पुढील महिन्यात राष्ट्रपतीपदाची निवडणूक होणार आहे. पक्षांमध्ये गदारोळ सुरू आहे. दरम्यान, ‘लालू प्रसाद यादव‘ही नशीब आजमावणार असल्याच्या बातम्या येत आहेत. उमेदवारी अर्ज भरण्याची तारीखही त्यांनी दिली आहे. इतकंच नाही तर दिल्लीला जाण्यासाठी तिकीटही बुक केलं आहे. महत्वाच म्हणजे, जर तुम्ही आत्तापर्यंत आरजेडी सुप्रीमो लालू प्रसाद यादव (Lalu Prasad Yadav) यांच्याबद्दल विचार करत असाल तर ते नाही, हे लालू प्रसाद यादव मूळचे बिहारच्या सारण जिल्ह्यातील आहेत.
छपराचे रहिवासी लालू प्रसाद यादव यांच्या दाव्यानंतर परिसरात गोंधळ उडाला आहे. दिल्लीला जाण्यासाठी त्यांनी आधीच विमानाचे तिकीट काढले आहे. या महिन्याच्या १५ तारखेला ते उमेदवारी अर्ज दाखल करणार आहेत. त्यांनी एका वृत्तवाहिनीला याबद्दल माहिती दिली आहे. गेल्या वेळी पेपर्समधील त्रुटींमुळे ते नाकारण्यात आल्याचे सांगितले. त्यांच्याकडे प्रस्तावकांची संख्या पुरेशी नव्हती. मात्र, यावेळी त्यांनी चांगली तयारी केली आहे.
लालूंनी अनेक निवडणुका लढवल्या आहेत. लालू प्रसाद यादव म्हणाले, मी २००१ मध्ये नगर पंचायत मर्हौरा येथून प्रभाग नगरसेवकपदाची निवडणूक लढवली आहे. २००६ आणि २०११ मध्येही निवडणूक लढवली आहे. २०१४ मध्ये सारण लोकसभा मतदारसंघातून निवडणूक लढवली आहे. तसेच २०१५ मध्ये विधानसभा निवडणूक लढवली आहे.
२०१७ मध्ये राष्ट्रपतीपदाच्या निवडणूकीसाठी नाव नोंदवल होत. २०१९ मध्ये पुन्हा सारण लोकसभेतून लढलो. २०२० मध्ये मी विधानसभा आणि शिक्षक मतदारसंघातून निवडणूक लढवली आहे. यावेळी जिंकण्याची पूर्ण आशा आहे. निवडणूक जिंकल्यास देशासाठी शांतता राखण्यासाठी काम करेन, असे लालूप्रसाद म्हणाले. लालू यादव हे सारणच्या मर्हौरा विधानसभा मतदारसंघातील रहीमपूर गावचे रहिवासी आहेत. त्यांचे वय सुमारे ४२ वर्षे आहे.
अद्याप त्यांना निवडणुकीत विजय मिळालेला नाही. निवडणूक जिंकेपर्यंत सलग निवडणुकीत नाव नोंदवण्याचा त्यांचा मानस आहे. तसेच, त्यांना विश्वास आहे की त्यांना कधी ना कधी विजय नक्कीच मिळेल. प्रसारमाध्यमांमध्ये त्यांचे नाव आल्यामुळे आजूबाजूच्या परिसरातील लोक त्यांना ओळखू लागले आहेत. यासाठी ते स्थानिक ग्रामस्थांची किरकोळ कामे करून त्यांना मदतही करतात. मात्र, सर्व राजकीय व्यक्तींप्रमाणे त्यांना निवडणूक जिंकून समाजसेवा करायची आहे. लालू प्रसाद यादव १५ जून रोजी राष्ट्रपतीपदासाठी अर्ज दाखल करणार आहेत.
महत्वाच्या बातम्या-
बिग ब्रेकींग! निवडणूक आयोग संजय राऊत यांची खासदारकी रद्द करणार? दिल्लीत मोठ्या घडामोडी
राज्यसभेची निवडणूक जिंकल्यामुळे मुख्यमंत्री बनता येत नाही शिवसेनेचा फडणवीसांना टोला
राज्यसभा निवडणूकीत MIM चं ठरलं; भाजपही नाही अन् शिवसेनाही नाही, ‘या’ पक्षाला देणार पाठींबा
मविआ’ला धक्का! देशमुख, मलिकांना राज्यसभा निवडणूकीत मतदान करता येणार नाही; कोर्टाचा आदेश
