सोनी मराठी वाहिनीवरील ‘महाराष्ट्राची हास्यजत्रा’ या कार्यक्रमातील एका कलाकाराला रिक्षावाल्याकडून लुटण्याचा प्रयत्न करण्यात आला आहे. पृथ्वीक प्रताप (maharashtrachi hasya jatra fame prithvik pratap )असे त्या कलाकाराचे नाव असून यासंदर्भात पृथ्वीकने स्वतः सोशल मीडियाद्वारे माहिती दिली आहे. तसेच पोलीस वेळेवर पोहोचल्याने तो सुखरूप घरी पोहोचला असून प्रवास करताना सर्वांनी काळजी घ्यावी, असे आवाहनही त्याने पोस्टद्वारे केले आहे.
पृथ्वीक प्रतापने त्याच्यासोबत घडलेली घटना फेसबुकद्वारे सर्वांशी शेअर केली आहे. त्यामध्ये त्याने लिहिले की, ‘दिनांक २१/०१/२०२२, रात्री ९ च्या दरम्यान मी ग्रीन वॅली स्टुडिओज (काशिमीरा, मीरारोड) मधून शूटिंग आटपून घरी जाण्यास निघालो, नेमकी स्वतःची गाडी आज आणली नाही म्हणून ओला/उबेर बुक करण्याचा प्रयत्न करत होतो. पण नेटवर्क वीक असल्यामुळे ते काही घडेना… शेवटी वैतागून चालत स्टुडिओ गेटमधून बाहेर पडलो आणि एका रिक्षावाल्याला हात दाखवून विचारलं ‘ठाणे?’ त्यानेही तडक गाडी वळवली, मी बसलो, मीटर पडलं आणि आम्ही निघालो’.
वेस्टर्न एक्सप्रेस हायवेवरून त्याने गाडी कांदिवली दिशेला वळवली मी त्याला म्हणालो ‘थांब, आपल्याला ठाण्याला जायचंय गाडी घोडबंदरने घे’ त्यावर त्याने ‘इधर से भी जाता है गाडी ठाणे को’ असं म्हणत त्याच्या मनाविरुद्ध रिक्षा fountain हॉटेलच्या दिशेने वळवली. पण तो गाडी घोडबंदरच्या दिशेने नेण्याऐवजी वसईच्या दिशेने नेऊ लागला… मी पुन्हा त्याला म्हणालो ‘घोडबंदर मागे आहे, fountain च्या रस्त्याने जायचंय आपल्याला’ त्यावर तो चिडला आणि म्हणाला ‘मेरे को मत सिखा किधर क्या है, चुपचाप बैठ’ मी गाडी थांबव म्हणत असताना देखील तो वसईच्या दिशेने गाडी नेऊ लागला’.
https://www.facebook.com/pratapprithvik/posts/4922734724431455
‘मी तडक ‘१००’ नंबरवर फोन केला माझ्यासोबत घडणारा प्रकार पोलिसांना सांगितला, रिक्षाचा नंबर पोलिसांना सांगतोय हे कळताच त्या रिक्षावाल्याने रिक्षा पुन्हा fountain च्या दिशेने वळवली आणि म्हणाला ‘पोलीस को क्यू फोन कर रहे, गल्तीसे ये रस्ते पे गाडी डाला मैने’… आणि fountain हॉटेलजवळ त्याने गाडी थांबवली. मी तडक गाडीतून उतरलो त्याचा फोटो काढला आणि त्याला म्हणालो कि ‘तेरा आयकार्ड, परमिट जो कूछ होगा दिखा’ त्यावर हुज्जत घालत तो म्हणाला ‘तू RTO वाला है क्या? तेरेको क्यू दिखाऊ, पोलीस को क्यू फोन लगाया? मेरी भी पुलिस में पहचान है, २० साल से है इस धंदे में, बोहोत देखे है पुलिस वाले’.
‘मी त्याला शांतपणे म्हणालो ‘थांब आता जे पोलीस येतील त्यांच्याशी पण ओळख करून घे म्हणजे नंतर काठीची साईज किती हवी ते तू त्यांना सांगू शकशील….’ साधारण १० मिनिटे हुज्जत घातल्यानंतर त्याने तिथे येणारे काही पोलीस पाहिले आणि त्याने तिथून धूम ठोकली… मी पोलिसांना फोन केल्यानंतर अगदीच १५ ते २० मिनिटांत माझ्या मदतीला ४ पोलिसवाले तिथे हजर होते… या सगळ्याचं श्रेय ‘सिनिअर PI Vasant Labde आणि बाळू आव्हाड यांना जातं, त्यांनी तातडीने मदत पाठवली म्हणून मी सुखरूप घरी पोहोचलो’.
ही पोस्ट लिहिण्याचं कारण इतकचं की, माझे कित्येक मित्र मैत्रीण मीरारोडमध्येच शूटिंग करतात. बऱ्याचदा त्यांचं शूटिंग संपायला मध्यरात्र उलटते. त्यामुळे त्यांनीसुद्धा काळजी घ्यावी आणि महाराष्ट्र पोलिसांमुळे तितकाच निर्धास्त ही राहावं. पोस्टसोबत रिक्षा वाल्याचा नाव, गाडीचा नंबर आणि त्याचा फोटो जोडतोय. जेणेकरून कुठल्या रिक्षात आपल्याला बसायचं नाहीये हे सुद्धा कळेल.
महत्त्वाच्या बातम्या :
PHOTO: शुटींगनंतर कतरिना घेत आहे विक्की कौशलची काळजी, बेडरुममधील फोटो झाला व्हायरल
सारा-विक्कीच्या चित्रपटाच्या शुटींगमुळे कॉलेजच्या विद्यार्थ्यांचा उडाला गोंधळ, घडले असे काही की..
Bigg boss: तेजस्वीच्या ‘या’ भूमिकेने जिंकली चाहत्यांची मने, म्हणाले, ‘हाच दृष्टीकोण कायम ठेव’
