस्ते मी हा पुरस्कार कसा स्वीकारावा ? त्याऐवजी एखाद्या कृषी कार्यालयात अथवा मुख्यमंत्र्यांच्या हस्ते हा पुरस्कार मिळाला असता तर तो मी स्वीकारला असता .
महत्वाच्या बातम्या
ICU मध्ये असलेल्या धर्मेंद्र यांच्या प्रकृतीबाबत समोर आली ‘ही’ मोठी माहिती, सनी देओल रुग्णालयात दाखल
वैज्ञानिकाच्या घरावर छापा, लाखोंची रोकड आणि सोन्याचे दागिने पाहून अधिकारीही झाले हैराण
अनुष्का-विराटने शिकवलं खुल्लम खुल्ला प्रेम कसं करायचं, पहा व्हायरल झालेले १० रोमँटिक फोटो
उमरान मलिकच्या रुपात नगीना भेटला आहे, सांभाळून ठेवावा लागेल नाहीतर मुनाफ पटेलसारखी अवस्था होईल