Ankita Bhandari, Murder, Vinod Arya, Pulkit Arya/ उत्तराखंडमधील पौडी गढवाल जिल्ह्यातील 19 वर्षीय अंकिता भंडारी हत्याकांडावरून (Ankita Bhandari murder Case) लोकांमध्ये प्रचंड संताप उसळला आहे. शनिवारी संतप्त लोकांनी भाजप आमदार रेणू विष्ट यांच्या गाडीची तोडफोड केली. दरम्यान, पुरावे नष्ट करण्याच्या कटाचा एक भाग म्हणून रिसॉर्टजवळ बांधलेल्या कारखान्यात गूढ आग लागल्याचे प्रकरण समोर आले आहे. मात्र, संतप्त जनतेने ही आग लावल्याचे बोलले जात आहे.
हे प्रकरण गांभीर्याने घेत सरकारने डीआयजींच्या नेतृत्वाखाली विशेष तपास पथक (एसआयटी) स्थापन केले आहे. तत्पूर्वी शुक्रवारी रात्री आरोपींच्या रिसॉर्टवर बुलडोझर फिरवण्यात आला. रिसेप्शनिस्ट अंकिता 18-19 सप्टेंबरपासून भाजप नेत्याच्या मुलाच्या रिसॉर्टमधून बेपत्ता होती. 19 सप्टेंबरला सकाळी अंकिताचा मृतदेह एसडीआरएफला चिला कालव्याजवळ सापडला.
भाजप नेते आणि माजी राज्यमंत्री विनोद आर्य यांचा मुलगा पुलकित आर्य हा मुख्य आरोपी आहे. तो एक रिसॉर्ट चालवतो. रिसॉर्टमध्ये वेश्याव्यवसाय सुरू होता. तसेच आरोपी अंकितावर ग्राहकांशी शारीरिक संबंध ठेवण्यासाठी दबाव टाकत होता. अंकिताने नकार दिल्यावर पुलकितने त्याच्या दोन साथीदारांसह (जे रिसॉर्टमध्ये काम करतात) तिला बंधाऱ्यावरून गंगा नदीत ढकलले.
पोलिस आरोपींना घेऊन जात असताना लोकांमध्ये संताप उसळला आणि पोलिसांनी त्यांना जीपमध्येच बेदम मारहाण केली. त्यांना उघडे करून लाथा बुक्या घातल्या. यादरम्यान आरोपी आपला जीव वाचवण्यासाठी दयेची याचना करत राहिले.
एसपी कोटद्वार शेखर सुयाल यांनी दिलेल्या माहितीनुसार, नंदलसून पट्टी येथील श्रीकोट येथे राहणारी अंकिता भंडारी रिसॉर्टमध्ये रिसेप्शनिस्ट होती. 18 सप्टेंबर रोजी ती रहस्यमयरीत्या गायब झाली. ती तीन आरोपींसोबत रिसॉर्टमधून बाहेर पडताना दिसली. पुलकित आर्य हा यमकेश्वर ब्लॉकमधील एका रिसॉर्टचा मालक आहे. सौरभ भास्कर हे रिसॉर्टचे व्यवस्थापक आहेत, तर अंकित गुप्ता सहाय्यक व्यवस्थापक आहेत. शुक्रवारी तिघांनाही 14 दिवसांची न्यायालयीन कोठडी सुनावण्यात आली.
या प्रकरणानंतर मुख्यमंत्री पुष्कर सिंह धामी यांनी राज्यातील सर्व रिसॉर्टच्या चौकशीचे आदेश दिले आहेत. आरोपींच्या रिसॉर्टवर बुलडोझर चालवण्यात आला आहे. दरम्यान, रिसॉर्टजवळ बांधलेल्या कारखान्यात अचानक आग लागली. तिथे अंकिता खून प्रकरणाशी संबंधित पुरावे असू शकतात, असे मानले जात आहे.
पुलकित आर्यने आपल्या गुन्ह्याची कबुली देत पोलिसांना सांगितले की, अंकिता त्याच्या रिसॉर्टमध्ये रिसेप्शनिस्ट होती. तेथे तिला स्वतंत्र खोली देण्यात आली. काही दिवसांपासून ती मानसिक तणावाखाली होती. याचाच फायदा घेत 18 सप्टेंबर रोजी पुलकित आणि त्याचे दोन मित्र अंकित गुप्ता आणि सौरभ भास्कर यांच्यासोबत अंकिताला ऋषिकेश येथे भेटायला घेऊन गेले. तिथेच तिची हत्या केली.
भाजपने हे प्रकरण गांभीर्याने घेत डॉ.विनोद आर्य आणि त्यांचा दुसरा मुलगा डॉ.अंकित यांची पक्षातून हकालपट्टी केली आहे. अंकित हे उत्तराखंड इतर मागासवर्गीय आयोगाचे उपाध्यक्ष होते. दरम्यान, रिसॉर्टजवळ बांधलेल्या कारखान्यात गूढ आग लागल्याचे प्रकरण समोर आले आहे. मात्र, संतप्त जनतेने ही आग लावल्याचे बोलले जात आहे.
19 सप्टेंबरला सकाळी अंकिताचा मृतदेह एसडीआरएफला चिला कालव्याजवळ सापडला. आरोपींनी तिला बंधाऱ्यावरून ढकलून गंगा नदीत टाकले होते. अंकिता भंडारी आरोपी पुलकित आर्याच्या त्याच रिसॉर्टमध्ये रिसेप्शनिस्ट होती, ज्यावर शुक्रवारी सायंकाळी सरकारचा बुलडोझर चालला.
महत्वाच्या बातम्या-
World Cup : ट्वेंटी वर्ल्डकपसाठी संघ जाहीर होताच धोनीच्या ‘या’ खास खेळाडूने अचानक जाहीर केली निवृत्ती; चाहत्यांना धक्का
स्कुल बसचालकाचा चिमुकलीवर बलात्कार, २४ तासांत आरोपीच्या राहत्या घरावर बुलडोझर!
Shivsena : …तर मी विधानसभेत आत्महत्या करेल; शिवसेना आमदाराच्या घोषणेने उडाली खळबळ
