Politics: भाजपचे ज्येष्ठ नेते आणि केंद्रीय मंत्री नारायण राणे (Narayan Rane) यांच्याबाबत उद्धव ठाकरे गटाचे खासदार विनायक राऊत (Vinayak Raut) यांनी मोठा दावा केला आहे. पंतप्रधान नरेंद्र मोदी (Narendra Modi) यांनी नारायण राणे यांना समज दिल्याचा दावा विनायक राऊत यांनी केलाय. त्यामुळे राजकीय वर्तुळात मोठी खळबळ उडाली आहे.
नारायण राणे आणि ठाकरे गट यांच्यातील वाद जगजाहीर आहेत. पंतप्रधान नरेंद्र मोदी यांनी अलीकडच्या काळात नारायण राणेंना फटकारले होते. खरे तर नारायण राणेंच्या खासगी सचिवाच्या अनेक तक्रारी नरेंद्र मोदींकडे गेल्या होत्या. त्यामुळे पीएम मोदी चांगलेच संतापले होते. याच कारणावरून नारायण राणे यांना फटकारले होते.
विनायक राऊत म्हणाले, नारायण राणेंना ‘तुम्ही तुमच्या पर्सनल सेक्रेटरीला नोकरीवरून काढून टाका नाहीतर मी तुमचे मंत्रीपद काढून घेईन’, असे नरेंद्र मोदी यांनी म्हटले होते. विनायक राऊत यांनी मंगळवारी कोकणातील कणकवली परिसरात आयोजित एका कार्यक्रमात ही माहिती दिली.
यावेळी व्यासपीठावर राऊत यांच्यासह आमदार वैभव नाईक, जिल्हा संपर्कप्रमुख अरुण दुधवणकर यांच्यासह अनेक शिवसैनिक उपस्थित होते. विनायक राऊत यांनी मंचावरूनच नारायण राणेंवर निशाणा साधला.
लोकांची कामे करून देण्याच्या बहाण्याने नारायण राणेंच्या खासगी सचिवाने अनेकांची फसवणूक केल्याचे विनायक राऊत म्हणाले आहे. हे प्रकरण नरेंद्र मोदींच्या कानावर गेल्यावर त्यांनी नारायण राणेंना खडसावले. लोकभेच्या नुकत्याच झालेल्या अधिवेशनात केरळच्या खासदाराने नारायण राणेंना सभागृहात प्रश्न विचारला होता.
याबाबत सभागृहात नारायण राणे यांची खिल्ली उडवण्यात आली. तेव्हा केरळच्या खासदाराने इंग्रजीत प्रश्न विचारला होता. त्यावेळी नारायण राणे हेडफोन घालत होते. ज्यात त्या इंग्रजी प्रश्नाचे हिंदीत भाषांतर करण्यात आले होते. पण नारायण राणेंना तो प्रश्न अजिबात समजला नाही.
त्यानंतर, नारायण राणे यांना मालवणी आणि मराठी नीट कसे बोलावे हे आधीच कळत नाही. त्यांना फडणवीस हा शब्दही नीट उच्चारता येत नाही, हिंदी बोलू द्या. त्यामुळेच तो प्रश्न त्यावेळी समजला नाही आणि केरळऐवजी तामिळनाडूबद्दल बोलत राहिले. त्या घटनेनंतर नारायण राणे आजपर्यंत लोकसभेची पायरी चढलेले नाहीत, असा दावा विनायक राऊत यांनी केला आहे.
महत्वाच्या बातम्या–
