कोल्हापुर(Kolhapur): बाप्पाचे आगमन होऊन ८ दिवस झाले, बाप्पाला विघ्नहर्ता म्हणून सुद्धा संबोधतात. त्याचप्रमाणे कोल्हापुरात बस चालकाच्या रूपात बाप्पाने येऊन त्या लहान मुलांवरचे संकट दूर केले. राधानगरी तालुक्यातील पिंपळवाडीकडे एक बस शालेय विद्यार्थ्यांना घेऊन जात होती. त्या बसमधील चालकाला अचानक हृदयविकाराचा झटका आला.
यावेळी बसचालकाने मुलांच्या आयुष्याचे भान ठेवून बस बाजूला घेतली. मोठा अपघात होण्यापासून वाचला. त्यांनतर त्याने प्राण सोडले. काही वेळाआधी खोल दरीशेजारुन जाणारा रस्ता बस चालकाने पार केला होता. त्यानंतर चालकाला हा त्रास व्हायला लागला. चालकाचे नाव सतीश सातापा कांबळे (वय 35 वर्ष) असे आहे.
जगाचा निरोप घेण्याआधी चालकाने बस सुरक्षित ठिकाणी थांबवली होती. सर्वात धक्कादायक बाब म्हणजे चालकाने काही मिनिटापूर्वीच येथील खोल दरीजवळ असलेला अर्धा किलोमिटर रस्ता पार केला होता. त्या दरी जवळून जीव मुठीत घेऊन रस्ता पार करावा लागतो. सतीश यांचा दुर्दैवी मृत्यू झाला पण त्यांनी अनेक छोट्या बालकांना वाचवले.
चालक सतीश कांबळे हे कोल्हापुरातील राधानगरी तालुक्यातील पिंपळवाडी येथून भोगावती हायस्कूलला शालेय विद्यार्थ्यांना घेऊन जात होते. मंगळवारला दुपारी दीड किलोमीटरच्या मार्गावर ही बस पिंपळवाडी येथून विद्यार्थ्यांना घेऊन बरगेवाडीला पोहचत असतानाच चालक सतीश यांना हृदयविकाराचा तीव्र झटका आला.
परंतु, सतीश यांनी धीर न सोडता आधी गाडी रस्त्याच्या कडेला लावली व नंतर प्राण सोडले. चालक सतीश कांबळे यांना तात्काळ कोल्हापुरातील सरकारी रुग्णालयात उपचारासाठी नेण्यात आले. परंतु त्यांचा मृत्यू झाला होता. मृत्यूच्या दारात असताना भाबड्या जीवांना सतीश यांनी जीवनदान दिले. त्यांना जीवनदान देऊन स्वतः चा जीव मात्र चालकाला गमवावा लागला.
बस चालक मुलांसाठी जणू विघ्नहर्ताच असल्याची चर्चा सर्वत्र सुरु आहे. याआधीही अशीच घटना घडली होती, तेव्हा ती एस टी महामंडळाची बस होती. ते चालक नुकतेच बदली होऊन आलेले होते. त्यांनी सुद्धा स्वतः चा जीव धोक्यात घालून इतर प्रवाशांना जीवनदान दिले होते. चालकांनी स्वतःच्या जीवाची बाजी लावून इतरांना वाचवण्यात फार मनाचा मोठेपणा आणि निर्मळ मन लागते अशी चर्चा सर्वत्र सुरु आहे.
महत्वाच्या बातम्या
Varsha Usgaonkar : वर्षा उसगावकरांनी माफी मागीतली नाही तर त्यांना सडके मासे खाऊ घालू; कोळी महीला का संतापल्या? जाणून घ्या…
Navneet Rana : नवनीत राणांचा पोलिस स्टेशनमध्ये राडा, अधिकाऱ्यांवर बरसल्या, पोलिसांचेही जशास तसे प्रत्यूत्तर
…तर आम्ही राज ठाकरेंनाच बाहेर काढू; भाजपच्या केंद्रीय मंत्र्याने स्पष्टच सांगीतलं
पीएसआय भरती घोटाळ्यात भाजप आमदाराने घेतले पैसे; स्वत: कबुली देतं केला मोठा खुलासा, ऑडिओ क्लिप व्हायरल
