Dove shampoo harmful for health | देश आणि जगातील प्रसिद्ध कंपनी युनिलिव्हरने अनेक मोठ्या शॅम्पूच्या ब्रँडमध्ये कॅन्सर निर्माण करणारी रसायने असल्याचे म्हटले आहे. त्यामुळे ते प्रोडक्ट तत्काळ परत मागवून घेण्याचे आदेश देण्यात आले आहे. मिळालेल्या माहितीनुसार, युनिलिव्हरने अमेरिकी बाजारातून Dove, Nexxus, Suave, TIGI आणि TRESemme, Aerosol dry shampoos परत मागवले आहेत.
एका अहवालानुसार, ड्राय शॅम्पूमध्ये बेंझिन आढळून आली आहे. या रसायनामुळे कर्करोग होत असल्याचे समोर आले आहे. यूएस फूड अँड ड्रग अॅडमिनिस्ट्रेशन (FDA) नुसार, ही उत्पादने ऑक्टोबर २०२१ पूर्वी तयार करण्यात आली होती आणि देशभरातील छोट्या विक्रेत्यांना ती विकण्यात आली होती.
Dove Dry Shampoo Volume and Fullness, Dove Dry Shampoo Fresh Coconut, Nexxus Dry Shampoo Refreshing Mist आणि Suave Professionals Dry Shampoo Refresh and Revive या शॅम्पूंमध्ये बेंझिन आढळून आले आहे. त्यामुळे एक वर्षांपूर्वीचे हे सर्व प्रोडक्ट कंपनीने परत मागवले आहे.
बेंझिन मानवी शरीरात अनेक प्रकारे प्रवेश करू शकते. तो वासाने, तोंडातून आणि त्वचेद्वारे शरीरात प्रवेश करू शकतो. त्यामुळे रक्ताचा कर्करोग होण्याची शक्यता आहे. FDA नुसार लोकांनी अशा उत्पादनांचा वापर करणे थांबवले पाहिजे. तसेच पैसे परत मिळवण्यासाठी UnileverRecall.com च्या वेबसाइटला भेट द्यावी, असेही युनिलिव्हरने सांगितले आहे.
युनिलिव्हरच्या या निर्णयामुळे पर्सनल केअर प्रोडक्ट्समध्ये एरोसोलच्या उपस्थितीवर पुन्हा एकदा प्रश्नचिन्ह निर्माण झाले आहे. गेल्या दीड वर्षात अनेक एरोसोल सनस्क्रीन बाजारातून परत मागवण्यात आले आहेत. यामध्ये जॉन्सन अँड जॉन्सनचे न्यूट्रोजेना, एजवेल पर्सनल केअर यांचा समावेश होता.
गेल्या वर्षी २०२१ मध्ये, प्रॉक्टर अँड गॅम्बलने ३० पेक्षा जास्त एरोसोल स्प्रे हेअरकेअर उत्पादने देखील परत मागवली होती. यामध्ये ड्राय शॅम्पू आणि ड्राय कंडिशनरचा समावेश होता. त्यावेळी या उत्पादनांमध्ये बेंझिन असू शकते, असा इशारा कंपनीने दिला होता. तसेच, कंपनीने अनेक ओल्ड स्पाईस आणि सीक्रेट ब्रँड्सचे डिओडोरंट्स आणि स्प्रे परत मागवले होते. त्यामध्ये बेंझिन असू शकते, अशी भीती कंपनीला होती.
महत्वाच्या बातम्या-
uddhav thackeray : दिवाळीच्या मुहूर्तावर राजकीय भूकंप होणार? शिंदे गटाने दिल्या ठाकरे गटाला शुभेच्छा, अन्..
shivsena : ठाकरेंच्या शिवसेनेला सर्वात मोठा धक्का; अडीच लाख प्रतिज्ञापत्र निकामी, वाचा नेमकं घडलं काय?
जगातल्या सगळ्यात गलिच्छ व्यक्तीचा आंघोळ केल्याने मृत्यू; वाचा नेमक काय घडलं?
