राजकारण(politics): सरकार स्थापन होऊन तब्बल ४० दिवसांनंतर रखडलेला मंत्रिमंडळ विस्तार झाला. ९ ऑगस्ट ला भाजपचे ९ आणि शिंदे गटाच्या ९ आमदारांनी मंत्रिपदाची शपथ घेतली. त्यांनतर सगळ्यांचे लक्ष खाते वाटपाकडे लागले होते. ५ दिवसांनंतर खाते वाटप झाले. खातेवाटप होण्याआधीच उपमुख्यमंत्री यांनी सांगितले होते की यावेळी खात्यांमध्ये अनेक अनपेक्षित बदल होतील.
फडणवीसांनी सांगितल्याप्रमाणे खात्यांमध्ये अनेक बदल झालेत. महत्वाचं आणि अपेक्षित खात न मिळाल्याने अनेक मंत्री नाराज आहेत. अशातच दादा भुसे नाराज असल्याची चर्चा आहे. मागील सरकारमध्ये त्यांच्याकडे कृषी खात होत. मात्र आता त्यांना बंदरे आणि खनिकर्म हे खातं देण्यात आलं आहे. दुय्यम दर्जाचं खात मिळाल्यानं ते नाराज असल्याचं बोललं जात आहे.
या पार्श्वभूमीवर दादा भुसे हे नाराज असून रविवारी सायंकाळी त्यांनी आपला फोनही बंद करून ठेवला होता, असं समजते. त्यामुळे येणाऱ्या परिस्थितिमध्ये एकनाथ शिंदे यांना नाराज आमदार आणि मंत्र्यांची समजूत काढण्यासाठी फार मेहनत करावी लागणार आहे. शिंदे गटाच्या मंत्र्यांच्या नाराजीवरून आता सावरासावर केली जात आहे. कोणतंही खातं महत्त्वाचं आणि कोणतंही खातं कमी महत्त्वाचं नसतं. सर्व खाती महत्त्वाची असतात, असं शिंदे गट आणि भाजपकडून सांगितलं जात आहे.
भाजपला महत्त्वाची खाती गेल्यानेही शिंदे गटामध्ये नाराजी असल्याची जोरदार चर्चा आहे. अनेक महत्वाची खाती उपमुख्यमंत्री देवेंद्र फडणवीस यांच्याकडे देण्यात आली. गृह, वित्त व नियोजन, विधी व न्याय, जलसंपदा व लाभक्षेत्र विकास, गृहनिर्माण, ऊर्जा, राजशिष्टाचार ही खाती त्यांच्याकडे देण्यात आली आहेत. विविध समाजाच्या आरक्षणांचे प्रश्नही न्यायालयात स्थगित आहेत. अशातच आता विधी व न्यायदेखील फडणवीस यांनी स्‍वतःकडेच ठेवले असल्याची चर्चा सुरू झाली आहे.
मुख्यमंत्री एकनाथ शिंदे यांनी स्‍वतःकडे १३ खाती ठेवली आहेत. मंत्रिमंडळाचा आणखी एक विस्तार बाकी आहे. म्हणून इतर कोणत्‍याही मंत्र्याला वाटप न केलेल्‍या खात्‍याचाही कारभार असल्याचे जाहीर केले आहे. मुख्यमंत्र्यांकडे सामान्य प्रशासन, माहिती व तंत्रज्ञान, माहिती व जनसंपर्क, सार्वजनिक बांधकाम , परिवहन, पणन, सामाजिक न्याय व विशेष सहाय्य, मदत व पुनर्वसन, आपत्ती व्यवस्थापन, मृद व जलसंधारण, पर्यावरण व वातावरणीय बदल, अल्पसंख्याक ही खाती असणार आहेत.
महत्वाच्या बातम्या
Mukesh Ambani : मुकेश अंबानींच्या कुटुंबाला ८ वेळा धमकीचा फोन, धमकी देणारा म्हणाला, येत्या तीन तासात…
Mohammad Shami: मोहम्मद शमीच्या बायकोला ‘इंडिया’ नावाची अडचण, थेट मोदी-शहांकडे केली ‘ही’ विनंती
Narendra Modi: जेव्हा लाल किल्ल्यावरून भाषण करताना पंतप्रधान मोदी झाले भावूक, महिलांबाबत म्हणाले…
Samna: मी सामना वाचत नाही, मला त्याबद्दल काही माहिती नाही, अमृता फडणवीसांची जहरी टीका
