शिवसेनेनंतर काँग्रेसच्या गोटात खळबळ, शिंदे सरकारच्या पुढील मंत्रिमंडळ विस्तारात काँग्रेस नेत्यांची वर्णी

महाराष्ट्राच्या राजकीय वर्तुळात आणखी भूकंप होणार असल्याची दाट चिन्हे आता दिसू लागली आहेत. एकनाथ शिंदे यांनी बंड केल्यामुळे शिवसेनेत उभी फुट पडली. एकेकाळी एकमेकांसोबत असलेले शिवसेनेतील नेते आता एकमेकांच्या विरोधात उभे राहिले आहेत. शिंदे यांनी बंड केल्याने शिवसेनेला मोठा धक्का बसला आहे.

अजूनही आगामी निवडणुकांच्या पार्श्वभूमीवर राजकीय घडामोडी, गाठी – भेटींचे सत्र पाहायला मिळत आहे. अशातच पुन्हा महाराष्ट्रात राजकीय भूकंप होणार असल्याची चिन्हे दिसू लागले आहेत. शिवसेनेनंतर आता महाराष्ट्र काँग्रेसमध्ये भूकंप होणार असल्याच बोललं जातं आहे.

यामुळे आता येणाऱ्या काळात राजकीय समीकरण नेमकी कशी बदलतात? हे पाहणे महत्त्वाचे ठरणार आहे. नव्या सरकारचा पहिल्या टप्प्यातील मंत्रिमंडळाचा विस्तार झाला असून दुसऱ्या टप्प्यातील विस्तार रखडला आहे. पावसाळी अधिवेशन झाल्यानंतर दुसऱ्या टप्प्यातील विस्तार होणार असल्याचं सांगण्यात येत होतं.

याच पार्श्वभूमीवर आता भाजपकडून काँग्रेसच्या आमदारांचा मोठा गट फोडण्यात येणार असल्याच बोललं जातं आहे. मिळालेल्या माहितीनुसार, कॉंग्रेसमधीलच दोन आमदारांना मंत्रिपद देणार असल्याच देखील बोललं जातं आहे. येत्या ऑक्टोबर महिन्यात मंत्रिमंडळ विस्तार होण्याची शक्यता असल्याच बोललं जातं आहे.

दरम्यान, यामुळे आता येणाऱ्या काळात कॉंग्रेसमधील राजकीय भूमिका कशा असणार हे महत्त्वाचे ठरणार आहे. समजा, कॉंग्रेसमधील गट शिंदे गटासोबत गेला तर, त्यांना मंत्रीमंडळात स्थान मिळणार का? हे पाहणे देखील महत्त्वाचे ठरणार आहे. तर आता कॉंग्रेसमधील बड्या नेत्यांच्या भूमिका महत्त्वाच्या ठरणार आहे.

याचबरोबर, माजी मुख्यमंत्री आणि काँग्रेसचे नेते अशोक चव्हाण यांनी उपमुख्यमंत्री देवेंद्र फडणवीस यांची भेट घेतल्याची माहिती समोर आली आहे. त्यामुळे आता नवा राजकीय भूकंप होणार असल्याच्या चर्चा सुरू झाल्या आहेत. तर आता सर्वांचे लक्ष कॉंग्रेसच्या भूमिकेकडे लागलं आहे.

महत्त्वाच्या बातम्या