Raju Srivastava, Ventilator, Sunil Paul/ कॉमेडियन राजू श्रीवास्तवच्या चाहत्यांसाठी दिलासा देणारी बातमी आहे. वृत्तानुसार, 15 दिवस दिल्ली एम्सच्या आयसीयूमध्ये भरती असलेले राजू श्रीवास्तव यांचे व्हेंटिलेटर आज काढले जाऊ शकते. रिपोर्ट्समध्ये राजूचा मित्र आणि कॉमेडियन सुनील पाॅल यांच्या हवाल्याने हा दावा करण्यात येत आहे. सुनीलने राजूच्या चाहत्यांना त्यांच्या आवडत्या कॉमेडियनच्या प्रकृतीबद्दल सकारात्मक राहण्याचे आवाहन केले आहे.
राजू यांच्या प्रकृतीत सातत्याने सुधारणा होत असल्याचेही त्यांनी सांगितले. मात्र, अद्यापही त्याला शुद्ध आलेली नाही. सुनील पाल एका संभाषणात म्हणाले, माझ्या माहितीनुसार, रिस्पॉन्स पॉजिटिव आहे आणि रिकवरी होत आहे. बाकी प्रार्थनांवर अवलंबून असते. आपल्याला पॉजिटिव विचार करावा लागेल.
राजूचे शरीर वेगवेगळ्या प्रकारे रिएक्ट करत आहे आणि हे कारण आहे की, प्रत्येकजण वेगवेगळी विधाने करत आहे. देवाच्या कृपेने ते आता सर्व स्थिर आहे. आपण चांगल्याची आशा करूया. सुनील पुढे म्हणाला, मला खात्री नाही, कारण मी त्याच्या कुटुंबीयांशी बोललो नाही. पण मी ऐकले आहे की त्याचे व्हेंटिलेटर आज काढले जाऊ शकते.
तसेच सुनील पुढे म्हणाला, सध्या काहीही निश्चित झालेले नाही. हे सर्व त्याच्या प्रकृतीवर अवलंबून आहे. मी जाईन दोन-तीन दिवसांत दिल्लीला त्याला भेटायला. तो माझा मोठा भाऊ आणि मार्गदर्शक आहे. तो लवकरात लवकर बरे होण्यासाठी आम्ही प्रार्थना करत आहोत.
10 ऑगस्ट रोजी राजू श्रीवास्तव यांना ट्रेडमिलवर धावताना हृदयविकाराचा झटका आला, त्यानंतर जिम ट्रेनर त्यांना एम्सला घेऊन गेले. हृदयाच्या मोठ्या भागात 100% ब्लॉकेज असल्याने त्याच दिवशी राजू श्रीवास्तव यांची अँजिओप्लास्टी करण्यात आली. तेव्हापासून ते सतत आयसीयूमध्ये व्हेंटिलेटरवर होते. तेव्हापासून त्याला शुद्धही आलेले नाही.
तथापि, अहवालांवर विश्वास ठेवला तर, त्याच्या शरीराचे सर्व अवयव सामान्यपणे कार्यरत आहेत आणि त्यांची प्रकृती स्थिर आहे. गेल्या आठवड्यात राजू श्रीवास्तव ब्रेन डेड झाल्याची अफवा पसरली होती. लोकांनी त्यांच्या मृत्यूची बातमी सोशल मीडियावर व्हायरलही केली होती. मात्र, नंतर राजूची पत्नी शिखा श्रीवास्तव यांनी त्याला फायटर म्हटले आणि लोकांना कोणत्याही प्रकारच्या अफवा पसरवू नका असे आवाहन केले.
राजू यांच्या प्रकृतीत सुधारणा होत असून लवकरच ते लोकांचे मनोरंजन करण्यासाठी परतणार असल्याचेही त्यांनी शिखा श्रीवास्तव यांनी सांगितले होते. राजूचा भाऊ दीपूनेही सोशल मीडियाच्या माध्यमातून लोकांना अफवांपासून दूर राहण्याचा सल्ला दिला आहे.
महत्वाच्या बातम्या-
Raju Srivastava: जिच्यासाठी १२ वर्ष थांबले तिला आता डॉक्टर जवळही येऊ देत नाही, वाचा राजू श्रीवास्तवची प्रेमकहाणी
राजू श्रीवास्तव 10 ऑगस्टपासून सतत व्हेंटिलेटरवर; कुटुंबाने घेतला मोठा निर्णय
Raju Shrivastav: अनोळखी व्यक्ती ICU मध्ये घुसल्यानंतर राजू श्रीवास्तवांच्या कुटुंबीयांनी घेतला मोठा निर्णय
