पंजाबचे मुख्यमंत्री भगवंत मान आज विवाहबंधनात अडकणार आहेत. ते डॉ गुरप्रीत कौरसोबत लग्न करणार आहे. दोघेही गेल्या चार वर्षांपासून एकमेकांना ओळखत होते. मात्र त्यांच्या कुटुंबीयांनी हे नाते गुप्त ठेवले होते. बुधवारपर्यंत त्यांनी भगवंत मान आणि गुरप्रीत कौर यांच्या लग्नाची माहिती सार्वजनिक केली नव्हती.विशेष म्हणजे या लग्नाची माहिती दोन्ही कुटुंबीयांनी जवळच्या नातेवाईकांनाही दिली नव्हती. ही घोषणा सोशल मीडिया आणि दूरचित्रवाणी वाहिन्यांवरून कळल्याचे नातेवाइकांनी प्रसारमाध्यमांना सांगितले.(Bhagwant Mann, Lagna, Dr. Gurpreet Kaur, Social Media, Television)
कौटुंबिक सूत्रांचे म्हणणे आहे की, गुरप्रीतने 2019 मध्ये भगवंत मान यांची भेट घेतली होती. मान यांच्यासोबत त्यांनी लोकसभा निवडणुकीचा प्रचारही केला होता. त्यांच्या मुख्यमंत्रीपदाच्या शपथविधी सोहळ्यातही ती दिसली होती.
गुरप्रीत कौर भगवंत मान यांच्या आई आणि बहिणीला ओळखत होती. दोघींनीही या नात्याला होकार दिला होता. मुलाने मुख्यमंत्री झाल्यानंतर डॉ. गुरप्रीत कौर यांच्यासोबत लग्न करावे, अशी भगवंत यांच्या आईची इच्छा होती. पण पंजाबमधील पहिल्या मंत्रिमंडळ विस्तारापर्यंत लग्नाची योजना थांबवण्यात आली होती.
मात्र, लग्नाची तयारी आधीच सुरू होती. गुरप्रीत कौरची मोठी बहीण नवनीत कौर जी अमेरिकन नागरिक आहे, ती 20 दिवसांपूर्वी पंजाब (पेहोवा) येथे लग्नाच्या तयारीसाठी आली होती.
गुरप्रीत कौरचे कुटुंब सहा महिन्यांपूर्वी मोहालीला शिफ्ट झाले. भगवंत मान हे स्वतः मोहालीत दीर्घकाळ वास्तव्य करत होते. यादरम्यान दोघे जवळ आल्याचे सांगण्यात येत आहे. आम्ही तुम्हाला सांगू इच्छतो की, भगवंत मान हे पंजाबचे पहिले राजकारणी आहेत ज्यांनी मुख्यमंत्री असताना लग्न केले.
भगवंत मान यांचे हे दुसरे लग्न आहे. 2015 मध्ये त्यांनी पहिली पत्नी इंद्रप्रीत कौरपासून घटस्फोट घेतला. इंद्रप्रीत तिच्या दोन मुलांसह अमेरिकेत राहते. 2014 मध्ये भगवंत मान यांनी पहिल्यांदा संगरूरमधून लोकसभा निवडणूक लढवली तेव्हा इंद्रप्रीत कौर यांनी त्यांच्या बाजूने प्रचार केला. मात्र, निवडणूक जिंकल्यानंतर 2015 मध्ये दोघांचा घटस्फोट झाला आणि इंद्रप्रीत अमेरिकेत शिफ्ट झाली.
महत्वाच्या बातम्या-
दुसऱ्यांदा बोहल्यावर चढणार मुख्यमंत्री भगवंत मान, 16 वर्षांनी लहान या मुलीसोबत करणार लग्न
चुकीला माफी नाही! भ्रष्टाचार करणाऱ्या आपल्याच मंत्र्यांची भगवंत मान यांनी केली हकालपट्टी, म्हणाले
या कारणामुळे शेतकऱ्यांच्या विरोधात अटक वॉरंट जारी, संघटनांच्या विरोधावर भगवंत मान यांचा युटर्न
आप की सरकार, काम की सरकार! भगवंत मान यांची मोठी घोषणा, ३०० युनिट वीज देणार मोफत
