रशियाने युक्रेनवर केलेल्या हल्ल्यानंतर अडकलेल्या भारतीयांना परत आणण्यासाठी भारत सरकार पूर्णपणे तयार आहे. पंतप्रधान नरेंद्र मोदी यांनी बुधवारी एका वृत्तसंस्थेला दिलेल्या मुलाखतीत ते म्हणाले की, युद्धाच्या या संकटात अडकलेल्या सर्व भारतीयांना परत आणण्यासाठी आम्ही रात्रंदिवस काम करत आहोत. युद्धाच्या परिस्थितीत आमच्या मुलांना किती त्रास सहन करावा लागला याचीही आम्हाला जाणीव आहे. प्रत्येक भारतीयाची सुरक्षित घरवापसी सुनिश्चित करण्यासाठी आम्ही कोणतीही कसर सोडणार नाही.(PM Narendra Modi’s struggle to liberate Indians from Ukraine)
पंतप्रधान नरेंद्र मोदी म्हणाले की, हवामानामुळे अनेक ठिकाणी अडचणी वाढल्या आहेत. त्यामुळेच भारतीय नागरिक आणि आमचे विद्यार्थी ज्या भागात युद्धाचा जास्त प्रभाव आहे, त्या भागातून बाहेर काढून सुरक्षित ठिकाणी पोहोचावे, हा सरकारचा पहिला प्रयत्न होता. शासनाचे सर्व विभाग पूर्ण समन्वयाने या अभियानात सहभागी आहेत. यामुळेच जेव्हा आमची मुले युद्धपरिस्थितीतून घरी परतत असतात तेव्हा त्यांच्या चेहऱ्यावर आनंद स्पष्ट दिसतो.
आणखी एका प्रश्नाच्या उत्तरात पंतप्रधान म्हणाले, आम्ही अजूनही तेथे असलेले भारतीय नागरिक आणि विद्यार्थी परतण्यासाठी आवश्यक ती सर्व पावले उचलत आहोत. आम्ही आमच्या चार मंत्र्यांना संपूर्ण मोहिमेचे ‘समन्वय’ करण्यासाठी आणि सर्वतोपरी मदत करण्यासाठी पाठवले आहे. तिथे अडकलेल्या मुलांना जेव्हा दिसते की त्यांना घेण्यासाठी खुद्द भारत सरकारचे मंत्री आले आहेत, तेव्हा त्यांची चिंता कमी होते. होय, आता आपण आपल्या घरी पोहोचू असा दिलासा त्यांना मिळतो.
या मुद्द्यावर अधिक खोलात जाऊन पंतप्रधान मोदी म्हणाले, आम्ही युक्रेनच्या आसपासच्या देशांतील एनजीओ आणि भारतीय वंशाच्या संस्थांना ‘मोबिलाइज’ केले आहे. युद्ध सुरू होण्याच्या खूप आधीपासून आमचे दूतावास विद्यार्थ्यांच्या संपर्कात आहे आणि त्यांना ‘मार्गदर्शन’ करत आहे. लढा सुरू होण्यापूर्वी, कोविड 19 शी संबंधित ‘एअर बबल’मुळे भारत आणि युक्रेनमधील फ्लाइट्सच्या संख्येवर ‘कॅप’ असायची. परंतु संघर्ष वाढण्याआधी, आम्ही युक्रेनियन अधिकाऱ्यांसोबत काम केले आणि हे निर्बंध सैल केले जेणेकरून फ्लाइट्सची संख्या वाढू शकेल.
या सर्व प्रयत्नांचा परिणाम म्हणजे युक्रेनमधून सुमारे 12,000 भारतीयांना बाहेर काढण्याची योजना आखली आहे. आतापर्यंत 1000 पेक्षा जास्त भारतीयांना मायदेशी सुखरूप आणले आहे. सरतेशेवटी, पंतप्रधान म्हणाले, नियमित फ्लाईटच्या व्यतिरिक्त, आम्ही आमच्या नागरिकांच्या परतीसाठी भारतीय हवाई दलालाही या ऑपरेशनमध्ये सहभागी केले आहे.
पुढील तीस दिवसांत सुमारे तीस फ्लाईट भारतीयांना परत आणतील. सर्व विद्यार्थ्यांच्या कुटुंबीयांशी सरकार नेहमी संपर्कात आहे याची खात्री करण्यासाठी मी अधिकाऱ्यांना सांगितले आहे. त्यामुळेच कलेक्टरपासून मंत्र्यापर्यंत सरकार हजारो कुटुंबांपर्यंत पोहोचून त्यांच्या समस्या दूर करून त्यांना धीर देण्यासाठी उभे आहे.
महत्वाच्या बातम्या-
प्रधानमंत्री आवास योजनेसाठी शेतकऱ्याच्या मुलीने दिला खाते क्रमांक, जमा झाले तब्बल एवढे कोटी
चॅलेंज! या फोटोतील बिबट्या शोधून दाखवा, ९९ टक्के लोकं झालेत फेल
अरे वा! फक्त २० पैशात १ किलोमीटर चालणार ही ई-स्कुटर, IIT दिल्लीच्या स्टार्टअपने केली कमाल
बॉलीवूडची बोल्ड ब्युटी मल्लिका शेरावतने शेअर केले सोशल मिडीयाला आग लावणारे फ़ोटो; पाहून थक्क व्हाल
