दसरा मेळाव्यावरून आदित्य ठाकरे आक्रमक; थेट शिंदे गटावर सोडले टीकेचे बाण, वाचा काय म्हणाले?

यंदाचा शिवसेनेचा दसरा मेळावा हा चांगलाच चर्चेत आला आहे. शिवसेनेमध्ये दोन गट स्थापन झाल्यामुळे यंदा शिवतीर्थावर दसरा मेळावा कोण आयोजित करणार असा प्रश्न उपस्थितीत झाला आहे. शिंदे गट आणि ठाकरे गट (Eknath shinde and Uddhav Thackeray) आता दसरा मेळाव्यावरून आमने-सामने आले आहेत.

यंदाचा दसरा मेळावा मुख्यमंत्री एकनाथ शिंदे यांच्या नेतृत्वाखालील शिंदे गट घेणार की उद्धव ठाकरे यावरुन दोन्ही गटांमध्ये नवी ठिणगी पडण्याची शक्यता आहे. याचबरोबर शिवसेनेची ओळख असेलला दसरा मेळावा हायजॅक करण्याचा प्रयत्न शिंदे गटाचा आहे. मात्र अद्याप शिवसेनेच्या या मेळाव्याला परवानगी अद्याप मिळालेली नाही.

तसेच मेळाव्याला परवानगी मिळावी यासाठी शिवसेनेने मुंबई मेळाव्याला परवानगी मिळावी यासाठी अर्ज दाखल केला आहे. मात्र  महापालिकेने हात आखडता घेतला असल्याच पाहायला मिळत आहे. त्यामुळे आता संधी शिवसेनेला मिळणार, की एकनाथ शिंदे गटाला याविषयी उत्सुकता राजकीय वर्तुळात निर्माण झाली आहे.

आदित्य ठाकरे आक्रमक..!

दसरा मेळाव्यासाठी उद्धव ठाकरे आणि एकनाथ शिंदे गट या शिवसेनेच्या दोन गटांनी परवानगी मागितल्याबद्दल आदित्य यांना माध्यमांनी विचारणा केली. त्यावर ते म्हणाले, “शिवसेना मुंबईत वार्षिक दसरा मेळावा आयोजित करण्याची परवानगी मागत आहे, पण अधिकारी आमचा अर्ज स्वीकारत नाहीत. शिंदे सरकार हे दडपशाहीचे सरकार आहे.’

माध्यमांशी बोलताना पुढे आदित्य ठाकरे यांनी म्हंटलं आहे की, ‘दसरा मेळावा शिवसेनेचा असतो आणि शिवसेनेचाच राहणार..! मेळाव्याच्या परवानगीसाठी आम्ही सतत प्रयत्न करतोय, पण तुम्हाला माहित आहे जे गद्दार सरकार आलंय ते दडपशाहीचं सरकार त्यामुळे त्यांनी परवानगी दिली नाही. शिवतीर्थावर शिवसेनेचाच दसरा मेळावा आहे’

दरम्यान, शिवसेनेने शिवाजी मैदानावर दसरा मेळावा घेण्यासाठी परवानगी मागीतली आहे. मात्र, मुंबई महापालिकेने अद्याप याला मंजूरी दिलेली नाही. त्यामुळे आता हा सोहळा ही शिंदे हाय जॅक करणार अशी चर्चा आहे. यामुळे दसरा मेळावा नक्की कोणाचा होणार शिंदे गट की उद्धव ठाकरे याकडे सर्वांचे लक्ष लागले आहे.