Morbi Bridge Collapse: मोरबीतील मच्छू नदीवरील झुला पूल कोसळल्याने आतापर्यंत 140 हून अधिक जणांचा मृत्यू झाल्याची भीती व्यक्त करण्यात येत आहे. 200 हून अधिक जवान मदत आणि बचाव कार्यात गुंतले आहेत. मिळालेल्या माहितीनुसार, हा अपघात झाला तेव्हा या पुलावर 300 हून अधिक लोक उपस्थित होते. पूल कोसळल्याने शेकडो लोक नदीत बुडाले.
त्याचवेळी खासदार मोहन कुंदारिया यांच्या कुटुंबीयांचाही या अपघातात मृत्यू झाला. खासदार मोहन कुंदारिया यांच्या बहिणीच्या कुटुंबातील 12 जणांचा मृत्यू झाला आहे. जेठानी यांची नातेवाईक बहीण, चार मुली, चार जावई आणि मुलांचा मृत्यू झाला आहे.
राजकोटचे मुख्य अग्निशमन अधिकारी इलेश खेर यांनी सांगितले की, राजकोट अग्निशमन दलाने 6 बोटी, 6 रुग्णवाहिका, 2 रेस्क्यू व्हॅन, 60 जवान तैनात केले आहेत. बडोदा, अहमदाबाद, गोंडल, जामनगर, कच्छ येथून एकूण 20 बचाव नौका बचाव कार्य करत आहेत. 12 फायर टेंडर, रेस्क्यू व्हॅन, 15 हून अधिक रुग्णवाहिका येथे आहेत.
राजकोटचे जिल्हाधिकारी अरुण महेश बाबू यांनी सांगितले की, SDRF च्या 2 टीम इथे आल्या आहेत, एक NDRF ची स्थानिक टीम आणि दुसरी टीम बडोद्यातून. लष्कर, हवाई दल, अग्निशमन विभाग आणि नगरपालिकेचे पथकही येथे उपस्थित आहेत.
दुसरीकडे, मोरबीमध्ये केबल पूल कोसळण्याच्या घटनेवर गुजरातचे गृहमंत्री हर्ष संघवी म्हणाले की, या दुर्घटनेत आतापर्यंत एकूण 132 लोकांचा मृत्यू झाला आहे. नौदल, एनडीआरएफ, हवाई दल आणि लष्कर वेगाने पोहोचले, 200 हून अधिक लोकांनी रात्रभर काम केले आहे.
गृहमंत्री म्हणाले मुख्यमंत्र्यांनी काल अहमदाबाद सोडताना एक उच्चाधिकार समिती स्थापन केली होती. वेगवेगळ्या ठिकाणी तैनात असलेल्या सर्व अधिकाऱ्यांना पहाटे 2 वाजेपर्यंत मोरबी येथे हजर राहण्यास सांगितले आहे, घटनेचा तपास सुरू आहे. फौजदारी गुन्हा दाखल करण्यात आला आहे.
अपघाताबाबत बोलताना प्रत्यक्षदर्शींनी सांगितले की, अपघात झाला तेव्हा पुलावर अनेक महिला आणि लहान मुले होती. नदीत सुमारे 100 लोक बुडाल्याची भीती व्यक्त करण्यात येत आहे. 5 दिवसांपुर्वीच हा पूल जनतेसाठी खुला करण्यात आला. जीव वाचवण्यासाठी अनेक लोक तारांवर लटकत होते.
मोरबीच्या या दुर्घटनेवर मुख्यमंत्री भूपेंद्र पटेल यांनी ट्विट केले आहे. त्यांनी लिहिले की, “मोरबी येथील झुलत्या पुलाच्या दुर्घटनेने खूप दुःख झाले.” यंत्रणेकडून मदत आणि बचावकार्य सुरू आहे. जखमींवर तातडीने उपचार करण्याची व्यवस्था करण्याचे निर्देश यंत्रणेला देण्यात आले आहेत. याबाबत मी जिल्हा प्रशासनाच्या सतत संपर्कात आहे.
महत्वाच्या बातम्या
gujarat : गुजरातमध्ये मृत्यूचे तांडव! नदीत पूल कोसळून १५० लोकं बुडाले, आतापर्यंत ३५ मृतदेह बाहेर काढले
Rohit : पराभवानंतर प्रचंड भडकला रोहीत; ; खेळाडूंना धरले जबाबदार, जाहीरपणे काढली खरडपट्टी
“अण्णा हजारे समाजसेवक नाही तर समाजद्रोही, या बेईमान माणसाने देशाची माफी मागीतली पाहीजे”
