कादर खान (Kadar Khan) एक भारतीय चित्रपट अभिनेता, पटकथा लेखक, विनोदी अभिनेता आणि चित्रपट दिग्दर्शक होते. 1973 च्या ‘दाग’ चित्रपटातून पदार्पण केल्यानंतर त्यांनी 300 हून अधिक बॉलिवूड चित्रपटांमध्ये काम केले. 1970 ते 1999 या काळात ते बॉलीवूड चित्रपटांसाठी एक उत्कृष्ट पटकथा लेखक होते आणि 200 चित्रपटांसाठी त्यांनी संवाद लिहिले होते. खान यांनी बॉम्बे विद्यापीठाशी संलग्न असलेल्या इस्माईल युसूफ महाविद्यालयातून पदवी प्राप्त केली होती.(Kadar Khan leaves behind millions for his children)
1970 च्या दशकाच्या सुरुवातीला चित्रपटसृष्टीत प्रवेश करण्यापूर्वी त्यांनी एम.एच. साबू सिद्दिक अभियांत्रिकी महाविद्यालय, मुंबई येथे सिव्हिल इंजिनिअरिंगचे प्राध्यापक म्हणून शिकवले होते. नाटकांमध्ये काम करत असताना अभिनेते दिलीप कुमार यांची नजर त्यांच्यावर पडली आणि त्यानंतर त्यांना पहिला चित्रपटही मिळाला. राजेश खन्ना स्टारर ‘दाग’ या चित्रपटातून बॉलिवूडमध्ये पदार्पण करणाऱ्या कादर खानने 300 हून अधिक चित्रपटांमध्ये काम केले असून अनेक जाहिरातींमध्येही ते दिसले आहे.
कादर खान यांनी आपल्या मेहनतीने संपत्ती कमावली. ताज्या मीडिया रिपोर्ट्सनुसार, अभिनेत्याची संपत्ती कोटींमध्ये आहे. एका रिपोर्टनुसार, कादर खानने चित्रपट, जाहिराती आणि संवाद लेखनाच्या माध्यमातून केलेल्या मेहनतीच्या जोरावर सुमारे 69.8 कोटींची संपत्ती कमावली आहे. कादर खान यांनी त्यांच्या काळात बॉलिवूडमधील प्रत्येक दिग्गज अभिनेत्यासोबत काम केले. त्यांनी गंभीर भूमिकाही साकारल्या आहेत आणि आपल्या कॉमेडीद्वारे लोकांना हसवलेही आहे.
कादर खानचे डायलॉग आजही लोकांच्या जिभेवर आहेत. ते असा अभिनेता होते ज्याला स्वतः दिग्दर्शकाने चित्रपट हिट करण्याचे श्रेय दिले होते. 1973 मध्ये आलेल्या दाग या चित्रपटातून बॉलिवूड करिअरची सुरुवात करणाऱ्या कादर खानने अनेक हिट चित्रपट दिले. आपल्या संवादांमधून त्यांनी अमिताभ बच्चन यांना बॉलिवूडचा ‘अँग्री यंग मॅन’ बनवले. तब्येतीच्या कारणास्तव कादर खान टोरंटोला जाईपर्यंत मुंबईतच राहिले.
कादर खान यांना तीन मुलगे सरफराज खान, शाहनवाज खान आणि तिसरा मुलगा कुद्दुस जो कॅनडामध्ये राहत होता. मात्र 2021 मध्ये त्यांचा मृत्यू झाला. त्यांचा मुलगा सरफराज खाननेही अनेक चित्रपटांमध्ये काम केले आहे. मीडिया रिपोर्ट्सनुसार, कुद्दुस खानने कॅनडाचे नागरिकत्व घेतले होते आणि तो 2014 मध्ये हज करण्यासाठी मक्का येथे गेला होता.
कादर खान यांना सुप्रान्यूक्लियर पाल्सीसारख्या गंभीर आजाराने ग्रासले होते. 28 डिसेंबर 2018 रोजी त्यांना श्वास घेण्यासाठी त्रास होत असल्याच्या तक्रारींसह कॅनडामधील रुग्णालयात दाखल करण्यात आले होते, जेथे ते उपचारासाठी त्यांचा मुलगा आणि सुनेसोबत राहत होते. 31 डिसेंबर 2018 रोजी खानचा मुलगा सरफराज खान याने वडिलांच्या मृत्यूची पुष्टी केली. मिसिसॉगा येथील ISNA मशिदीत त्यांचा अंत्यसंस्कार करण्यात आला आणि ब्रॅम्प्टनमधील मीडोव्हेल स्मशानभूमीत त्यांचे दफन करण्यात आले.
हत्वाच्या बातम्या-
कादर खान यांच्या मुलाने सांगितले फिल्म इंडस्ट्रीचे विदारक सत्य; म्हणाला, वडिलांच्या निधनानंतर कोणीच..
कादर खान यांनी दिलेल्या या अटी पुर्ण करताना ढसाढसा रडले होते दिलीप कुमार, वाचा भन्नाट किस्सा
नराधम कुटुंबीयांनीच लुटली अल्पवयीन मुलीची अब्रु; वडील, मामाने वेगवेगळ्या ठिकाणी नेऊन..
दिलीप कुमार यांच्या निधनानंतर सायरा बानो यांची झालीये अशी अवस्था, सगळ्यांशी संपर्क तोडला
