युक्रेनमध्ये अडकलेल्या लोकांसाठी हा शीख बनला ‘देवदूत’, जेवणासाठी ट्रेनमध्ये चालवला लंगर

by

रशियाचे अध्यक्ष व्लादिमीर पुतिन यांनी गुरुवारी युक्रेनविरुद्ध विशेष लष्करी कारवाईची घोषणा केली, त्यानंतर रशियाने मध्य आणि पूर्व युक्रेनच्या अनेक भागात हल्ले सुरू केले. रशियाच्या या निर्णयाचा अमेरिकेसह अनेक देशांनी निषेध केला आहे.(for-those-stranded-in-ukraine-the-sikh-became-an-angel)

तीन दिवसांपासून सुरू असलेल्या बॉम्बस्फोटामुळे युक्रेनमधील नागरिक भीतीच्या वातावरणात जगत आहेत. अशा परिस्थितीत महिला आणि मुलांना देश सोडून जावे लागले आहे. मात्र, युक्रेनने मार्शल लॉ जारी केला आहे. यादरम्यान एक हृदयस्पर्शी व्हिडिओ सोशल मीडियावर व्हायरल होत आहे. ज्यामध्ये शीख समुदायाचे लोक नेहमीप्रमाणेच या युद्धातही मदतीसाठी रस्त्यावर उतरले आहेत.

युद्धाच्या वेळी लोकांनी बंकर, मेट्रो स्टेशन आणि ट्रेनमध्ये आसरा घेतला, त्यामुळे त्यांच्याकडे खाण्यापिण्याचे साधन नव्हते, त्यामुळे एका शीख तरुणाने ट्रेनमध्येच लंगर सुरू केले. वास्तविक एक ट्रेन युक्रेनच्या पूर्वेकडून पश्चिमेकडे (पोलंडच्या सीमेपर्यंत) विद्यार्थ्यांना घेऊन जात होती, जेणेकरून या विद्यार्थ्यांना युक्रेनमधून बाहेर काढता येईल.

ट्रेनमधील लोक कित्येक तास उपाशी होते. अशा परिस्थितीत त्यांना मदत करण्यासाठी हरदीप सिंग(Hardeep Singh) नावाच्या शीख तरुणाने लंगर सुरू केले. व्हिडिओ व्हायरल झाल्यानंतर या व्यक्तीचे खूप कौतुक होत आहे. या व्यक्तीने जगाला सांगितले की मानवतेच्या सेवेपेक्षा कोणताही धर्म आणि कृती नाही.