गेल्या काही दिवसांपासून बेपत्ता असलेला डुग्गु आज पुणे पोलिसांना सापडला आहे. डुग्गु बेपत्ता झाल्यानंतर त्याच्या वडिलांनी सोशल मीडियावर याबद्दल एक भावनिक पोस्ट केली होती. ११ जानेवारीला पुण्यातील बालेवाडी परिसरातून डुग्गु उर्फ स्वर्णव चव्हाण बेपत्ता झाला होता. अखेर आज स्वर्णव पुणे पोलिसांना सापडल्यामुळे त्याच्या आई वडिलांचा आनंद गगनात मावत नव्हता.
अखेर देवानेही डुग्गुच्या आई वडिलांची आर्त हाक ऐकली आणि तो पोलिसांना मिळाला. डुग्गुला शोधण्यासाठी पुणे पोलिसांची एक मोठी फौज तैनात करण्यात आली होती. त्याच्या शोधावेळी अत्यंत गुप्तता पाळून हा तपास सुरू होता. जवळपास ३०० ते साडेतीनशेच्या वर पोलीस कर्मचारी व अधिकारी या मुलांचा शोध घेत होते. अखेर आज वाकड जवळील पुनावळे येथे पोलिसांना त्याला शोधण्यात यश आले.
मंगळवारी (ता.११) सकाळी सव्वा दहा वाजण्याच्या सुमारास बाणेर येथील हाय स्ट्रीट रस्त्यावरील इंदू पार्क सोसायटीजवळील उद्यानाजवळून स्वर्णव ऊर्फ डुग्गु सतीश चव्हाण (वय ४ वर्षे ) यास एक मुलगा “डे केअर’ला सोडविण्यासाठी पायी घेऊन जात होता. त्यावेळी आलेल्या एका व्यक्तीने मोठ्या मुलाच्या हाताला झटका देऊन स्वर्णवला गाडीवरुन उचलून नेत त्याचे अपहरण केले होते.
हा प्रकार बालेवाडी पोलिस चौकीपासून अगदी हाकेच्या अंतरावर घडला. याप्रकरणी मुलाच्या आई-वडीलांनी चतुःशृंगी पोलिस ठाण्यात फिर्याद दिली होती. दरम्यान, त्याचं कोणी अपहरण केलं? का केलं? याबाबत अद्याप माहिती मिळू शकलेली नाही. पुणे पोलीस आरोपींचा शोध घेत आहेत. पुनावळ्यातील लोटस पब्लिक स्कूलच्या जवळ एक इमारत आहे.
तिथे स्वर्णवला अज्ञात व्यक्तीने सोडले आणि त्याच्या बॅगेत एक चिठ्ठी ठेवली होती. त्याच्या वडिलांचा नंबर होता. तेथील सुरक्षा रक्षक दादाराव जाधव याने बॅगेत असलेल्या चिठ्ठीवरील नंबरवर व्हिडिओ कॉल करून मुलगा त्यांचा आहे का ही खात्री करून घेतली. त्यानंतर मुलाचे कुटुंबीय त्या ठिकाणी आले. अशी माहिती वरिष्ठ पोलीस निरीक्षक डॉ. विवेक मुगळीकर यांनी दिली आहे. तत्काळ त्या ठिकाणी पिंपरी-चिंचवड पोलीस दाखल झाले होते.
अखेर आठ दिवसांनंतर डुग्गु त्यांच्या आई वडिलांना मिळाला आहे. डुग्गुला पाहताच त्याच्या आईला खूप आनंद झाला. तिच्या डोळ्यातून आनंदाश्रू वाहू लागले. डुग्गूच्या आई वडिलांनी या प्रकरणी पुणे पोलिसांचे आभार मानले आहेत. डुग्गूच्या आई वडिलांचे भेटीचे फोटो व्हायरल होत आहे.
महत्वाच्या बातम्या :-
‘या’ तारखेनंतर कोरोनाची तिसरी लाट ओसरणार; तज्ञांनी दिली दिलासादायक माहिती
सुरक्षारक्षक आला देवासारखा धावून, वाचा कसा सापडला डुग्गु?
खानापूर नगरपंचायतीत भाजपचा भोपळा, पडळकरांच्या पराभवाची महाराष्ट्राभर चर्चा!
