अशातच राष्ट्रवादी काँग्रेसचे अध्यक्ष शरद पवार यांचे नातू आमदार रोहित पवार यांच्या अडचणी वाढवणारी बातमी समोर आली आहे. मुंबई – राष्ट्रवादीचे नेते व आमदार रोहित पवार हे संचालक राहिलेल्या ग्रीन एकर कंपनीने आर्थिक घोटाळा केल्याची तक्रार ईडीला प्राप्त झाली आहे.
महत्त्वाची बाब म्हणजे या संदर्भात ईडीच्या वरिष्ठ अधिकाऱ्यांनी चौकशी करण्याचे आदेश दिले आहेत. या संदर्भात लवकरच प्राथमिक चौकशी होणार असून त्यात जर काही तथ्य आढळले तर या चौकशीचे धागे रोहित पवार यांच्यापर्यंत जाण्याची शक्यता आहे. यामुळे सध्या राष्ट्रवादीच्या गोटात खळबळ उडाली आहे.
ईडी चौकशीवर रोहित पवारांनी आपली पहिली प्रतिक्रिया दिलेली आहे. याबाबत बोलताना त्यांनी म्हंटलं आहे की, ”गेल्या अनेक वर्षांमध्ये खूपदा केंद्रीय यंत्रणांनी मला माझ्या अधिकाऱ्यांना बोलावलं आहे. सत्तेत येण्याच्या पाच वर्ष आधीही देखील सीआयडी आणि इतर संस्थांनी माझी चौकशी केली आहे. यामुळे जर मला बोलवलं, तर मी सहकार्य करेल.’
वाचा नेमकं प्रकरण काय?
येस बँक-डीएचएफएल घोटाळ्याप्रकरणी अटक करण्यात आलेले राकेश वाधवान आणि सारंग वाधवन यांचे या कंपनीशी अतिशय जवळचे संबंध असल्याचे सांगण्यात येते. याचबरोबर या प्रकरणी रोहित पवार कधीकाळी संचालक असलेल्या ग्रीन एकर कंपनीची ईडीकडून चौकशी करण्यास सुरुवात झाली आहे.
महत्त्वाच्या बातम्या
Shivsena : झंडूबाम घेऊन ठेवा कारण तुमची.., शिवसेनेसोबत युती केल्यानंतर संभाजी ब्रिगेडचा भाजपला इशारा
शिवसेनेतील दोन आमदार शिंदे गटाच्या गळाला; ‘या’ मंत्र्याच्या दाव्याने मोठी खळबळ
रात्रीच्या बैठका घेतात, आमचा आवाज दाबण्याचा प्रयत्न केला, संभाजीराजेंविरोधात मराठा क्रांती मोर्चा आक्रमक
