Hardik Pandya, Lance Klusener, South Africa, Ben Stokes/ दक्षिण आफ्रिकेचा माजी अष्टपैलू खेळाडू लान्स क्लुजनर सध्या लिजेंड्स लीग क्रिकेटमध्ये भाग घेण्यासाठी भारतात आहे. याशिवाय क्लुसनर झिम्बाब्वेचा फलंदाजी प्रशिक्षकही आहे. लिजेंड्स लीग क्रिकेटशी संबंधित असलेल्या क्लुजनरने भारतीय संघातील स्टार अष्टपैलू खेळाडू हार्दिक पांड्याच्या भूमिकेबद्दल तपशीलवार चर्चा केली आणि पांड्या बेन स्टोक्सपेक्षा वेगळा का आहे आणि त्यांच्यात तुलना का होऊ शकत नाही हे स्पष्ट केले.
एका वेबसाईटला दिलेल्या मुलाखतीत लान्स क्लुसनरने सांगितले की, हार्दिक पांड्याने गेल्या दोन-तीन वर्षांत आपल्या खेळात कमालीची सुधारणा केली आहे, परंतु इथे सर्वात मोठी अडचण अशी आहे की प्रत्येकजण त्याच्या गोलंदाजीबद्दल बोलत आहे की तो सामन्यात त्याच्या कोट्यातील सर्व षटके टाकू शकतो की नाही.
क्लुजनर म्हणाला, हार्दिक पांड्याच्या फलंदाजीवर कोणतेही प्रश्न उपस्थित केले जात नाहीत. हे खरेही आहे कारण तो जगातील सर्वोत्तम फलंदाजांप्रमाणे खेळत आहे. अडचण त्याच्या गोलंदाजीची आहे. तिन्ही फॉरमॅटमध्ये अष्टपैलू म्हणून तो त्याच्या कोट्यातील सर्व षटके करू शकतो का?
याशिवाय पांड्याची इंग्लंडचा धडाकेबाज अष्टपैलू बेन स्टोक्सशी तुलना करण्यावरही क्लुसनरने आपले मत मांडले. तो म्हणाला, ‘मला वाटते बेन स्टोक्स हा हार्दिक पांड्यापेक्षा चांगला अष्टपैलू खेळाडू आहे पण हा भारताचा अष्टपैलू खेळाडू वेगाने शिकत आहे. गेल्या दोन-तीन वर्षांत पांड्याने आंतरराष्ट्रीय क्रिकेटमध्ये आपले सर्वोत्तम दिले आहे, पण तो अद्याप पूर्णपणे तयार आहे असे मला वाटत नाही.
पांड्याबद्दल क्लुजनर म्हणाला, तो जितक्या लवकर खेळाच्या तिन्ही फॉरमॅटमध्ये त्याची सर्व षटके टाकू शकतो, आम्ही त्याला अष्टपैलू खेळाडूंच्या श्रेणीत निश्चितपणे स्थान देऊ शकतो. तो जगातील सर्वोत्कृष्ट अष्टपैलू खेळाडूंच्या यादीत स्थान मिळवण्याच्या मार्गावर आहे, परंतु तेथे पोहोचण्यासाठी त्याच्याकडे थोडा वेळ आहे. त्यामुळे मी सध्या बेन स्टोक्ससोबत पांड्याची बरोबरी करू शकत नाही.
याशिवाय या वर्षी होणाऱ्या T20 विश्वचषकात क्लुजनरने ऑस्ट्रेलियाला आपला आवडता संघ म्हणून घोषित केले. यासोबतच त्यांनी दक्षिण आफ्रिका, भारत, पाकिस्तान, न्यूझीलंड आणि इंग्लंड यांना घेतले आणि या संघांनी सातत्यपूर्ण कामगिरी केल्यास ते विजेतेपदाच्या शर्यतीत सामील होतील, पण ते कुणासाठीही सोपे नसेल, असे सांगितले.
महत्वाच्या बातम्या-
‘माझी ताकद काय, मला माहिती आहे’; पाकिस्तानला हरवल्यानंतर हार्दिक पांड्याने सांगितली रणनीती
Hardik Pandya: यावेळी हार्दिक पांड्याने वाचवलं, पुढच्या वेळी अशी चूक करू नकोस, चाहत्यांनी विराटला फटकारलं
Hardik Pandya : पाकिस्तानच्या ‘या’ चुकीचा हार्दिक पांड्याने घेतला फायदा, चौकार मारत दिले दणक्यावर दणके
