Team India, South Africa, Shikhar Dhawan, Ruturaj Gaikwad, Rahul Tripathi/ टीम इंडिया (Team India) आणि दक्षिण आफ्रिका (South Africa) यांच्यातील तीन एकदिवसीय सामन्यांच्या मालिकेतील पहिल्या सामन्यात एक मजबूत खेळाडू पुन्हा बेंचवर बसलेला दिसला. हा खेळाडू आयपीएल (IPL) 2022 पासून अनेक एकदिवसीय आणि टी-20 सीरीजमध्ये टीम इंडियाचा भाग बनला आहे, परंतु या खेळाडूचा संघाच्या प्लेइंग 11 मध्ये एकदाही समावेश झालेला नाही.
गेल्या अनेक वर्षांपासून हा खेळाडू पदार्पणाच्या सामन्याची वाट पाहत आहे. दक्षिण आफ्रिकेविरुद्धच्या पहिल्या एकदिवसीय सामन्यात कर्णधार शिखर धवनने युवा फलंदाज रुतुराज गायकवाड (Ruturaj Gaikwad) आणि फिरकीपटू रवी बिश्नोई (Ravi Bishnoi) यांना वनडे पदार्पणाची संधी दिली. मात्र 31 वर्षीय फलंदाज राहुल त्रिपाठी या सामन्यातही टीम इंडियाचा भाग होऊ शकला नाही.
या मालिकेतील पहिल्याच सामन्यात राहुल त्रिपाठीला पदार्पणाची संधी मिळेल, अशी अपेक्षा होती, पण या सामन्यातही तो बाहेर पडला. या मालिकेपूर्वी रुतुराज आणि रवी बिश्नोईला तीन मालिकांमध्ये टीम इंडियाच्या संघात स्थान देण्यात आले होते, मात्र त्या सर्व मालिकेतही राहुल त्रिपाठीला खेळण्याची संधी मिळाली नाही. विशेष म्हणजे या तिन्ही मालिकांमध्ये टीम इंडियाची कमान वेगवेगळ्या कर्णधारांच्या हाती होती.
या मालिकेपूर्वी राहुल त्रिपाठी इंग्लंड, आयर्लंड आणि झिम्बाब्वेच्या दौऱ्यावर असलेल्या टीम इंडियामध्ये सामील होता, पण तिथेही त्याला पदार्पणाची संधी मिळाली नाही. IPL 2022 मध्ये राहुल त्रिपाठीने 14 सामन्यात 414 धावा केल्या होत्या. या चमकदार कामगिरीमुळे त्याला संघात स्थान देण्यात येत असले तरी तो प्लेइंग 11 चा भाग बनू शकला नाही.
राहुल त्रिपाठीला आयर्लंड दौऱ्यावर हार्दिक पांड्याच्या नेतृत्वाखाली 2 टी-20 सामन्यांसाठी संघात स्थान देण्यात आले होते आणि इंग्लंड दौऱ्यावर रोहित शर्माच्या नेतृत्वाखाली केवळ एका टी-20 सामन्यासाठी संघात त्याचा समावेश करण्यात आला होता. यानंतर, तो झिम्बाब्वे दौऱ्यासाठी धवनच्या नेतृत्वाखाली संघाचा भाग बनला. मात्र या तिन्ही कर्णधारांनी त्याला एकही संधी दिली नाही.
टीम इंडियाने दक्षिण आफ्रिकेविरुद्धच्या तीन सामन्यांच्या वनडे मालिकेतील पहिला सामना गमावला आहे. लखनौ येथे झालेल्या सामन्यात आफ्रिकन संघाने 9 धावांनी विजय मिळवत मालिकेत 1-0 अशी आघाडी घेतली. आता या मालिकेतील पुढचा सामना 9 ऑक्टोबरला रांचीमध्ये होणार आहे.
महत्वाच्या बातम्या-
Team india : भारतानं हरवलं ऑस्ट्रेलियाला पण मिरची लागली पाकिस्तानला, वाचा काय घडलं..
Team India: टीम इंडियाच्या विजयातही ‘हा’ खेळाडू ठरला सर्वात मोठा खलनायक, वर्ल्ड कपमधून होणार पत्ता कट?
Team India: …तर संजू सॅमसनने नक्कीच मॅच जिंकून दिली असती, वाचा शेवटच्या ओव्हरमध्ये नक्की काय घडलं?
