Karva Chauth, Beloved, Beloved, Marriage/ करवा चौथच्या दिवशी पतीने पत्नीचे तिच्या प्रियकराशी लग्न लावून दिले. हा संपूर्ण सीन बॉलिवूडचा ब्लॉकबस्टर चित्रपट ‘हम दिल दे चुके सनम’ स्टाईलमध्ये घडला. पतीने पत्नीच्या सुखासाठी प्रियकरासह तिला निरोप देऊन सात जन्माचे वचन परत घेतले. हे प्रकरण बिहारमधील भागलपूर जिल्ह्यातील सुलतानगंज भागातील गगनियाचे आहे. ग्राम न्यायालयात हा ऐतिहासिक निर्णय घेण्यात आला.
विवाह सोहळा पाहण्यासाठी ग्रामस्थ मोठ्या संख्येने उपस्थित होते. कायदेशीर प्रक्रिया पूर्ण करून श्रावणने पत्नी पूजाचे तिच्या प्रियकराशी लग्न लावून दिले. मिळालेल्या माहितीनुसार, गंगानिया येथील रहिवासी असलेल्या श्रावण कुमारचे लग्न बांका येथील फुलिदुमार येथे राहणाऱ्या पूजासोबत 2012 साली झाले होते.
लग्नानंतर काही महिन्यांनी पूजा शेजारी राहणाऱ्या छोटू नावाच्या तरुणाच्या प्रेमात पडली. अनेकवेळा गावकऱ्यांनी पूजाला छोटूसोबत पाहिलंही होतं. हळूहळू वेळ निघून गेला, यादरम्यान पूजा 4 मुलांची आई झाली. सुरुवातीला श्रावणने पूजाला खूप समजावले पण तिच्यावर काहीच परिणाम झाला नाही.
गेल्या आठवड्यात पूजा छोटूसोबत घरातून पळून गेली. पती श्रावण कुमारने जवळच्या पोलीस ठाण्यात एफआयआर दाखल केला. या प्रकरणी ग्राम न्यायालयात सुनावणी झाली. पूजाने छोटूसोबत जगण्या-मरण्याबाबत बोलले, त्यानंतर पतीने पूजाला तिचा प्रियकर छोटूसोबत राहण्याची परवानगी दिली.
लग्नानंतर पूजा गगनिया येथे सासरच्या घरी राहत होती. प्रियकर छोटू साह आपल्या मामाच्या घरी गगनिया येथे राहून शिक्षण घेत असे. घराजवळ असल्याने छोटू पूजाच्या घरी जायचा. यामुळेच छोटू आणि पूजा हळूहळू दोघेही एकमेकांच्या प्रेमात पडले. त्यानंतर दोघांनी करवा चौथच्या दिवशी ग्रामपंचायतीसमोर एकमेकांसोबत जगण्याची आणि मरण्याची शपथ घेतली. पती श्रावण म्हणाला की जिथे तू आनंदी आहेस तिथेच माझा आनंद आहे. मी मुलांची काळजी घेईन.
पत्नी पूजा म्हणाली, ‘माझं माझ्या प्रियकरावर खूप प्रेम आहे. त्यांच्याशिवाय जगू शकत नाही. त्याला पाहताच मी त्याच्या प्रेमात पडले. मला त्याच्याशिवाय जगणे शक्य नाही.’ जेव्हा पूजाला विचारण्यात आले की, तुला चार मुले आहेत, मग तू असे पाऊल का उचलले? तिने सहज उत्तर दिले की प्रेमासमोर काहीच नाही. मला प्रेमाचे व्यसन आहे. मला फक्त आणि फक्त छोटू आवडतो. मला माझे आयुष्य त्याच्यासोबत घालवायचे आहे.
महत्वाच्या बातम्या-
Uddhav thackeray : उद्धव ठाकरे पुन्हा अडचणीत, मशाल चिन्हही हातातून जाणार? प्रकरण उच्च न्यायालयात
Gautam Adani: अदानींच्या मुंद्रा बंदरातून सापडल्या तब्बल ‘एवढ्या’ कोटींच्या विदेशी सिगरेट, वाचा नेमकं प्रकरण काय?
shivsena : मुख्यमंत्री शिंदे तोंडावर आपटले! क्राईम ब्रँचकडून ठाकरेंच्या शिवसेनेला मोठा दिलासा; वाचा काय आहे प्रकरण?
