नुकतेच कर्नाटकातील गडग जिल्ह्यातून आलेल्या लव्ह जिहाद प्रकरणात अपूर्वा पुराणिकचा जीव वाचला आहे. 10 मार्च रोजी एजाजने तिच्यावर कुऱ्हाडीने 23 वार केले होते. मात्र GIMS जिल्हा रुग्णालयात योग्य वेळी योग्य उपचार मिळाल्याने ती आता बरी होत आहे. तिचा सोशल मीडियावर एक व्हिडिओ समोर आला आहे.(Read the story of Apurva who was hit by an ax 23 times)
व्हिडिओमध्ये अपूर्वा आपली बाजू सांगत आहे. आधी हे लग्न प्रेमविवाह असल्याचे बोलले जात असताना, शुद्धीवर आल्यानंतर अपूर्वाने सांगितले की, आधी तिच्यावर बलात्कार झाला आणि नंतर तिला ब्लॅकमेल करून लग्न केले. हा व्हिडिओ पत्रकार चिरू भट यांनी त्यांच्या ट्विटर हँडलवरून शेअर केला आहे.
26 वर्षीय एमबीए पदवीधर अपूर्वा ही ब्राह्मण कुटुंबातील असल्याची माहिती समोर आली आहे. त्याच वेळी, एजाज हा 30 वर्षीय मुस्लिम ऑटो चालक आहे. कॉलेजला जाताना ते दोघे भेटले आणि एजाजने तिला सांगितले की तो अभ्यास करतो आणि अर्धवेळ ऑटो चालवतो. अशा प्रकारे एजाजने तिला आपल्या जाळ्यात अडकवले. त्यानंतर एके दिवशी त्याने प्रथम बलात्कार केला, या घटनेचा व्हिडिओ रेकॉर्ड केला आणि नंतर ब्लॅकमेलिंग सुरू केले.
अपूर्वाच्या म्हणण्यानुसार, एजाज तिला आणि तिच्या आईला धमकावत असे. पण 2018 मध्ये जेव्हा तिने लग्नाला होकार दिला तेव्हा तिला धर्म स्वीकारण्यास सांगण्यात आले आणि तिला अरफा बानो बनवण्यात आले. ती म्हणते, माझ्या संमतीशिवाय प्रत्येक कागदपत्र माझ्याकडून घेण्यात आले. लग्न करूनही त्याने माझी काळजी घेतली नाही. माझे अशा प्रकारे ब्रेनवॉश केले गेले की मी माझ्या पालकांचे ऐकले नाही.
पीडिता म्हणते, लग्नानंतर त्याने मला फक्त मांसाहार बनवायलाच नाही तर खाण्यासही सांगितले. मुल झाल्यांनंतर तिला कुत्र्यासारखे वागवले. मुलाला जबरदस्तीने मांसाहार खायला घालण्यात आला. माझ्या लग्नानंतरच मला कळले की या माणसाच्या लग्नाला 14 वर्षे झाली आहेत. त्यानंतर मी माझ्या घरी परतले. पण एजाजने आपले कृत्य थांबवले नाही, त्याने उर्दूमध्ये घाणेरडे अश्लील संदेश पाठवण्यास सुरुवात केली. आमचा घटस्फोट न्यायालयात असल्याने मी दुर्लक्ष केले. मात्र न्यायालयीन सुनावणीच्या एक दिवस आधी त्याने माझ्यावर अशा प्रकारे हल्ला केला की, माझे 2 वर्षाचे मूलही मला ओळखत नाही.
अपूर्वा प्रत्येक हिंदू मुलीला हिंदू मुलाशीच लग्न करण्याचे आवाहन करते. ती म्हणते, कृपया हिंदू धर्मात लग्न करा, बाहेरील व्यक्तीसोबत नाही. कारण त्यांचे संस्कार आणि आपले संस्कार वेगळे असतात. ते अजिबात मेळ खात नाहीत. तिथे जुळवून घेणं अवघड होऊन बसतं. आपली संस्कृती आणि सभ्यता टिकवायची असेल तर आपल्या समाजातच लग्न केले पाहिजे.
ती म्हणते, मी अपूर्वा आहे आणि मला आशा आहे की मी ज्या गोष्टींतून गेले आहे त्यामधून दुसरी कोणतीही मुलगी जाणार नाही. तुम्हाला काही बदल दिसल्यास तुमच्या पालकांना सांगा. त्यांच्याशी बोला. असे समजू नका की ते तुम्हाला कॉलेजमधून बाहेर काढतील किंवा काहीतरी…. नाहीतर तुम्हाला माझ्यासारख्या गोष्टींना सामोरे जावे लागेल. आई-वडिलांशिवाय कोणावरही विश्वास ठेवू नका. जीवाची सुरक्षितता ही पहिली प्राथमिकता आहे.
हे लक्षात घेण्यासारखे आहे की एजाजने 10 मार्च 2022 रोजी अपूर्वावर हल्ला केला होता जेव्हा ती तिच्या शेजाऱ्यासोबत स्कूटी चालवायला शिकत होती. एजाजने तिच्यावर 23 वेळा कुऱ्हाड चालवली. ती काही वेळ रक्ताच्या थारोळ्यात पडली होती, त्यानंतर तिला रुग्णालयात दाखल करण्यात आले. परिस्थिती खूप गंभीर होती. सर्व कपडे रक्ताने माखले होते. हल्ला करून एजाज फरार झाला होता मात्र पोलिसांनी त्याला 11 मार्च रोजी अटक केली होती.
महत्वाच्या बातम्या-
फक्त ३५ पैशांच्या या स्टॉकने गुंतवणूकदारांना दिले छ्प्परफाड रिटर्न, पाच महिन्यात एका लाखाचे झाले १३ कोटी
५ मिनीटांत ५० टक्के चार्ज होणारा मोबाईल लवकरच भारतात होणार लाॅंच; फिचर्स वाचून खूष व्हाल
जर भाडेकरूने काही कारणामुळे भाडे भरले नाही तर.., सर्वोच्च न्यायालयाचा भाडेकरूंना मोठा दिलासा
सलमान आणि अमिर खानचे चित्रपट बायकॉट करा; द काश्मिर फाईल्स पाहून लोकांची मागणी
