छोट्या पडद्यावरील प्रसिद्ध रिअॅलिटी शो ‘बिग बॉस १५’ ची विजेती तेजस्वी प्रकाश ठरली. ‘बिग बॉस’ शो जिंकल्यानंतर तेजस्वी सातत्याने चर्चेत आहे. दररोज माध्यमात तिच्यासंबंधित अनेक बातम्या समोर येत आहेत. यामध्ये करण कुंद्रासोबतच्या तिच्या लग्नाच्याही जोरदार चर्चा सुरु आहेत. यादरम्यान तेजस्वी आणि करण (Karan Kundra And Tejasswi Prakash) यांचा एक व्हिडिओ सोशल मीडियावर व्हायरल होत आहे. या व्हिडिओत दोघेही त्यांच्या लग्नाबाबत बोलताना दिसून येत आहेत.
सेलिब्रिटी फोटोग्राफर विरल भयानी यांनी त्यांच्या इन्स्टाग्राम हँडलवर हा व्हिडिओ शेअर केला आहे. यामध्ये दिसत आहे की, करण आणि तेजस्वी दोघे एक सार्वजनिक ठिकाणी एकत्र दिसले. दोघेही यावेळी फोटोग्राफर्सना पोझ देताना दिसून येत आहेत. व्हिडिओत दिसत आहे की, तेजस्वीने व्हाईट शॉर्ट ड्रेस घातला असून यामध्ये ती फारच सुंदर दिसत आहे. तर करण कुंद्राने पिंक फुल स्लीव्ह्ज टी-शर्ट आणि ग्रे टाऊझर घातला आहे.
यावेळी एका माध्यम कर्मचाऱ्याने तेजस्वी आणि करणला म्हटले की, ‘दोघांची जोडी खूप चांगली दिसत आहे’. यावर करण धन्यवाद म्हणत त्यांचे आभार मानतो. त्यानंतर दुसरा एक माध्यम कर्मचारी करण-तेजस्वीला लवकरच लग्न करण्याबाबत विचारतो. यावर करण हसू लागतो. त्यांचा हा व्हिडिओ सध्या सोशल मीडियावर व्हायरल होत असून त्यावर अनेक लोक कमेंट करत आहेत.
दरम्यान, ‘बिग बॉस १५’ च्या ग्रँड फिनालेवेळी तेजस्वी आणि करणच्या कुटुंबीयांनी सोहळ्यात उपस्थिती दर्शविली होती. यावेळी दोघांच्याही कुटुंबीयांनी तेजस्वी-करणच्या लग्नाला मंजूरी दिली होती. त्यानंतर करण कुंद्राचे वडिल एसपी कुंद्रा यांनीही माध्यमांशी बोलताना करण-तेजस्वीच्या लग्नावर आपली प्रतिक्रिया दिली होती.
‘बिग बॉस १५’ शोचा महाअंतिम सोहळा पार पडल्यानंतर करण कुंद्राचे वडिल एसपी कुंद्रा माध्यमांशी बोलत होते. यावेळी त्यांनी करणसंदर्भात अनेक गोष्टी सांगितल्या. तसेच यावेळी त्यांना तेजस्वी आणि करणच्या लग्नाबाबत विचारण्यात आले असता लवकरत त्या दोघांचा लग्न करणार असल्याचे त्यांनी म्हटले. त्यांचा हा व्हिडिओसुद्धा सोशल मीडियावर व्हायरल झाला होता.
‘बिग बॉस १५’ च्या घरात करण कुंद्रा आणि तेजस्वी प्रकाशची लव्हस्टोरी सुरु झाली होती. सुरुवातीस त्या दोघांची चांगली मैत्री झाली त्यानंतर दोघांचे एकमेकांवर प्रेम सुरु झाले. मात्र, अनेकवेळा त्यांच्यात तक्रारी होतानाही दिसून आले. त्यामुळे सोशल मीडियावर त्यांच्या नात्याबाबत अनेक प्रश्नचिन्ह उपस्थित केले होते. मात्र, त्यानंतर ते शेवटपर्यंत एकमेकांसोबत राहिले. सोशल मीडियावर तर आता या जोडीला तेजरन नावाने ओळखले जाते. या नावाचा हॅशटॅगही सध्या ट्रेंड होत आहे.
महत्त्वाच्या बातम्या :
करीना कपूरने ट्विंकल खन्नासमोर केला मोठा खुलासा, म्हणाली, अक्षय कुमारने मला सैफ अली खानसोबत..
तेजस्वी प्रकाश-करण कुंद्राच्या नात्यावर कुटुंबीयांनी दिली पहिली प्रतिक्रिया; म्हणाले, लवकरच..
असे चित्रपट कधीच करणार नाही जे माझी मुलगी आणि पत्नी…, अल्लू अर्जुनच्या या वक्तव्याचं होतंय कौतुक
