World Cup, KL Rahul, Indian Team, Rohit Sharma/ टी-20 विश्वचषकापूर्वी भारतीय संघाचा सलामीवीर केएल राहुलवर (KL Rahul) मोठी जबाबदारी सोपवण्यात आली आहे. वेस्टर्न ऑस्ट्रेलियाविरुद्धच्या सराव सामन्यात सलामीवीर केएल राहुलकडे टीम इंडियाचे कर्णधारपद सोपवण्यात आले आहे. भारतीय संघाला (Team India) T20 विश्वचषक सुरू होण्यापूर्वी वेस्टर्न ऑस्ट्रेलियाविरुद्ध सराव सामने खेळायचे आहे.
भारताने पहिल्या सराव सामन्यात 13 धावांनी विजय नोंदवला. त्याच वेळी, दुसरा सामना गुरुवारी 13 ऑक्टोबर रोजी खेळला जात आहे, जिथे रोहित शर्माच्या जागी केएल राहुलला कर्णधार बनवण्यात आले आहे. रोहित शर्माच्या नेतृत्वाखाली भारतीय संघाने वेस्टर्न ऑस्ट्रेलियाविरुद्धच्या पहिल्या सराव सामन्यात शानदार विजयाची नोंद केली.
त्याचवेळी, T20 विश्वचषकापूर्वी, टीम इंडियाच्या नेतृत्वात मोठा बदल झाला होता, जेव्हा दुसऱ्या सराव सामन्यासाठी केएल राहुलची टीम इंडियाचा कर्णधार म्हणून नियुक्ती करण्यात आली होती. केएल राहुल विश्वचषकात भारतीय संघाचा उपकर्णधार असल्याची माहिती आहे. अशा परिस्थितीत रोहित शर्मा आणि टीम मॅनेजमेंट सराव सामन्याच्या माध्यमातून राहुलला ऑस्ट्रेलियाच्या भूमीवर कर्णधार बनवून एक अंदाज घेत आहे.
वेस्टर्न ऑस्ट्रेलियाविरुद्ध भारताची प्लेइंग इलेव्हन:
रोहित शर्मा, केएल राहुल (कर्णधार), हुडा, पंत, हार्दिक पांड्या, कार्तिक (विकेटकीपर), अक्षर, हर्षल, अश्विन, भुवी आणि अर्शदीप.
T20 विश्वचषक सुरू होण्यापूर्वी भारतीय संघ वेस्टर्न ऑस्ट्रेलियाविरुद्ध सराव सामना खेळला. हा सराव सामना टी-20 फॉरमॅटमध्ये खेळला गेला. प्रथम फलंदाजी करताना भारतीय संघाने सूर्यकुमार यादवच्या अर्धशतकी खेळीमुळे 20 षटकांत 6 गडी गमावून 158 धावा केल्या.
प्रत्युत्तरात वेस्टर्न ऑस्ट्रेलियाच्या संघाविषयी जाणून घेऊ, वेस्टर्न ऑस्ट्रेलियाला केवळ 145 धावा करता आल्या आणि भारताने 13 धावांच्या फरकाने सामना जिंकला. रोहित शर्मा आणि कंपनी वर्ल्ड कपपूर्वी सर्वोत्तम प्लेइंग11 च्या शोधात आहे.
महत्वाच्या बातम्या-
काहीही झालं तरी भारतासाठी विश्वचषक जिंकायचा आहे, IPL जिंकताच पांड्याचा आत्मविश्वास बळावला
धोनीची भविष्यवाणी ठरली खरी, ‘या’ खेळाडूला मिळाली विश्वचषकात भारताकडून खेळण्याची संधी
Accused of rape on player: संघाला विश्वचषक जिंकवून दिलेल्या खेळाडूवर बलात्काराचा गुन्हा दाखल; १० हजार महीलांवर बलात्कार केल्याचा आरोप