राज्यातील दोन जिल्ह्यांत सोन्याच्या खाणी सापडल्या आहेत. या खाणी चंद्रपूर आणि सिंधुदुर्ग जिल्ह्यात असल्याचे सांगण्यात येत आहे. त्यामुळेच राज्याच्या खनिज संपत्तीत मोठी वाढ झाली आहे. मिळालेल्या माहितीनुसार, चंद्रपूर जिल्ह्यातील मिंजरी येथील भुरगभाट आणि बामणी परिसरात सोन्याचे दोन ब्लॉक (खाणी) सापडल्या आहेत.
राज्याचे मुख्यमंत्री एकनाथ शिंदे यांनीही याबाबत शोधकार्य सुरू असल्याचे सांगितले. राज्यातील चंद्रपूर आणि सिंधुदुर्ग जिल्ह्यात सोन्याच्या खाणी असल्याच्या माहितीला त्यांनी दुजोरा दिला. मुंबईतील ताज हॉटेलमध्ये झालेल्या खाण संधींवरील गुंतवणूकदारांच्या परिषदेत मुख्यमंत्री एकनाथ शिंदे यांनी राज्यातील सोन्याच्या खाणी सापडल्याची माहिती दिली.
राज्यात दोन सोन्याचे ब्लॉक असल्याचे केंद्र सरकारने सांगितले आहे. हे सोने आमच्या काळात बाहेर पडल्यास राज्यासाठी ती मोठी उपलब्धी ठरेल. खाण क्षेत्रासाठी राज्यात प्रचंड क्षमता असून देशातील सर्वात मोठा पोलाद प्रकल्प गडचिरोलीसारख्या दुर्गम भागात होऊ शकतो, असा विश्वास मुख्यमंत्र्यांनी व्यक्त केला.
यासोबतच राज्यात खाण संशोधन संस्था सुरू करून या व्यवसायासमोरील अडचणी दूर व्हाव्यात आणि राज्याच्या महसुलासह रोजगारही वाढला पाहिजे, असेही मुख्यमंत्री म्हणाले. सोन्याच्या खाणी सापडल्याने आता महाराष्ट्र चांगलाच मालामाल होणार आहे.
यासंदर्भात केंद्र सरकारच्या खाण खात्याचा अहवालही असल्याचे सांगण्यात येत आहे. त्यामुळेच त्यात खरोखर सोने सापडले तर त्याचा नक्कीच फायदा होईल. यामुळे आता त्याची चौकशी करण्यात येत आहे. येथे सोन्याचे दोन खंड आहेत.
हे सोनं निघालं तर महाराष्ट्रासाठी मोठी उपलब्धी ठरेल, हे सोन्याचे दोन ब्लॉक विदर्भातील चंद्रपूर आणि कोकणातील सिंधुदुर्ग जिल्ह्यात असल्याचे बोलले जात आहे. राज्यात भूगर्भातील खनिज साठे आढळल्यास देशातील सर्वात मोठा पोलाद प्रकल्प हाती घेता येईल.
मुंबईत खाण क्षेत्रातील संधींबाबत गुंतवणूकदारांची परिषद आयोजित करण्यात आली होती. यामध्ये मुख्यमंत्री बोलत होते. यावेळी त्यांनी याबाबत वक्तव्य केले आहे. केंद्रीय खाण मंत्री प्रल्हाद जोशी, केंद्रीय रेल्वे राज्यमंत्री रावसाहेब दानवे, खाण राज्यमंत्री दादा भुसे यावेळी उपस्थित होते.
महत्वाच्या बातम्या-
Raj Thackeray : ‘शिवरायांचं नाव घेतलं की मुस्लीम मतं जातील या भितीने शरद पवार शिवरायांचं नाव घेणं टाळतात’ – राज ठाकरे
ruturaj gaikwad : एका षटकात ७ षटकार ठोकण्यामागचं गुपित अखेर ऋतुराजने उलगडलं; म्हणाला, त्या व्यक्तीमुळे…
Dinesh Bana : इंडीयाला मिळाला माहीसारखा धडाकेबाज फिनिशर; किपींगही आहे धोनीसारखीच लाजवाब, आकडे पाहून हैराण व्हाल
