सलमान खानच्या हत्येसाठी बनवला होता प्लॅन-बी, बॉडीगार्डशीही केली होती मैत्री, पण…

काँग्रेस नेते आणि पंजाबी गायक सिद्धू मुसेवाला(Sidhu Moose Wala) यांच्या हत्येपूर्वी दहशतवादी संघटनांशी हातमिळवणी करणाऱ्या गुंड गोल्डी बराड आणि लॉरेन्स बिश्नोई टोळीच्या शूटर्सनी चित्रपट अभिनेता सलमान खानच्या हत्येचा कट रचला होता. मुंबईत सलमान खानचे फार्म हाऊस असलेल्या पनवेलच्या परिसरात तीन शूटर्सनी बनावट नावे देऊन भाड्याने खोलीही घेतली होती.(plan-b-was-made-for-salman-khans-murder-friendship-with-guards-why-did-the-plan-change-in-the-end)

दीड महिना तिथे राहिल्यानंतर शूटर्सनी सलमान खानच्या येण्याजाण्याचा चांगलाच मागोवा घेतला होता. शूटर्सनीही गुन्हा करण्यासाठी पूर्ण तयारी केली होती. पण त्याआधी मुसेवालाची हत्या करण्याचे आदेश आल्यावर अचानक प्लॅन बदलण्यात आला. गोल्डी आणि लॉरेन्स ग्रुपने सलमानला मारण्याच्या ऑपरेशनला प्लान बी असे नाव दिले.

मूसेवाला यांच्या हत्येशी संबंधित प्रकरणाची उकल करणाऱ्या दिल्ली पोलिसांच्या विशेष कक्षाच्या प्रमुखाने गुरुवारी एका खास संवादात या खळबळजनक प्रकरणाचा पर्दाफाश केला. मूसेवाला हत्याकांडाच्या आधी कॅनडात राहणारा गोल्डी बराड आणि तिहारमध्ये दाखल असलेला लॉरेन्स बिश्नोई यांनी सलमान खानला मारण्यासाठी प्लान बी तयार केला होता. त्या प्लॅनचे नेतृत्व शार्प शूटर कपिल पंडित याने केले होते, ज्याला नुकतेच स्पेशल सेल आणि पंजाब पोलिसांनी(Punjab Police) भारत-नेपाळ सीमेवरून केलेल्या संयुक्त कारवाईत पकडले होते.

सेलच्या म्हणण्यानुसार, कपिल पंडित, संतोष जाधव आणि सचिन विश्नोई थापन यांनी मुंबईतील पनवेल, वाजे परिसरात भाड्याने खोली घेतली होती. सलमान खानचे(Salman Khan) पनवेलमध्ये फार्म हाऊस आहे. तिघेही दीड महिना तिथेच राहिले. सलमानवर हल्ला करण्यासाठी शूटर्सनी छोटी-मोठी अत्याधुनिक विदेशी शस्त्रे आणि काडतुसे यांचीही व्यवस्था केली होती.

सलमान हिट अँड रन प्रकरणात अडकल्यामुळे त्याच्या ताफ्यातील गाड्यांचा स्पीड कमी होता हे शूटर्सना माहीत होते. पनवेलमधील फार्म हाऊसवर येताना, सलमान मुख्यतः त्याचा पीएसओ शेरा सोबत असतो. शूटर्सनी सलमानच्या फार्म हाऊसकडे जाणार्‍या रस्त्याची रेकी केली होती. या रस्त्यावर मोठ्या प्रमाणात खड्डे पडले आहेत.

सलमानला फार्म हाऊसपर्यंत(Farm house) पोहोचण्यासाठी गाड्यांचा स्पीड ताशी केवळ 25 किमी आहे. शूटर्सनी सलमानच्या फार्म हाऊसवर जाऊन सेक्युरिटी गार्डशी त्यांचे चाहते म्हणून मैत्री केली जेणेकरून त्यांना सलमानच्या हालचालींची सर्व माहिती मिळावी. सेलचे म्हणणे आहे की दोन वेळा शूटर्सनी सलमान खानवर हल्ला करण्याचा प्रयत्न केला पण ते चुकले. त्यानंतर मूसेवालाच्या हत्येनंतर काही दिवसांनी शूटर्सनी सलमानच्या वडिलांना धमकीचे पत्र दिले होते.