अरेरे! विकी कौशलवर नाही निर्मात्यांचा विश्वास? ‘या’ चित्रपटातून होणार हकालपट्टी

बॉलीवूडचा(Bollywood) लोकप्रिय चित्रपट निर्माता रॉनी स्क्रूवाला यांनी कोरोना महामारीच्या काही दिवसांपूर्वी घोषणा केली होती की तो एक सुपरहिरो चित्रपट बनवणार आहे. या सुपरहिरो चित्रपटाचे नाव ‘द इम्मॉर्टल अश्वत्थामा’ असे ठेवण्यात आले होते.(producers-do-not-trust-vicky-kaushal-expulsion-from-the-film)

या चित्रपटाचे दिग्दर्शन रॉनी स्क्रूवाला(Roni Screewala) यांनी दिग्दर्शक आदित्य धर यांच्याकडे सोपवले होते, त्यांनी विक्की कौशलला चित्रपटात मुख्य भूमिकेसाठी साइन केले होते. चित्रपटाचे काही पोस्टर्स समोर आल्यानंतर रॉनी स्क्रूवालाने चित्रपटातून हात काढून घेतल्याची बातमी आली.

आदित्य धरच्या(Aditya dhar) या ड्रीम प्रोजेक्टच्या जास्त बजेटमुळे हा चित्रपट रखडला होता. रॉनीने नकार दिल्यापासून आदित्य नवीन निर्मात्याच्या शोधात होता आणि जिओ स्टुडिओमध्ये जाऊन त्याचा शोध संपला. बर्‍याच मेहनतीनंतर, जिओ स्टुडिओने चित्रपटात पैसे गुंतवण्यास सहमती दर्शवली, परंतु आता पुन्हा एकदा आदित्य आणि निर्मात्यांमध्ये मतभेद असल्याच्या बातम्या येत आहेत.

आदित्य धरच्या ड्रीम प्रोजेक्ट ‘द इम्मॉर्टल अश्वत्थामा’बद्दल(The Immortal Ashwthama) सुरुवातीपासूनच नकारात्मक बातम्या येत आहेत. एका रिपोर्टनुसार, रॉनी स्क्रूवालानंतर आदित्यचा आता जिओ स्टुडिओसोबतही जोरदार वाद झाला आहे. यावेळी या चर्चेचे कारण दुसरे तिसरे कोणी नसून चित्रपटाचा मुख्य अभिनेता म्हणून निवडलेला विकी कौशल होता.

वास्तविक, आदित्यने चित्रपटाचा मुख्य अभिनेता म्हणून विकी कौशलचे(Vicky Kaushal) नाव फायनल केले आहे, तर जिओ स्टुडिओला या प्रोजेक्टसाठी विक्की कौशलवर अजिबात विश्वास नाही. रिपोर्टनुसार, निर्मात्याला चित्रपटात सामंथा रुथ प्रभूला कास्ट करण्यात कोणतीही अडचण नाही, परंतु विकी कौशलवर 225 कोटी रुपये गुंतवणे योग्य ठरणार नाही, असे त्यांना वाटते.

आदित्य धर आणि विकी कौशल यांनी ‘उरी द सर्जिकल स्ट्राइक'(Uri The sergical Strike) या चित्रपटातही एकत्र काम केले आहे. या जोडीचा चित्रपट बॉक्स ऑफिसवर यशस्वी ठरला. इतकंच नाही तर या चित्रपटातील अभिनयासाठी विकीने खूप कौतुकही केलं.

याच कारणामुळे या चित्रपटासाठी आदित्यची सुरुवातीपासूनच विकी ही पहिली पसंती होती. आदित्यने हा चित्रपट साइन केल्यानंतरच विकीने या चित्रपटाची तयारी सुरू केली होती. पण आता जिओ स्टुडिओच्या हाताखाली विक्कीला चित्रपटात कास्ट करणं जरा कठीण जात आहे.

आदित्य आणि निर्मात्यांच्या या वादानंतर आणखी एक बातमी समोर येत आहे की, ‘द इम्मॉर्टल अश्वत्थामा’साठी जिओ स्टुडिओची पहिली पसंती हृतिक रोशन आणि रणवीर सिंग आहेत.

रिपोर्टनुसार, निर्मात्यांना विश्वास आहे की आज जेव्हा चित्रपट बॉक्स ऑफिसवर खराबपणे फ्लॉप होत आहेत, तेव्हा त्यांना धोका पत्करायचा नाही. तो एका मोठ्या स्टारसोबतच चित्रपट बनवणार आहे. आता आदित्य विकीला कास्ट करण्यात यशस्वी होतो की निर्मात्यांसमोर त्याला नमते घ्यावे लागेल हे पाहावे लागेल.