आज भाजपच्या संसदीय मंडळाच्या बैठकीत पंतप्रधान नरेंद्र मोदी (PM Narendra Modi) यांनी काश्मीर फाइल्स या चित्रपटाचा उल्लेख करून विरोधकांवर जोरदार निशाणा साधला. पंतप्रधान म्हणाले की, स्वातंत्र्याचा झेंडा घेऊन सदैव फिरणाऱ्या संपूर्ण समूहाला धक्का बसला आहे. पंतप्रधान मोदी म्हणाले की, जर एखाद्याने हिम्मत ठेवून महात्मा गांधींच्या जीवनावर चित्रपट बनवला असता आणि जगासमोर ठेवला असता तर सगळ्यांसाठी एक संदेश झाला असता.(Modi targets the opposition)
पहिल्यांदाच एका परदेशी व्यक्तीने गांधीवर चित्रपट बनवला आणि त्याला ऑस्कर मिळाला तेव्हा जगाला कळले की गांधी किती महान व्यक्ती आहेत. पण काही लोक फक्त अभिव्यक्ती स्वातंत्र्याबद्दल (फ्रीडम ऑफ एक्सप्रेशन) बोलतात. तुम्ही पाहिलंच असेल, आणीबाणी ही एवढी मोठी घटना आहे, त्यावर कोणताही चित्रपट होऊ शकला नाही. सत्य लपवण्याचा सातत्याने प्रयत्न होत होता.
14 ऑगस्ट हा भारताच्या फाळणीचा दिवस हॉरर डे म्हणून लक्षात ठेवण्याचा निर्णय घेतला तेव्हा अनेक लोकांना त्याची अडचण होऊ लागली. देश कसा विसरेल… कधी कधी आपल्यालाही त्यातून काही शिकायला मिळते. भारताच्या फाळणीवर काही ऑथेंटिक चित्रपट बनला होता का?
आजकाल काश्मीर फाईल्स या चित्रपटाची चर्चा सुरू असून अभिव्यक्ती स्वातंत्र्याचा झेंडा घेऊन सदैव फिरणारे हे सगळे लोकं गेल्या पाच-सहा दिवसांपासून सैरभैर झाली आहे. वस्तुस्थिती आणि कलेच्या आधारे या चित्रपटावर चर्चा करण्याऐवजी त्याला बदनाम करण्याची एक मोहीम चालवली जात आहे, हे तुम्ही पाहिले असेलच. त्यांना जे काही सत्य वाटले, ते दाखवण्याचा प्रयत्न केला.
मात्र ते सत्य ना स्विकारण्याची तयारी आहे ना समजण्याची तयारी आहे, किंवा जगाला जे दाखवले जात आहे, ते त्यांना मान्य नाही. गेल्या पाच-सहा दिवसांपासून सुरू असलेले हलके-फुलके षड्यंत्र… माझा विषय हा चित्रपट नाही, देशाच्या भल्यासाठी सत्य देशासमोर आणणे हा माझा विषय आहे. त्याला अनेक पैलू असू शकतात. काहींना एक गोष्ट दिसते, काहींना दुसरी गोष्ट दिसते.
हा चित्रपट चांगला नाही असे ज्याला वाटत असेल त्याने आपला दुसरा चित्रपट बनवा, असे पंतप्रधान म्हणाले. पण त्यांना आश्चर्य वाटते की, जे सत्य इतके दिवस दाबून ठेवले गेले, जे वस्तुस्थितीच्या आधारे बाहेर आणले जात आहे, ते कोणीतरी मेहनतीने आणत आहे, त्यासाठी त्यांनी सर्व प्रयत्न केले आहेत. अशा परिस्थितीत सत्यासाठी जगणाऱ्यांची जबाबदारी आहे की त्यांनी सत्याच्या बाजूने उभे राहिले पाहिजे. ही माझीही जबाबदारी आहे.
महत्वाच्या बातम्या-
द काश्मीर फाईल्स चा बॉक्सऑफिसवर धुमाकूळ; आत्तापर्यंत केली एवढ्या कोटींची कमाई
कश्मीरी पंडीतांच्या हत्याकांडावेळी भाजपचे ८५ खासदार काय करत होते? त्यांच्या पाठींब्यावर सरकार होते
बुम बुम बुमराहने रचला इतिहास, आंतरराष्ट्रीय क्रिकेटमध्ये ठोकले अनोखे त्रिशतक
तू बोल्ड फोटोशूट का करत नाहीस? चाहत्याच्या प्रश्नावर विद्या बालनने दिले असे उत्तर
