BCCI President: भारताच्या विश्वचषक विजेत्या संघाचे सदस्य रॉजर बिन्नी यांची मंगळवारी भारतीय क्रिकेट नियामक मंडळाच्या (बीसीसीआय) 36 व्या अध्यक्षपदी निवड झाली. ते भारताचे माजी कर्णधार सौरव गांगुलीची जागा घेणार आहे. बीसीसीआयच्या वार्षिक सर्वसाधारण सभेत (एजीएम) बिन्नी यांची बिनविरोध निवड झाली. जय शहा यांची सलग दुसऱ्यांदा सचिवपदी निवड झाली. World Cup, BCCI, Roger Binny, Jay Shah
याशिवाय कोषाध्यक्ष आशिष शेलार, उपाध्यक्ष राजीव शुक्ला आणि सहसचिव देवजित सेकिया यांचा बिनविरोध निवड झालेल्या अन्य दोन पदाधिकाऱ्यांचा समावेश आहे. भारतासाठी 27 कसोटी आणि 72 एकदिवसीय सामने खेळलेले 67 वर्षीय बिन्नी पुढील वर्षी भारतात होणाऱ्या एकदिवसीय आंतरराष्ट्रीय विश्वचषकापूर्वी या पदाची सूत्रे हाती घेत आहेत.
1983 मध्ये पहिला विश्वचषक जिंकणाऱ्या भारतीय संघासाठी त्यांचे योगदान कोणीही विसरू शकत नाही. ते एक उत्कृष्ट अष्टपैलू खेळाडू होते. क्रिकेटमधून निवृत्ती घेतल्यानंतर रॉजर बिन्नी आशियाई क्रिकेट परिषदेचे विकास अधिकारी बनले आणि त्यांनी अनेक देशांमध्ये जाऊन तरुणांना क्रिकेट शिकवले. रॉजर बिन्नी यांनी 2000 साली अंडर-19 विश्वचषक स्पर्धेत भारतीय संघाचे प्रशिक्षकपद भूषवले होते.
या विश्वचषकात भारत पहिल्यांदाच चॅम्पियन बनला आहे. या स्पर्धेतून भारताला मोहम्मद कैफ आणि युवराज सिंगसारखे क्रिकेटपटू मिळाले. रॉजर बिन्नी हा एक उत्तम क्रिकेटर, एक उत्तम प्रशिक्षक तसेच एक महान माणूस म्हणून ओळखला जातो. बीसीसीआय निवड समितीचे सदस्य असताना लोढा समितीवर हितसंबंधांच्या संघर्षाचा आरोप झाल्यानंतर त्यांनी लगेचच निवड समितीचा राजीनामा दिला.
2012 मध्ये रॉजर बिन्नी यांची बीसीसीआयचे निवडक म्हणून निवड झाली. त्यानंतर त्यांचा मुलगा स्टुअर्ट बिन्नीही भारतीय संघाचे दार ठोठावत होता. रॉजरवर पक्षपाताचा आरोप झाला असता, परंतु त्याने निष्पक्षतेचे उदाहरण ठेवले. बीसीसीआयच्या एका सदस्याने सांगितले होते की, जेव्हा जेव्हा निवड बैठकीत स्टुअर्ट बिन्नीच्या नावावर चर्चा व्हायची तेव्हा रॉजर मीटिंग रूममधून निघून जायचा.
2014 मध्ये आंतरराष्ट्रीय क्रिकेटमध्ये पदार्पण करणारा स्टुअर्ट बिन्नी भारताकडून फक्त 6 कसोटी, 14 एकदिवसीय आणि 3 टी-20 आंतरराष्ट्रीय सामने खेळला. 2016 मध्ये शेवटचा टी-20 खेळल्यानंतर तो कधीही संघात परतू शकला नाही.
महत्वाच्या बातम्या-
धोनीची भविष्यवाणी ठरली खरी, ‘या’ खेळाडूला मिळाली विश्वचषकात भारताकडून खेळण्याची संधी
Accused of rape on player: संघाला विश्वचषक जिंकवून दिलेल्या खेळाडूवर बलात्काराचा गुन्हा दाखल; १० हजार महीलांवर बलात्कार केल्याचा आरोप
Sachin Tendulkar : माझं मन ‘या’ टिमसोबत अन् त्याच टिमने विश्वचषक जिंकावा अशी माझी इच्छा, सचिन तेंडुलकरने स्पष्टच सांगितलं