उद्योजक रितेश अग्रवाल (Ritesh Agarwal) हा देशातील प्रसिद्ध तरुणांपैकी एक असून वयाच्या 19 व्या वर्षी रितेशने स्टार्टअप सुरू केले. रितेश हा देशातील यशस्वी उद्योजकांपैकी एक आहे. एबीपी न्यूजच्या आयडियाज ऑफ इंडिया या कार्यक्रमात रितेश अग्रवालही पोहोचला आणि प्रसिद्ध लेखक चेतन भगत यांनी रितेशची मुलाखत घेतली.( OYO founder Riteish Agarwal shared the success story )
मुलाखतीदरम्यान चेतन भगतने असा प्रश्न विचारला की रितेश अग्रवालसह सभागृहातील सर्वजण हसू लागले. वास्तविक, मुलाखतीदरम्यान चेतन भगतने रितेश अग्रवालला विचारले की, तू आधी गर्लफ्रेंड केली की कंपनी? चेतन भगतच्या या प्रश्नाला उत्तर देताना रितेश अग्रवालसह उपस्थित सर्वजण हसू लागले.
या प्रश्नाच्या उत्तरात रितेश अग्रवाल म्हणाला, “मी रायगड, ओरिसा येथे वयाच्या 19 व्या वर्षापर्यंत शिकलो आणि 12वी नंतर मी व्यवसायाचा विचार केला. मोठी स्वप्ने होती, समस्या सोडवायची होती आणि तिथूनच सुरुवात झाली.” रितेश अग्रवाल पुढे म्हणाले की, जर तुम्ही भारतातील एका छोट्या गावात राहत असाल तर तुमचे वडील आणि आई तीर्थक्षेत्री किंवा मंदिरांना भेट देण्यासाठी घेऊन जातात.
मी सुद्धा अलाहाबादच्या कुंभमेळ्याला माझ्या वडिलांसोबत गेलो होतो आणि तिथे एका दूरच्या नातेवाईकाच्या घरी थांबलो होतो आणि मग टीव्हीच्या रिमोटवरून एक घटना घडली. नातेवाईकांच्या घरी टीव्हीच्या रिमोटवर माझा ताबा नव्हता. नातेवाईकांना डेली सोप बघायचा होता आणि मला कार्टून नेटवर्क बघायचे होते. तेव्हा माझ्या लक्षात आले की ही समस्या केवळ माझीच नाही, तर संपूर्ण देशात आहे.
मग इथून मी माझ्या व्यवसायाचा विचार केला. या प्रकारानंतर मला OYO रूम सुरू करण्याचा विचार आला. रितेश यांना वाटलं प्रत्येकाला आपल्या आवडतीची गोष्ट मिळाली पाहिजे. रितेश अग्रवालने 2011 मध्ये दिल्लीत येऊन स्टार्टअप सुरू करण्याचा निर्णय घेतला आणि त्याने अभियांत्रिकी महाविद्यालयाची प्रवेश परीक्षाही सोडली.
2013 मध्ये त्यांना 1 लाख डॉलरची फेलोशिप मिळाली आणि त्याच पैशातून त्यांनी ओयो रूम्स सुरू केली. 2013 मध्ये, रितेशने OREVAL STAYS नावाची ऑनलाइन रूम बुकिंग कंपनी उघडली, ज्याचा उद्देश कमी किमतीत चांगल्या खोल्या उपलब्ध करून देणे हा होता. 2018 मध्ये रितेश अग्रवालने 1 अरब डॉलरची गुंतवणूक उभारली होती.
वयाच्या 26 व्या वर्षी रितेश अग्रवालची संपत्ती 1 अरब डॉलर ओलांडली आणि तो भारतातील सर्वात तरुण अब्जाधीश बनला. आम्ही तुम्हाला सांगू इच्छितो की OYO हॉटेल्स आणि रूम्स ही भारतीय हॉटेल्सची एक साखळी आहे, जी जगातील अनेक देशांमध्ये पसरलेली आहे. ओयो हॉटेल्स ही भारतातील सर्वात मोठी हॉटेल साखळी आहे.
महत्वाच्या बातम्या-
स्टाईलिश लूक, जबरदस्त ऍब्स, शाहरुख खानने शेअर केला ‘पठाण’चा पहिला लूक; कॅप्शनने लोकांना लावले वेड
नाद केला भावा तू! परदेशातील नोकरीला लाथ मारून मायदेशी फुलवली शेती, आज लाखोंची उलाढाल
बॉलिवूडच्या फेमस जोडीत आला दुरावा; लग्नाची बोलणी सुरू असतानाच श्रद्धा कपूरचा झाला ब्रेकअप
ठाकरे सरकारला दणका! परमबीर सिंग प्रकरणी सर्वोच्च न्यायालयाचा मोठा निर्णय
