कन्नड अभिनेता किच्चा सुदीप (Kichha Sudip) आणि बॉलीवूड स्टार अजय देवगण (Ajay Devgn) यांच्यातील सोशल मीडियावर सुरू असलेल्या वादाचे रूपांतर आता दक्षिण विरुद्ध बॉलिवूड वादात होत आहे. एकीकडे चित्रपटसृष्टीशी निगडित प्रत्येक व्यक्ती भाषेच्या वादावर आपले मत उघडपणे मांडत आहे. दुसरीकडे, बॉलीवूड आणि दाक्षिणात्य सिनेसृष्टीतील अभिनेत्यांमध्ये खरोखर कोण श्रेष्ठ आहे हे जाणून घेण्याची उत्सुकता प्रेक्षकांना आहे. (Bollywood stars, Kichha Sudip, Ajay Devgn, Pan India, Top-10)
जेव्हा इंडस्ट्रीतील लोकांना हा प्रश्न विचारला गेला तेव्हा त्यांनी हे बोलणे टाळले आणि म्हटले की हा वादाचा मुद्दा नाही, आम्ही सर्व भारतातील स्टार आहोत. मात्र, आता प्रेक्षकांना त्यांच्या प्रश्नाचं उत्तर मिळणार असल्याचं दिसत आहे. वास्तविक, Ormax Media ने एप्रिल २०२२ च्या टॉप १० स्टार्सची यादी प्रसिद्ध केली आहे.
या अहवालात पॅन इंडियाच्या टॉप १० स्टार्सची नावे समोर आली आहेत. तुम्हाला हे जाणून आश्चर्य वाटेल की ऑरमॅक्स स्टार्स इंडिया लव्हच्या यादीत हिंदी चित्रपटसृष्टीत काम करणाऱ्या फक्त एका अभिनेत्याचा समावेश आहे. त्याच वेळी तेलुगू इंडस्ट्रीतील पाच आणि तामिळ सिनेमातील तीन कलाकार या यादीत आपले स्थान निर्माण करण्यात यशस्वी झाले.
गेल्या दोन वर्षांपासून, Ormax टीम नियमितपणे थिएटरमध्ये जाणाऱ्या प्रेक्षकांना त्यांच्या टॉप-२ आवडत्या कलाकारांची नावे विचारत आहे. अनेक भाषांमध्ये चित्रपट पाहणाऱ्या प्रेक्षकांना प्रत्येक भाषेत त्यांच्या आवडत्या स्टार्सची नावे स्वतंत्रपणे सांगण्यास सांगण्यात आले. अशाप्रकारे दर महिन्याला १०,००० हून अधिक लोकांचा डेटा गोळा करून टॉप-१० कलाकार तयार करण्यात आले आहेत.
आता ज्येष्ठ अभिनेते कमल हसन यांनी यावर काही बोलले आहे जे ऐकण्यासारखे आहे. गुरुवारी, अभिनेत्याने सांगितले की “पॅन-इंडिया” चित्रपट म्हणजे “नवीन सोने” आहे. अभिनेत्याने असा युक्तिवाद केला की भारतीय चित्रपट भाषेची पर्वा न करता बनवले जातात. चित्रपटसृष्टीने नेहमीच असे चित्रपट दिले आहेत ज्यांनी देशभरात चर्चा रंगवली आहे.
महत्वाच्या बातम्या-
नवा चित्रपट फ्लॉप होताच महेश बाबूचा बदलला सूर; म्हणाला, बॉलीवूड चित्रपट करायला हरकत नाही
PHOTO: घटस्फोटानंतर सावत्र आईला भेटायला पोहोचली बॉलीवूड सेलिब्रिटीची 21 वर्षांची मुलगी, पुढं घडलं असं की..
बॉलीवूडने कधीच असं भव्य लग्न पाहिलं नसेल, या महिन्यात होणार आथिया-केएल राहुलचं लग्न
बॉलीवूडमधील या अभिनेत्यामुळे अभिषेक-ऐश्वर्या आले जवळ; नाव वाचून तुम्हालाही बसणार नाही विश्वास
