कोलकाता नाईट रायडर्सचा (Kolkata Knight Riders) विकेट कीपर फलंदाज दिनेश कार्तिकने (Dinesh Karthik) आयपीएलमध्ये दिल्या जाणाऱ्या ‘ऑरेंज कॅप’वर (Orange Cap) मोठे वक्तव्य केले आहे. तमिळनाडूच्या या क्रिकेटपटूने सांगितले की, त्यांच्या मते हा पुरस्कार देण्यात काही अर्थ नाही. आयपीएलमध्ये सर्वाधिक धावा करणाऱ्या फलंदाजाला ‘ऑरेंज कॅप’ दिली जाते.(Orange Cap Award is the biggest stupidity in the history of IPL)
सध्या इंग्लंडमध्ये स्काय स्पोर्ट्स चॅनलसाठी कमेंटरी करत असलेल्या दिनेश कार्तिकने हिंदी कमेंटेटर आकाश चोप्रा यांच्याशी आयपीएलबद्दल चर्चा केली. कार्तिक म्हणाला, मला वाटते की आयपीएलमध्ये ‘ऑरेंज कॅप’ देण्यात काही अर्थ नाही आणि आयोजकांनी याचा विचार करणे आवश्यक आहे. केरॉन पोलार्ड, आंद्रे रसेल हे ऑरेंज कॅप कधीही जिंकू शकणार नाहीत कारण त्यांना रोहित शर्मा किंवा क्विंटन डी कॉक किंवा इतर कोणत्याही सलामीवीरापेक्षा जास्त चेंडू खेळण्याची संधी मिळणार नाही.
दिनेश कार्तिक पुढे म्हणाला की, सलामीवीरांना हा पुरस्कार जिंकण्याची अधिक संधी आहे. टी-20 सामन्याच्या निकालात फिनिशर आणि खालच्या फळीतील खेळाडूही महत्त्वाची भूमिका बजावतात यावर त्याने भर दिला. आयपीएलमधील ऑरेंज कॅप एका सीजनमध्ये सर्वाधिक धावा करणाऱ्या खेळाडूला दिली जाते. आयपीएलच्या 13 सीजनमध्ये 10 वेगवेगळ्या खेळाडूंनी ऑरेंज कॅप जिंकली आहे.
ऑस्ट्रेलियन खेळाडू शॉन मार्शने लीगच्या उद्घाटन आवृत्तीत किंग्ज इलेव्हन पंजाबकडून खेळताना पहिल्यांदा ऑरेंज कॅप जिंकली. तर पंजाब किंग्जचा विकेटकीपर फलंदाज केएल राहुलला गेल्या सीजनमध्ये हा पुरस्कार मिळाला होता. रॉयल चॅलेंजर बंगळुरूकडून खेळताना भारतीय कर्णधार विराट कोहली 2016 मध्ये ऑरेंज कॅपचा विजेताही ठरला आहे.
जर आपण कार्तिकबद्दल बोलायचे झाले तर तो सध्या आयपीएल 2022 मध्ये आरसीबी संघाच्या फिनिशरची भूमिका बजावत आहे. आरसीबीच्या मागील दोन सामन्यांमध्ये त्याने शेवटच्या क्षणी आपल्या संघाला विजय मिळवून दिला आहे. विकेटकीपिंग-फलंदाज भारतासोबत जास्त काळ खेळला नसला तरी संधी मिळाल्यावर तो पुनरागमन करू शकतो, असा विश्वास आहे. मात्र, आता भारतासोबत खेळण्याची संधी मिळाली नाही तर खेद वाटणार नाही, असेही तो म्हणाला. जुलै 2019 मध्ये, त्याने श्रीलंकेविरुद्ध भारतासाठी 150 वा एकदिवसीय सामना खेळला.
महत्वाच्या बातम्या-
IPL आणि सचिनची खिल्ली उडवणाऱ्या पाकिस्तानी ट्रोलरची जिमी नीशमने केली बोलती बंद, म्हणाला, मी सध्या..
RCB चा जबरदस्त गोलंदाज हर्षल पटेल IPL सोडून परतला घरी, धक्कादायक कारण आले समोर
कौतुकास्पद! छोट्याशा हेअर सलूनपासून IPL पर्यंत केला खडतर प्रवास, कुलदीप सेनची अनटोल्ड स्टोरी वाचून व्हाल थक्क
IPL 2022: चेन्नईचा सलग तिसरा पराभव झाल्यानंतर चाहत्यांना आठवला रैना, होतेय ही मागणी