Raju Srivastava, Shikha Srivastava, AIIMS, Shikha Srivastava, Comedian/ राजू श्रीवास्तव (Raju Srivastava) यांना दिल्लीच्या एम्समध्ये दाखल होऊन 13 दिवस झाले आहेत. त्यांचे चाहते त्यांच्या आरोग्यासाठी प्रार्थना करत आहेत. त्याच वेळी, काही लोक आहेत जे त्यांच्याबद्दल अफवा पसरवत आहेत, ज्यामुळे त्याचे कुटुंब विशेषतः पत्नी शिखा श्रीवास्तव (Sikha Srivastava) आणि मुलांवर वाईट परिणाम होत आहे.
अलीकडेच अशाच बातम्या मीडियामध्ये आल्यानंतर राजू यांच्या पत्नीची प्रकृती बिघडली होती. त्या हॉस्पिटलमध्येच हजर आहे, पण डॉक्टर त्यांना राजूला भेटू देत नसल्याची ताजी बातमी आहे. जेणेकरून कॉमेडियनला कोणत्याही प्रकारच्या संसर्गापासून वाचवता येईल. पण तुम्हाला माहित आहे का की, राजूने शिखाशी लग्न करण्यासाठी तब्बल 12 वर्षे वाट पाहिली. चला तुम्हाला या दोघांच्या प्रेमकथेबद्दल सांगतो, जी एखाद्या चित्रपटाच्या कथेपेक्षा कमी नाही…
वृत्तांवर विश्वास ठेवायचा झाला तर शिखा श्रीवास्तव यांचा जन्म उत्तर प्रदेशातील लखनऊ येथे झाला होता आणि सध्या ती 54 वर्षांची आहे. असं म्हणतात की तिला घरात मोनीही म्हटलं जातं. शिखा श्रीवास्तव यांनी लखनौ विद्यापीठातून शिक्षण घेतले. तिचे शिक्षण पूर्ण झाल्यानंतर तिने 17 मे 1993 रोजी राजू श्रीवास्तव यांच्याशी विवाह केला. पण या लग्नासाठी राजूने तब्बल 12 वर्षे वाट पाहिली होती.
राजूची शिखाशी 1982 मध्ये त्याच्या भावाच्या लग्नाच्या वेळी फतेहपूर येथे भेट झाली होती. एका मुलाखतीत राजूने सांगितले होते की, तिला पाहून तो शिखाच्या प्रेमात पडला होता. तेव्हाच त्याने शिखाशी लग्न करण्याचा निर्णय घेतला होता, पण त्याने लगेच आपल्या भावना तिच्याशी शेअर केल्या नाहीत.
शिखावर प्रेम व्यक्त करण्यापूर्वी राजूला मुंबईला जाऊन काहीतरी करायचे होते. मुंबईत पोहोचल्यानंतर राजूने काही वर्षे संघर्ष केला. मुंबईतील संघर्षादरम्यान राजू श्रीवास्तव हे शिखाने अद्याप कोणाशीही लग्न केले की नाही याची माहिती पत्राद्वारे जाणून घेत राहिले.
काही वर्षांनंतर, राजूने मुंबईत पहिले घर घेतले आणि आर्थिकदृष्ट्या सक्षम झाला, तेव्हा त्यांनी शिखावर प्रेम व्यक्त करणारे पत्र लिहून तिला लग्नाचा प्रस्ताव दिला. राजू आणि शिखा हे दोन मुलांचे पालक आहेत (मुलगी अंतरा आणि मुलगा आयुष्मान). 2013 मध्ये ‘नच बलिये’ या डान्सिंग रिअॅलिटीच्या 6व्या सीझनमध्ये राजू आणि शिखा सहभागी झाले होते. 2016 मध्ये शिखाने राजूसोबत त्यांच्या सोसायटीची साफसफाई करून माय क्लीन इंडिया चळवळीत भाग घेतला.
महत्वाच्या बातम्या-
Raju Srivastava: राजू श्रीवास्तवसोबत सेल्फी घेण्यासाठी थेट ICU मध्ये घुसला व्यक्ती अन्.., एम्सच्या सुरक्षेत मोठी चूक
Raju Srivastava: राजू श्रीवास्तव यांच्या निधनाच्या बातम्या पाहून ढसाढसा रडली पत्नी, म्हणाल्या, मुलं लहान आहेत..
Brain dead symptom : राजू श्रीवास्तव यांचा ब्रेन डेड झालाच कसा? ब्रेन डेड कसा होतो, त्यानंतर माणूस किती दिवस जगू शकतो?
