Bihar Assembly Seat Allocation : राष्ट्रीय जनता दल (NDA) मधील घटक पक्षांमध्ये बिहार विधानसभा निवडणुकीसाठी जागा वाटपाचा फॉर्म्युला ठरला आहे. गेल्या काही दिवसांपासून जागा वाटपाच्या चर्चा सुरू होत्या आणि घटक पक्षांमध्ये नाराजीनाट्य दिसून आले. मात्र अखेर एनडीएने जागा वाटपाचं सूत्र निश्चित केलं आहे. गेल्या निवडणुकीत मोठ्या फरकाने मोठा भाऊ ठरलेला भाजपा (BJP) यंदा लहान भाऊ म्हणून भूमिका घेणार आहे. भाजपने मित्रपक्षांसाठी मोठं बलिदान दिलं असून, एनडीएतील लहान पक्षांना सन्मानजनक जागा देण्यात आल्या आहेत.
बिहार विधानसभा निवडणूक दोन टप्प्यात होईल: ६ आणि ११ नोव्हेंबरला मतदान, १४ नोव्हेंबरला मतमोजणी. विधानसभेच्या एकूण २४३ जागांमध्ये जेडीयू (JD-U) १०१, भाजप (BJP) १००, लोजप (आर) (LJP-R) २९, हिंदुस्तानी अवामी मोर्चा (HAM) ७ आणि राष्ट्रीय लोक मार्चा (RLSP) ६ जागा लढवेल. २०२० मध्ये जेडीयूने ११५ जागा लढवल्या, त्यातील ४३ जागा जिंकल्या, ७२ जागांवर पराभव झाला. यंदा जेडीयू १४ जागा कमी लढवणार असून त्या मित्रपक्षांसाठी सोडल्या आहेत.
२०२५ मध्ये भाजप लहान भाऊ म्हणून एनडीएमध्ये राहणार आहे. मागील निवडणुकीत भाजपचा स्ट्राईक रेट उत्कृष्ट होता, त्यामुळे चर्चा होती की यंदा मोठा भाऊ ठरेल. मात्र युतीचे गणित जुळवताना भाजपने मित्रपक्षांसाठी लहान भाऊ राहण्याचा निर्णय घेतला आहे. २०२० मध्ये भाजपने ११० जागा लढवल्या आणि ७४ जिंकल्या. यंदा १०० जागा लढवणार असून १० जागांचं बलिदान मित्रपक्षांसाठी दिलं आहे.
यंदा एनडीएमध्ये दोन पक्ष वाढले आहेत, तर एक बाहेर पडला. लोजप (आर) आणि रालोमो पुन्हा एनडीएममध्ये परतले आहेत. चिराग पासवान (Chirag Paswan) यांच्या लोजप (आर) ने २९ जागा मिळवल्या आहेत; सुरुवातीला त्यांनी ४०–४५ मागितल्या होत्या, नंतर ३५ वर आणल्या. भाजपने त्यांना २५–२६ जागा आणि विधान परिषद व राज्यसभेतील प्रत्येकी एक जागा दिली.
मागील विधानसभा निवडणुकीत लोजप स्वबळावर लढला होता. त्यांनी १३४ जागांवर उमेदवार दिले, त्यातील बहुसंख्य जागा जेडीयूच्या वाट्याला गेल्या. लोजपला फक्त १ जागा जिंकता आली; परंतु उमेदवारांनी घेतलेल्या मतांमुळे जेडीयूने ३५ जागा गमावल्या. २०१५ मध्ये ७१ जागा जिंकणारा जेडीयू २०२० मध्ये ४३ जागांवर आला.
चिराग पासवान (Chirag Paswan) यांनी स्वत:ला ‘मी मोदींचा हनुमान’ म्हणून सादर केले. त्यांच्या कामगिरीमुळे एनडीएला १२५ जागांवर समाधान मानावं लागलं आणि काठावरचं बहुमत मिळालं. भाजपच्या मित्रपक्ष जेडीयूचा कार्यक्रम त्यांनी व्यवस्थितपणे हाताळला.
