Mahendra Singh Dhoni, World Cup, Oreo Biscuit/ आपल्या कर्णधारपदाखाली भारताला दोनदा विश्वविजेता बनवणारा माजी कर्णधार महेंद्रसिंग धोनीने (MS Dhoni) रविवारी एक खास घोषणा केली. चाहत्यांना वाटले की धोनी सर्व फॉरमॅटमधून निवृत्तीची घोषणा करू शकतो पण असे काहीही झाले नाही. महेंद्रसिंग धोनीने आपल्या चाहत्यांसोबत लाइव्ह येऊन भारतीय क्रिकेटसाठी मोठी भविष्यवाणी केली आहे. धोनीने (MS Dhoni) स्पष्ट केले आहे की भारत यावर्षी टी-20 विश्वचषक जिंकणार आहे आणि धोनीने त्याच्यामागील कारणही सांगितले आहे.
41 वर्षीय धोनीने ओरियो बिस्किट लाँच केले आहे. या लॉन्च इव्हेंटमध्ये त्याने भारतीय संघाबाबतही मोठा अंदाज वर्तवला आहे. धोनीच्या मते भारतीय संघ 2022 चा विश्वचषक जिंकणार आहे. धोनी (MS Dhoni) च्या मते, ओरियो बिस्किट 2011 मध्ये भारतात आले आणि संघ जिंकला. त्याचप्रमाणे आता पुन्हा एकदा ते भारतात लाँच करण्यात आले असून आता वर्ल्ड कपही येणार आहे.
Dhoni says "India will win the T20 WC 2022"#Dhoni #T20WorldCup2022 pic.twitter.com/jQKZRHMf2p
— Attend (@needumjan) September 25, 2022
टीम इंडियाच्या या माजी कर्णधाराने शनिवारीच आपल्या सोशल मीडिया पेजवर 25 सप्टेंबर रोजी लाइव येणार असल्याचे सांगितले होते. यानंतर चाहत्यांनी सर्व प्रकारच्या क्रिकेटमधून 41 वर्षीय दिग्गज खेळाडूच्या निवृत्तीचा अंदाज लावला पण अशी कोणतीही घोषणा करण्यात आली नाही. या प्रकाराने माहीच्या चाहत्यांनी सुटकेचा नि:श्वास सोडला.
आंतरराष्ट्रीय क्रिकेटमधून निवृत्ती घेतल्यानंतरही धोनीने कोणतीही पत्रकार परिषद घेतली नसली तरी चाहत्यांना आजच्या पत्रकार परिषदेतून मोठी घोषणा होण्याची अपेक्षा होती. महेंद्रसिंग धोनी हे आयपीएलमधील एक मोठे नाव आहे. त्याच्या आयपीएल कारकिर्दीबद्दल सांगायचे तर, तो चेन्नई सुपर किंग्ज आणि फक्त पुणे सुपरजायंट्सकडून खेळला आहे.
आयपीएलमधील सर्वात यशस्वी कर्णधारांपैकी एक असलेल्या धोनीने चार वेळा विजेतेपद पटकावले आहे. महेंद्रसिंग धोनीने त्याच्या नेतृत्वाखाली टीम इंडियाला T20 आणि 50 षटकांचा विश्वचषक जिंकून दिला आहे. आजही आपल्याला धोनीचे करोडो चाहते पाहायला मिळतात.
त्याने 90 कसोटी, 350 एकदिवसीय आणि 98 टी-20 आंतरराष्ट्रीय सामने खेळले. यामध्ये धोनीने अनुक्रमे 4876, 10773 आणि 1617 धावा केल्या आहेत. यादरम्यान त्याने 108 अर्धशतके आणि 16 शतके झळकावली. तो जगातील तिसऱ्या क्रमांकाचा आउट करणारा यष्टिरक्षक आहे. धोनीने 350 सामन्यांमध्ये 444 वेळा खेळाडूंना बाद केले आहे.
महत्वाच्या बातम्या-
चित्रपटापेक्षा वेगळी धोनीची खरी लव्ह स्टोरी, ‘इथे’ झाली होती कॅप्टन कुल आणि साक्षीची पहिली भेट
साक्षीच्या आधी ‘या’ साऊथ अभिनेत्रीच्या प्रेमात पडला होता धोनी, अफेअरनंतर झाली होती बदनामी
रांचीमध्ये आलिशान फार्महाऊस, खासगी जेट; धोनीकडे आहेत ‘या’ ५ महागड्या वस्तू, वाचून अवाक व्हाल
