डेरा सच्चा सौदाचा प्रमुख गुरमीत राम रहीम सिंग पेरोलवर तुरुंगाबाहेर आहे. दरम्यान, गुरमीत राम रहीम सिंग ( Gurmeet Ram Rahim Singh) यांच्याबाबत नवा वाद निर्माण झाला आहे. गुरमीत राम रहीम सिंगच्या काही समर्थकांनी पंजाब आणि हरियाणा उच्च न्यायालयात याचिका दाखल केली आहे की, तुरुंगातून सुटल्यानंतर बागपतच्या बरनावा आश्रमात पोहोचलेला राम रहीम खरा नसून तो त्याच्यासारखा (हमशक्ल) दुसराच कोणी आहे. यासाठी दोघांच्या शारीरिक स्वरूप आणि वागणूक यातला फरक सांगितला आहे.
खरा गुरमीत राम रहीम सिंग याचे अपहरण झाले असून त्यांच्या जीवाला धोका असल्याचेही सांगण्यात आले आहे. या सगळ्यामागे हनीप्रीत सिंगचा हात असल्याचा आरोप गुरमीत राम रहीम सिंगच्या समर्थकांनी केला आहे. सोमवारी पंजाब आणि हरियाणा उच्च न्यायालयात या प्रकरणावर सुनावणी होणार आहे.
विशेष केंद्रीय अन्वेषण ब्युरो (सीबीआय) न्यायालयाने गेल्या वर्षी ऑक्टोबरमध्ये डेरा माजी व्यवस्थापक रणजित सिंग यांच्या हत्येप्रकरणी राम रहीम सिंग आणि अन्य चार जणांना जन्मठेपेची शिक्षा सुनावली होती. गेल्या महिन्यात हरियाणातील रोहतक येथील सुनारिया तुरुंगातून त्याची एक महिन्याच्या पेरोलवर सुटका झाली होती.
न्यायालयाने हरियाणा सरकारला खऱ्या आणि बनावट राम रहीमचे सत्य शोधण्याचे आदेश द्यावेत आणि तो खोटा असेल तर खऱ्या राम रहीमचा शोध घ्यावा, अशी मागणी याचिकेत करण्यात आली आहे. याचिकाकर्त्यांमध्ये अशोक कुमार नावाच्या व्यक्तीचाही समावेश आहे. अशोक कुमारने स्वतःला डेरा सच्चा सौदाचा कट्टर अनुयायी असल्याचा दावा केला.
याचिकेत आरोप केला की, त्याच्या सुटकेनंतर त्याला राम रहीमच्या व्यक्तिमत्त्वात अनेक बदल दिसून आले. जसे उंची एक इंच वाढली, तसेच पायाचा आकार तसेच हाताच्या बोटांचा आकार वाढला आहे, डोळ्यांचा आकार कमी झाला, खांद्यांची रुंदी कमी झाली, दातांचे स्वरूप बदलले, आवाज आणि देहबोली बदलली.
याचिकाकर्त्यांचा दावा आहे की राम रहीमला पेरोल मंजूर झाल्यानंतर त्याच्या आधार कार्डमध्ये काही बदल करण्यात आले होते आणि त्यामागे डेरा प्रमुखाचा विश्वास खोट्या कागदपत्रांद्वारे बळकावणे हा आहे कारण तो ट्रस्टचा एकमेव मालक आहे. या प्रकरणाची सीबीआयसारख्या स्वतंत्र संस्थेमार्फत सखोल चौकशी करण्यात यावी, अशी मागणी याचिकाकर्त्यांनी केली आहे.
महत्वाच्या बातम्या-
..त्यामुळे गुन्हेगार गुरमित राम रहिमला मिळणार झेड प्लस सुरक्षा, हरियाणा सरकारचा निर्णय
लालू प्रसाद यादव पुन्हा उतरणार राष्ट्रपती निवडणुकीच्या रिंगणात, या दिवशी भरणार उमेदवारी अर्ज
पहिल्याच दिवशी अजय देवगणची क्रॅंश लँडिंग, runway 34 ने कमावले फक्त एवढे कोटी
फक्त अनुपम खेरच नाहीत तर हे 8 प्रसिद्ध कलाकारही आहेत काश्मिरी पंडित, नावं वाचून अवाक व्हाल
