उत्तर प्रदेशची राजधानी लखनऊमध्ये एक विचित्र घटना घडली आहे. लखनौच्या कैसरबागमध्ये एका पाळीव पिटबुल कुत्र्याने आपल्या ८० वर्षांच्या शिक्षिकेला बेदम मारहाण केली. एका वृत्तसंस्थेच्या रिपोर्टनुसार, मृत सुशीला त्रिपाठी (Sushila Tripathi) कैसरबागच्या बंगाली टोला परिसरात कुटुंबासोबत राहत होत्या. शेजाऱ्यांनी दिलेल्या माहितीनुसार, मंगळवारी पहाटे ५.३० वाजता सुशीला तिच्या कुत्र्याला नेहमीप्रमाणे टेरेसवर फिरवत होती. यादरम्यान कुत्र्याने त्यांच्यावर हल्ला केला.(Sushila Tripathi, Uttar Pradesh, Halla, Gym Trainer)
मिळालेल्या माहितीनुसार, कैसरबाग पोलिस ठाण्याचे निरीक्षक या घटनेची माहिती देताना म्हणाले, ८० वर्षीय सुशीला त्रिपाठी या सेवानिवृत्त शिक्षिका होत्या. सुशीला टेरेसवर पिटबुल कुत्रा फिरत होत्या. दरम्यान, पिटबुलच्या गळ्यात बांधलेली साखळी निघाली. साखळी निघताच त्याने सुशीलावर हल्ला केला. कुत्र्याने त्यांना अशा प्रकारे चावले की त्यांच्या शरीराचे मांसही वेगळे झाले. पिटबुलच्या चाव्यामुळे त्यांचे पोट, डोके आणि चेहऱ्यावरून रक्तस्त्राव झाला होता.
निरीक्षक पुढे म्हणाले की, या घटनेच्या वेळी सुशीला त्रिपाठी घरी एकट्या होत्या. त्यांचा जिम ट्रेनर मुलगा अलीगंज येथील जिममध्ये गेला होता आणि तिचा नवरा आधीच मेला आहे. पोलिसांनी दिलेल्या माहितीनुसार, घटनेनंतर काही वेळातच मोलकरीण कामावर आली तेव्हा तिला सुशीला जमिनीवर रक्ताच्या थारोळ्यात पडलेली दिसली.
मोलकरणीने लगेच मुलगा अमितला फोन केला. तो तत्काळ जिममधून घरी आला आणि रक्ताच्या थारोळ्यात पडलेल्या आईला रुग्णालयात घेऊन गेला. पण, त्यांना वाचवता आले नाही. अतिरक्तस्रावामुळे सुशीला यांचा मृत्यू झाल्याचे डॉक्टरांनी सांगितले. शिक्षिकेच्या शरीरावर एकूण १२ खोल जखमा आढळल्या.
या प्रकरणी लखनौ पश्चिम विभागाचे एडीसीपी चिरंजीवी नाथ सिन्हा यांनी वृत्तसंस्थेशी बोलताना सांगितले की, या प्रकरणी पोलिसांकडे अद्याप कोणतीही तक्रार आलेली नाही. तसेच कोणी आणखी तक्रार केल्यास कारवाई केली जाईल. सुशीला यांचा अशा मृत्यूमुळे परिसरात सर्वत्र दुख झाले आहे.
सुशीला त्रिपाठीच्या शेजाऱ्यांनी वृत्तसंस्थेला सांगितले की, ज्या पिटबुल कुत्र्याने सुशीलाला मारले, त्याला लहान असताना कापसाच्या बोळ्याने दूध पाजले होते. या लोकांच्या म्हणण्यानुसार, ब्राउनी नावाच्या या कुत्र्याला ३ वर्षांपूर्वी सुशीला यांचा मुलगा अमित याने घरी आणले होते. पिटबुलशिवाय सुशीलाच्या घरात आणखी एक पाळीव कुत्रा लॅब्राडोर आहे.
महत्वाच्या बातम्या-
गुणरत्न सदावर्तेंनी कुत्रा-मांजर नाही तर पाळलय चक्क गाढव; वाचा मॅक्सची कहाणी
फुटपाथवर पडून होता मालकाचा मृतदेह, तासनतास पहारा देत होता कुत्रा, रशिया-युक्रेन वारमधील ह्रदयद्रावक फोटो
हा तर संगतीचा परिणाम, कोंबड्यांसोबत राहून कुत्रा भुंकायचं सोडून देऊ लागला बांग, पहा व्हिडीओ
नाना पटोले पिसाळलेला कुत्रा, त्याला आता दांडक्याशिवाय पर्याय नाही; पुण्यातील भाजप नेत्याची थेट धमकी
