शहरातील एका शिक्षकाचा खळबळजनक व्हिडिओ व्हायरल झाला आहे. जगातील झाडे कापल्याने आणि प्राणी मारल्याने दुखावलेल्या या शिक्षकाने लाईव्ह व्हिडिओमध्ये आपले बोट कापले. झाडे आणि प्राणी कापताना किती वेदना होतात हे सांगण्यासाठी शिक्षकाने त्याचे बोट कापले आहे.
सबंधित व्हिडिओ राजस्थान मधील जोधपूर या ठिकाणच्या शिक्षकाचा आहे. लाईव्हवर त्यांनी स्वतःच्या हाताचे बोट कापले आहे. हा व्हिडिओ महिनाभर जुना असल्याचे सांगण्यात येत आहे. मात्र हा व्हिडिओ सध्या सोशल मीडियावर प्रचंड व्हायरल होत आहे.
जोधपूरचे रहिवासी तुलसीराम शर्मा कॉम्प्युटर इन्स्टिट्यूट चालवतात. तुळशीराम शर्मा यांना झाडे आणि वन्यजीव खूप आवडतात. त्यामुळे झाडे तोड व जनावरांची शिकार थांबवण्यासाठी त्यांनी आपले बोट कापण्याचा प्रयत्न केला. झाडांना व प्राण्यांना किती वेदना झाल्या असतील याची जाणीव त्यांनी लोकांना करून दिली.
6 जानेवारी रोजी तुळशीराम यांनी आपल्या कार्यालयात व्हिडिओ कॅमेऱ्यासमोर आपल्या हाताचे बोट कापले आणि झाडे, जनावरे कापताना अशा वेदना होतात, याची जाणीव सर्वसामान्यांना करून दिली. 6 जानेवारीला बनवलेला हा व्हिडिओ सध्या सोशल मीडियावर व्हायरल झाला आहे. काही लोक व्हिडिओबाबत शिक्षकांबद्दल ‘विचित्र’ कमेंटही करत आहेत.
तुळशीराम यांनी स्वतःच्या वसाहतीतून वृक्ष लागवडीची प्रक्रिया सुरू केली. तुळशीराम यांनी स्वतःच्या वसाहतीत आणि परिसरात 700 झाडे लावली आहेत. एवढेच नाही तर 700 पैकी 300 झाडेही वाढली आहेत. तुळशीराम शेजाऱ्यांना झाडांच्या नुकसानीबद्दल इशाराही देतात. झाडे तोडल्यास कोणत्याही प्रकारचा लढा देण्यास तयार असल्याचे तुळशीराम यांनी सांगितले.
https://twitter.com/JournoVijender/status/1491051267849744386?t=Hnn3hjsUz-zvYTbtITwMhA&s=19
तुळशीराम शर्मा म्हणाले की, त्यांनी बोट कापल्यानंतर लोक सुधारतील आणि झाडांसह प्राणी कापण्यास आळा बसेल. माझा बोटे कापण्याचा व्हिडिओ पाहिल्यानंतर लोकांना झाडे आणि प्राणी मारण्याच्या वेदना समजतील. यापुढे लोक झाडे तोडणार नाहीत आणि प्राणी मारणार नाहीत, अशी मला आशा आहे, असे ते म्हणाले.