महाराष्ट्राच्या राजकारणात उलथापालथ होत असताना दिसत आहे. शिवसेनेचे ज्येष्ठ नेते आणि महाराष्ट्राचे कॅबिनेट मंत्री एकनाथ शिंदे (Eknath Shinde) हे त्यांच्या समर्थक आमदारांसह महाराष्ट्राबाहेर गेले आहेत. ज्यामुळे ठाकरे सरकारवर अनेक संकट ओढवताना दिसत आहे. मात्र, राष्ट्रवादीचे अध्यक्ष शरद पवार (Sharad Pawar) पुन्हा सरकार वाचवण्याचा प्रयत्न करत आहेत.
पक्षांतर विरोधी कायदा (ऍन्टी डिफेक्शन लॉ) असे सांगतो की, जर पक्षाच्या दोन तृतीयांश संख्येने “विलीनीकरण” करण्यास सहमती दिली, तर त्यांना अपात्रतेच्या कारवाईला सामोरे जावे लागणार नाही. सध्या शिवसेनेचे ५५ आमदार आहेत. बंडखोरांना भाजपमध्ये विलीन व्हायचे असेल तर ३७ आमदारांना शिवसेना सोडावी लागणार आहे.
मिळालेल्या माहितीनुसार, एकनाथ शिंदे यांनी १२ आमदारांना सोबत घेतले आहे, मात्र पक्षांतरविरोधी कायदा टाळण्यासाठी शिंदे यांना ३७ आमदारांच्या पाठिंब्याची गरज आहे, जो सध्या कठीण दिसत आहे. तसेच, सूत्रांकडून मिळालेल्या माहितीनुसार शिंदे यांना पाठिंबा देणाऱ्या आमदारांची संख्या २० च्या आसपास असू शकते. विधानसभेत फ्लोअर टेस्टची मागणी करून सत्ताधारी महाविकास आघाडीच्या अस्वस्थतेचा फायदा उठवण्याचा भाजप सर्वतोपरी प्रयत्न करू शकतो.
भाजपच्या एका वरिष्ठ कार्यकर्त्याने नाव न सांगण्याच्या अटीवर सांगितले की, “आम्ही उघडपणे सांगत आहोत की MVA मध्ये प्रचंड अशांतता आहे. विधानपरिषद निवडणुकीनंतर शिवसेना आणि काँग्रेसने त्यांच्या स्वत:च्या सदस्यांचा, छोट्या मित्रपक्षांचा आणि अपक्ष उमेदवारांचा विश्वास कसा गमावला आहे, हे आकडे दाखवतात.” भाजपने आतापर्यंत आपली रणनीती गुप्त ठेवली असली, तरी पक्षातील एका व्यक्तीने सांगितले की, “आता बघा. MVA ला फ्लोअर टेस्टमध्ये बहुमत सिद्ध करणे कठीण होईल.
महाराष्ट्राच्या राजकारणात मोठी उलथापालथ झाल्याच्या बातम्या येत आहेत. सूत्रांनी दिलेल्या माहितीनुसार, ठाकरे सरकारमधील मंत्री आणि बंडखोरीचे नेतृत्व करणारे एकनाथ शिंदे यांना भाजपने उपमुख्यमंत्रीपदाची ऑफर दिली आहे. शिंदे शिवसेनेतून वेगळा गट स्थापन करू शकतात, असेही बोलले जात आहे.
महत्वाच्या बातम्या=
आज बाळासाहेब ठाकरे असते तर एकनाथ शिंदेंच्या कानाखाली जाळ काढला असता
बंडखोरीनंतर एकनाथ शिंदे यांनी दिली पहिली प्रतिक्रिया; म्हणाले, सत्तेसाठी आम्ही कधीही
आईचे दूध विकणारा नराधाम मला शिवसेनेत नकोय; एकनाथ शिंदेंच्या नाराजीनंतर मुख्यमंत्र्यांच्या वक्तव्याची चर्चा
एकनाथ शिंदेंनी उद्धव ठाकरेंना दिला प्रस्ताव, केल्या ‘या’ तीन महत्वाच्या मागण्या